Bergen

Na Galipedia, a Wikipedia en galego.

Coordenadas: 60°23′22″N 5°19′48″E / 60.38944°N 5.33000°E / 60.38944; 5.33000

Bergen
Bergen komm.svg
BergenComposite.jpg
Dende arriba e pola esquerda: Centro da cidade, buekorps, Gamlehaugen, Bryggen e Fyllingsdalen.
Situación xeográfica
Bergen en Noruega
Bergen
Bergen
País Flag of Norway.svg Noruega
Rexión Vestlandet
Condado Hordaland
Distrito Midhordland
Concello Bergen
Xeografía
Altitude 987 msnm
Superficie 465,56 km²
Poboación
Poboación 270.700 hab. (2012)
Densidade 580 hab/km²
Información
Código postal 5003-5098
Alcalde Trude Drevland (H)
Páxina web Páxina oficial da Valeta

Bergen é a segunda cidade máis grande de Noruega. A cidade atópase situada na costa suroeste do país, no condado de Hordaland, cuxo centro está situado entre un grupo de montañas coñecidas como de Syv Fjell ("As Sete Montañas"). A poboación da cidade era de 242.854 habitantes a 1 de abril de 2006, segundo o Instituto Nacional de Estatística de Noruega (Statistisk sentralbyrå).

Bergen está recoñecida como a capital non oficial da rexión coñecida como Noruega occidental, e é coñecida tamén como a porta aos coñecidos fiordes noruegueses e por iso comezou a ser a un dos máis grandes portos cruceirísticos non só de Noruega se non tamén do mundo.

Bergen é a cidade máis chuviosa de Escandinavia con 235 días de precipitación ao ano (2248 mm).

Historia[editar | editar a fonte]

A cidade de Bergen foi fundada no s.XI polo rei Olav Kyrre no ano 1070. Celebrou o seu 9º centenario en 1970. Foi a capital de Noruega no s.XIII ata 1299. A finais dese século Bergen converteuse nunha das cidades máis importantes da Liga Hanseática. A principal razón da importancia de Bergen foi o comercio do bacallau seco da costa norte de Noruega, comezado sobre o ano 1100.

Os mercaderes haseáticos alemáns viviron no seu propio barrio separado da cidades, onde o baixo alemán era a lingua común, gozando de dereitos exclusivos para o comercio cos mariñeiros do norte que cada verán navegaban ata Bergen. Hoxe, aínda se pode apreciar na zona costeira de Bergen chamada Bryggen, declarada Patrimonio mundial pola UNESCO.

En 1349, a peste negra foi introducida en Noruega pola tripulación dun barco inglés que atracou en Bergen. No s.XV a cidade foi varias veces atacada polos Victual Brothers, en 1429 conseguiron queimar o castelo real e gran parte da cidade. En 1536 o rei conseguiu forzar os mercadores alemáns a converterse en cidadáns noruegueses ou volver ao seu país, o que supuxo o declive da influencia alemá. En 1665 o porto da cidade foi o lugar da sanguinolenta batalla de Vågen, entre barcos ingleses por un lado e os barcos holandeses, apoiados polos cidadáns, do outro.

Aínda así durante os ss.XV e XVI Bergen seguiu sendo a cidade máis grande dos países nórdicos, e seguiu sendo a cidade máis grande de Noruega ata 1850, cando foi superada por Oslo. Bergen conservou o monopolio do comercio co norte de Noruega ata 1789.

En 1916 partes do centro da cidade foron destruídas por un devastador incendio, o último de dos moitos que sufriu a cidade ao longo da súa dilatada historia. Durante a Segunda Guerra Mundial a cidade foi ocupada o primeiro día da invasión alemá, o 9 de abril de 1940, despois dunha breve batalla entre os barcos alemáns e a artillería costeira norueguesa.

En 1972 Bergen foi uniuse cos concellos veciños (Arna, Fana, Laksevåg and Åsane), adquirindo así as súas actuais fronteiras.

Galería de imaxes[editar | editar a fonte]

Predecesor:
Alemaña Weimar
EU Insignia.svg
Capital Europea da cultura
xunto con Francia Aviñón
República Checa Praga
Italia Boloña
Bélxica Bruxelas
Polonia Cracovia
Finlandia Helsinqui
Islandia Reiquiavik
Galicia Santiago de Compostela

2000
Sucesor:
Países Baixos Países Baixos Róterdan
Flag of Portugal.svg Porto
Commons
Commons ten máis contidos multimedia na categoría: Bergen