Mark Ronson

Mark Ronson

Biografía
Nacemento	4 de setembro de 1975 (48 anos) Notting Hill, Reino Unido (pt)
Datos persoais
País de nacionalidade	Reino Unido Estados Unidos de América
Educación	Vassar College (pt) New York University Tisch School of the Arts (en) Collegiate School (en)
Actividade
Campo de traballo	Música e canto
Lugar de traballo	Nova York
Ocupación	músico , produtor musical , guitarrista , compositor de cancións , disc-jóckey , cantante
Período de actividade	1993 -
Membro de	Silk City (pt) (2018–)
Xénero artístico	Música pop e R&B contemporâneo (pt)
Lingua	Lingua inglesa
Instrumento	Batería, Teclado, Instrumento de percusión, baixo, Órgano, voz, guitarra, disc-jóckey e fonógrafo
Selo discográfico	Allido Records (en) Columbia Records Roc Nation (pt)
Compañeiro profesional	Diplo: Silk City (pt)
Familia
Cónxuxe	Grace Gummer (2021–) Joséphine de La Baume (2011–2017)
Parella	Rashida Jones (pt) (2002–2004)
Irmáns	Charlotte Ronson (pt) e Samantha Ronson (pt)
Parentes	Gerald Ronson (en) (tío)
Premios (2019)  Globo de Ouro de melhor canção original (pt) , premiado polo traballo Shallow (2018)  Óscar á mellor canción orixinal, premiado polo traballo Shallow (2008)  Grammy Award for Producer of the Year, Non-Classical (en)
Páxina web	markronson.co.uk

Mark Daniel Ronson, nado o 4 de setembro de 1975, é un músico, DJ, compositor e produtor musical británico.[2] Ronson é coñecido sobre todo polas súas colaboracións con artistas como Amy Winehouse, Lady Gaga, Adele, Lily Allen, Robbie Williams, Miley Cyrus, Queens of the Stone Age e Bruno Mars. Ronson recibiu sete premios Grammy, incluído o premio ao produtor do ano polo seu traballo co álbum de Amy Winehouse Back to Black, e dous premios á gravación do ano polos sinxelos "Rehab" e "Uptown Funk". Tamén gañou un Óscar, un Golden Globe Award e un Grammy por co-escribir a canción "Shallow" para o filme A Star is Born (2018).

Ronson naceu en Londres e medrou en Nova York. O seu padrastro é o guitarrista de Foreigner Mick Jones, que axudou a que durante a súa infancia vivise rodeado pola música. Mentres estudaba na Universidade de Nova York, Ronson converteuse nun popular DJ na escena hip hop. O seu álbum de estrea, Here Comes the Fuzz (2003), non chegou a entrar nas listas. En 2006 foi aclamado por producir álbums para Lily Allen, Christina Aguilera e Amy Winehouse. En 2007 Ronson publicou o seu segundo disco, Version. Desta vez o álbum chegou ao número 2 no Reino Unido, entrando tres dos seus sinxelos no top 10 e gañando o Brit Award ao mellor artista británico masculino. Posteriormente lanzou o seu terceiro álbum de estudio, Record Collection, que tamén chegou ao número 2 do Reino Unido.

En 2014 Ronson publicou o seu sinxelo "Uptown Funk" con voces de Bruno Mars. O sinxelo pasou 14 semanas seguidas no número 1 da lista Billboard Hot 100, sete non consecutivas no número 1 da lista británica de sinxelos e converteuse nun dos sinxelos máis vendidos de todos os tempos. O seu cuarto álbum de estudio, Uptown Special, converteuse no seu disco máis exitoso ata a data. En 2018 fundou o seu propio selo, Zelig Records (filial de Columbia Records), e fundou o dúo Silk City co produtor Diplo, co cal recibiu o Grammy Award á mellor gravación de dance pola canción "Electricity".

Ademais do seu traballo no mundo do entretemento Ronson usa a súa influencia creativa para axudar aos demais. En 2015 converteuse en patrocinador da Amy Winehouse Foundation, que axuda a mozos marxinados a través da música. Tamén traballou coa campaña End the Silence para conseguir cartos para a asociación benéfica Hope and Homes for Children e recentemente converteuse en artista mentor no Turnaround Arts, un programa nacional do John F. Kennedy Center para as artes escénicas, que axuda a escolas de baixo rendemento a través da educación en artes.

Véxase tamén

Ligazóns externas

• Páxina oficial