Universal Music Group

Na Galipedia, a Wikipedia en galego.

Universal Music Group ou UMG, antigamente MCA Music Entertainment, é a segunda maior gravadora da industria da música, cunha cota do 25,5% no mercado, entrando polo tanto no grupo das catro maiores gravadoras do mundo. A súa dona é a empresa Vivendi . O seu catálogo inclúe algúns dos maiores artistas da actualidade como Amy Winehouse, Selena Gomez, Demi Lovato, Bon Jovi ou Lady Gaga.

Universal Music Group posue unha editora musical, Universal Music Publishing Group, que se convertiu na máis grande do mundo despois de adquirir BMG Music Publishing en maio do 2007.

As oficinas centrais de Vivendi atópanse en París, pero os cuarteis xerais de UMG están localizados en Santa Monica e Nova York. As oficinas de Nova York adícanse principalmente á distribución internacional de Universal Records, mentres que as de Santa Monica supervisa o traballo da compañía en Canadá e os Estados Unidos. Estas últimas son tamén a sede de Interscope Records. Tamén ten oficinas en Nashville e Miami, no Reino Unido traballa dende Londres e Romford, e en Xapón a súa sede está en Minato, Tokyo.

Véxase tamén[editar | editar a fonte]

Ligazóns externas[editar | editar a fonte]