Praza do Obradoiro

Para outras páxinas con títulos homónimos véxase: Obradoiro.

A praza coa fachada da catedral.

A praza do Obradoiro é a praza máis senlleira de Santiago de Compostela. Está arrodeada polo Hospital Real , hoxe parador (hostal dos Reis Católicos) ao norte, o colexio de San Xerome ao sur (hoxe reitoría da Universidade), a catedral de Santiago de Compostela (coa fachada do Obradoiro e o museo da catedral) ao leste, e o pazo de Raxoi ao oeste (sede do Concello de Santiago de Compostela). Quedan así representados na praza os principais polos da vida da capital galega: a relixgión, a educación universitaria, a atención ao peregrino e ao viaxeero, e a administración.

A praza áchase no centro monumental da vila. O seu nome semella derivar dos obradoiros dos canteiros que traballaron na construción da fachada barroca da catedral , que domina a praza. Pode que incluso que o nome veña da construción da antiga fachada románica. Cómpre salientar a riqueza de estilos arquitectónicos nunha soa praza, xurdidos de máis de 700 anos de construción.

Importancia social

É o punto de encontro dos peregrinos que fan o camiño de Santiago. Na praza celébranse a queima da fachada nas Festas do Apóstolo a noite do 24 de xullo. Celebráronse aquí tamén diferentes actos relixiosos, como as misas das visitas dos diferentes Papas.

Así mesmo, é lugar habitual de manifestacións e reivindicacións cidadás como as acontecidas en 2009 a prol da lingua galega.

Despois do accidente ferroviario de Angrois en 2013, turistas, cidadáns e peregrinos manifestaron a súa solidariedade con diferentes mostras reivindicativas na praza, como colocando flores e notas no enreixado da escadaría de entrada á catedral.

Galería de imaxes

• 
  Vista do Pazo de Raxoi cara á praza do Obradoiro. Parte oeste da praza.
• Fachada do Obradoiro da Catedral. Parte leste da praza.
  Fachada do Obradoiro da Catedral. Parte leste da praza.
• 
  O Colexio de San Xerome. Parte sur da praza.
• 
  O Hospital Real (hostal dos Reis Católicos). Parte norte da praza.
• 
  Músico a tocar a arpa á noitiña á beira do Colexio de San Xerome.
• 
  A Praza do Obradoiro vista da varanda suroeste da Catedral; ao fondo, á dereita: o Hospital dos Reis Católicos; á esquerda: o Pazo de Raxoi; en primeiro plano, á esquerda: parte do tellado do colexio de San Xerome; á dereita vese as escadaría que dá acceso á catedral.

Véxase tamén

Outros artigos

• Colexio de Santiago Alfeo

---

Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.

---