División de Honra de Rugby

Na Galipedia, a Wikipedia en galego.
División de Honra de Rugby
Copaligarugby.png
Fundación 1952
Rexión España España
Equipos 12
Actual campión C.R. El Salvador (2015-16)
Organizador Federación Española de Rugby
Sitio web www.ferugby.es

A División de Honra é a primeira división do rugby en España, organizada pola Federación Española de Rugby. No torneo participan os doce mellores equipos do país cun formato de liga a dúas voltas seguida dunha fase final de eliminatorias polo título. A liga disputouse por primeira vez na tempada 1952-53, e de xeito ininterrompido dende a edición 1969-70. Ó longo da súa historia dezaseis clubs teñen acadado o campionato, sendo o Club Deportivo Arquitectura o equipo que lidera o palmarés con nove títulos de liga. A Unió Esportiva Santboiana, o Club de Rugby El Salvador, o Valladolid Rugby Asociación Club e o Canoe Rugby Club Pozuelo tamén teñen gañado a liga cinco veces ou máis. Outros clubs salientables pola súa frecuente participación na competición son o Club de Rugby Cisneros, o Getxo Rugby Taldea e o Club de Rugby Ciencias, todos eles con máis de 25 tempadas na máxima competición nacional.

A División de Honra serve como torneo clasificatorio para o resto das competición oficiais. Os oito mellores equipos da liga tralo remate da primeira volta acadan a súa clasificación para disputar a Copa do Rei. O campión de liga disputa tamén a Supercopa contra o campión de Copa, e a Copa Ibérica contra o campión de Portugal. A Federación Española de Rugby recibe cada ano unha invitación para que un equipo compita no torneo previo á Challenge Cup, a segunda competición europea máis importante a nivel de clubs trala Champions Cup. A federación ten por costume entregar esa invitación ó campión da liga, aínda que non sempre é aceptada polo club en cuestión por razóns económicas, de xeito que a presenza de algún club desta liga en competicións continentais non é regular.

A División de Honra é a máxima categoría das ligas de rugby en España. Por debaixo da División de Honra está a División de Honra B, organizada tamén pola Federación Española de Rugby, e por debaixo desta están as diversas ligas rexionais, organizadas por candansúa federación autonómica. Entre tódalas divisións existe un sistema de ascensos e descensos por méritos deportivos.

O vixente campión da División de Honra é o Club de Rugby El Salvador.

Historia[editar | editar a fonte]

As dúas primeiras edicións[editar | editar a fonte]

O Campionato de España de rugby (actual Copa do Rei) foi durante décadas a principal competición nacional. A primeira edición tivo lugar en 1926. No Campionato de España enfrontábanse cada ano os mellores equipos de cada campionato rexional, de xeito que a clasificación non dependía dos resultados da tempada anterior, senón dos resultados na liga local na primeira metade do mesmo ano. Nun principio enfrontaba ó campión de Cataluña co campión de Castela, que eran as únicas rexións con liga de rugby, e pouco a pouco fóronse engadindo os campións de Valencia, Euskadi e Andalucía. Nos anos 50, sendo Luis Blanco Mongay presidente da F.E.R., xurdíu a idea dunha liga nacional ate entón inexistente. As dúas primeiras edicións (1952-53 e 1953-54) contaron con catro equipos participantes, dous cataláns en dous casteláns, que saían de cadanseu campionato rexional. O primeiro encontro da historia da liga española de rugby levouse a cabo ás 12:00h do 12 de outubro de 1952 no Campo de La Bordeta, en Barcelona. Nese encontro inaugural enfrontáronse o FC Barcelona e a AD Plus Ultra de Madrid[1], que rematou co resultado final de 21-0 a prol do conxunto barcelonés[2]. Aquelas dúas primeiras edicións reducidas de liga foron gañadas polo Futbol Club Barcelona, cos dous subcampionatos para o Club Atlético de Madrid, pero o torneo non tivo continuidade.

Renacemento frustrado[editar | editar a fonte]

Nos anos 60, baixo a presidencia de José María Marín Ocón, renaceu a intención de crear un campionato nacional de liga no que xogaran entre si cada ano tódolos mellores equipos de España. Na tempada 1966-67 tomouse a decisión, elexíronse os equipos participantes (Santboiana e Barcelona de Cataluña, Canoe e Cisneros de Madrid, San Sebastián de Euskadi, Castilla de Valladolid, CADU de Sevilla, e un oitavo participante que tiña que sair dunha eliminatoria entre o BUC de Barcelona e o Boris de Madrid)[3] e mesmo había datas[4], pero finalmente a liga non se celebrou por non haber acordo na asemblea da federación para financiar os desprazamentos dos equipos.

Establécese a Liga Nacional[editar | editar a fonte]

Foi finalmente a finais dos anos 60, xa con Florencio Noriega Ruiz como presidente da federación, cando a Liga Nacional de Rugby naceu. Na tempada 1968-69 creouse un torneo clasificatorio de dez equipos, divididos en dous grupos xeográficos, que tiña dous obxectivos: os equipos gañadores de cada sector xogarían a final da Copa do Xeneralísimo desa tempada 68-69, e os tres mellores equipos de cada sector xogarían na primeira edición oficial da nova liga na tempada 1969-70. Así quedaron os dous sectores do torneo clasificatorio:

Sector vasco-catalán
Equipo X G E P Ptos
Cataluña Barcelona 8 7 0 1 22
Flag of the Basque Country.svg San Sebastián 8 7 0 1 22
Cataluña Universitari 8 3 0 5 14
Cataluña Santboiana 8 2 0 6 12
Cataluña Natació 8 1 0 7 10
Sector andaluz-castelán
Equipo X G E P Ptos
Comunidade de Madrid Cisneros 8 6 1 1 21
Comunidade de Madrid Canoe 8 6 0 2 20
Comunidade de Madrid CAU 8 5 0 3 18
Andalucía Macarena 8 1 1 6 11
Comunidade de Madrid Aquinas 8 1 0 7 10

Deste xeito determinouse cales eran os seis equipos que participarían na primeira edición da nova Liga Nacional de Rugby na tempada 1969-70, que se disputou sen complicacións cun formato de dúas voltas e todos contra todos ó longo de dez xornadas, saíndo campión o Club Atlético San Sebastián e subcampión o Futbol Club Barcelona.

Catro campións[editar | editar a fonte]

Durante os anos 70 o formato da liga non padeceu trocos salientables non sendo polas ampliacións no número de equipos participantes de seis a oito en 1970, e de oito a dez en 1972, que conlevaban unha ampliación tamén no número de xornadas. Foron anos de dominio total por parte dos equipos madrileños. Os títulos de liga enchían a vitrinas de Canoe (3), Arquitectura (3) e Cisneros (1). Foi en 1978 cando se levou a cabo un troco de gran importancia. Tralo segundo título do At. San Sebastián a Federación tomou a decisión de deixar de subvencionar os desprazamentos dos equipos, e modificou o formato do campionato de liga pasando este de estar feito por un grupo único a contar con catro grupos territoriais (para reducir viaxes), con oito equipos por grupo, de xeito que a liga pasou de súpeto de dez equipos na tempada 1977-78 a trinta e dous equipos na tempada 1978-79. Esta medida causou moitos problemas, sobre todo porque no grupo Sur, que estaba composto por equipos andaluces, as choivas do inverno impediron que se celebrasen os partidos con normalidade polos desperfectos nos campos, e a acumulación de encontros adiados levou á Federación a tomar a decisión de dar por finalizada a competición antes de que se puidese determinar cal era o equipo campión, proclamando vencedores de liga ós catro equipos que remataron na primeira posición de cada grupo: Club Atlético San Sebastián no Grupo Norte, CAU Madrid no Grupo Centro, Rugby Club Cornellà no Grupo Levante e Club Amigos del Rugby no Grupo Sur.

O formato de catro grupos territoriais perdurou tres tempadas mais, saíndo campións o CAU Madrid (1) e o CD Arquitectura (2), e demostrando por diversos motivos non ser un sistema adecuado de competición, de xeito que a edición 1981-82 foi a derradeira que se disputou con esta estrutura.

Nace a División de Honra[editar | editar a fonte]

En 1981 os malos resultados da selección española e os problemas da Liga Nacional provocaron que dimitira o presidente da Federación Javier Cortázar Cano e ocupou o seu posto Alberto Pico Marín. Na asemblea de xuño de 1982 tomouse a decisión de comezar a partir de cero no que atinxía ás competicións de liga e copa. O novo torneo chamouse División de Honra, e os oito equipos participantes sairon das competicións rexionais de Cataluña (2), Madrid (2), Euskadi (2) e Valencia (2), sen importar o papel desempeñado polos equipos na anterior tempada da Liga Nacional.[5] A nova liga disputouse na segunda metade da tempada, e tivo só sete xornadas, saíndo campión o Rugby Club Valencia. Na seguinte tempada o número de equipos medrou de oito a dez por vía dos ascensos deportivos, e na seguinte a liga pasou dunha volta a dúas, e de nove xornadas a dezaoito. Posteriormente o número de equipos medrou novamente de dez a doce, e o número de xornadas de dezaoito a vinte e dúas, manténdose estable o formato de competición. Durante eses anos dominaron o torneo o CD Arquitectura madrileño e a UE Santboiana catalana con tres títulos cada un, gañou unha liga tamén o CR Cisneros e apareceu por primeira vez no palmarés un futuro dominador do rugby español como o CR El Salvador de Valladolid.

Sistema de competición[editar | editar a fonte]

A División de Honra conta cun total de doce equipos, polo que cada equipo xoga un total de vinte e dous encontros durante a tempada regular, once como local e once como visitante. De seguido, os seis primeiros equipos da táboa disputan as eliminatorias polo título, que consisten de dous encontros de cuartos de final, dous de semifinais, e unha final.

O último equipo da táboa descende de categoría, mentres que o penúltimo ten que xogar unha eliminatoria de promoción fronte a un equipo da División de Honra B, que é a segunda división do rugby nacional.

Sistema de puntuación[editar | editar a fonte]

  • Cada vitoria suma 4 puntos.
  • Cada empate suma 2 puntos.
  • Catro ensaios nun partido suma 1 punto de bonus.
  • Perder por unha diferenza de sete puntos ou inferior suma 1 punto de bonus.

Tempada actual[editar | editar a fonte]

Posto Equipo Puntos PX PG PE PP PF PC BO BD
1º. Comunidade de Madrid C. Alcobendas R. 32 7 7 0 0 288 112 4 0
2º. Cataluña U.E. Santboiana 26 7 5 0 2 201 150 5 1
3º. Comunidade de Madrid C.R. Cisneros 24 7 5 0 2 241 152 4 0
4º. Castela e León C.R. El Salvador 24 6 5 0 1 187 76 3 1
5º. Castela e León V.R.A.C. 23 7 5 0 2 236 136 3 0
6º. Cantabria Independiente R.C. 23 7 5 0 2 172 184 2 1
7º. Flag of the Basque Country.svg Ordizia R.E. 17 7 3 0 4 196 175 4 1
8º. Flag of the Basque Country.svg Gernika R.T. 13 7 2 0 5 137 183 3 2
9º. Flag of the Basque Country.svg Getxo R.T. 8 7 1 0 6 132 301 2 2
10º. Andalucía C.R. Ciencias 8 7 1 0 6 129 241 2 2
11º. Flag of the Basque Country.svg Hernani C.R.E. 6 6 1 0 5 81 142 0 2
12º. Cataluña F.C. Barcelona 5 7 1 0 6 110 258 0 1

     Posicións que clasifican para semifinais (1º e 2º).
     Posicións que clasifican para cuartos de final (3º, 4º, 5º e 6º).
     Posición de promoción de permanencia (11º).
     Posición de descenso directo (12º).

PX - Partidos xogados
PG - Partidos gañados
PE - Partidos empatados
PP - Partidos perdidos

PF - Puntos a favor
PC - Puntos en contra
BO - Bonus ofensivos
BD - Bonus defensivos

Cuartos de final Semifinais Final
           
   
   
     
     
     
 
     
   
     
     
     

Palmarés[editar | editar a fonte]

Edición Campión
1952-53 Cataluña Barcelona
1953-54 Cataluña Barcelona
1969-70 Flag of the Basque Country.svg San Sebastián
1970-71 Comunidade de Madrid Canoe
1971-72 Comunidade de Madrid Canoe
1972-73 Comunidade de Madrid Canoe
1973-74 Comunidade de Madrid Arquitectura
1974-75 Comunidade de Madrid Arquitectura
1975-76 Comunidade de Madrid Cisneros
1976-77 Comunidade de Madrid Arquitectura
1977-78 Flag of the Basque Country.svg San Sebastián
1978-79 Flag of the Basque Country.svg San Sebastián
Comunidade de Madrid CAU Madrid
Cataluña Cornellà
Andalucía CAR
1979-80 Comunidade de Madrid CAU Madrid
1980-81 Comunidade de Madrid Arquitectura
1981-82 Comunidade de Madrid Arquitectura
Edición Campión
1982-83 Flag of the Valencian Community (2x3).svg Valencia
1983-84 Cataluña Santboiana
1984-85 Comunidade de Madrid Cisneros
1985-86 Comunidade de Madrid Arquitectura
1986-87 Cataluña Santboiana
1987-88 Comunidade de Madrid Arquitectura
1988-89 Cataluña Santboiana
1989-90 Comunidade de Madrid Arquitectura
1990-91 Castela e León El Salvador
1991-92 Andalucía Ciencias
1992-93 Flag of the Basque Country.svg Getxo
1993-94 Andalucía Ciencias
1994-95 Comunidade de Madrid Arquitectura
1995-96 Cataluña Santboiana
1996-97 Cataluña Santboiana
1997-98 Castela e León El Salvador
1998-99 Castela e León VRAC
1999-00 Comunidade de Madrid Canoe
Edición Campión
2000-01 Castela e León VRAC
2001-02 Comunidade de Madrid MARU
2002-03 Castela e León El Salvador
2003-04 Castela e León El Salvador
2004-05 Cataluña Santboiana
2005-06 Cataluña Santboiana
2006-07 Castela e León El Salvador
2007-08 Castela e León El Salvador
2008-09 Comunidade de Madrid CRC
2009-10 Castela e León El Salvador
2010-11 Flag of the Valencian Community (2x3).svg La Vila
2011-12 Castela e León VRAC
2012-13 Castela e León VRAC
2013-14 Castela e León VRAC
2014-15 Castela e León VRAC
2015-16 Castela e León El Salvador
Títulos por club
Títulos Club Campionatos
9 Comunidade de Madrid Arquitectura 1974, 1975, 1977, 1981, 1982, 1986, 1988, 1990, 1995
8 Castela e León El Salvador 1991, 1998, 2003, 2004, 2007, 2008, 2010, 2016
7 Cataluña Santboiana 1984, 1987, 1989, 1996, 1997, 2005, 2006
6 Castela e León VRAC 1999, 2001, 2012, 2013, 2014, 2015
5 Comunidade de Madrid CRC / Canoe 1971, 1972, 1973, 2000, 2009
3 Flag of the Basque Country.svg San Sebastián 1970, 1978, 1979
2 Cataluña Barcelona 1953, 1954
2 Comunidade de Madrid CAU Madrid 1979, 1980
2 Comunidade de Madrid Cisneros 1976, 1985
2 Andalucía Ciencias 1992, 1994
1 Cataluña Cornellà 1979
1 Andalucía CAR 1979
1 Flag of the Valencian Community (2x3).svg Valencia 1983
1 Flag of the Basque Country.svg Getxo 1993
1 Comunidade de Madrid MARU 2002
1 Flag of the Valencian Community (2x3).svg La Vila 2011
Clasificación histórica

Equipos que teñen acadado unha cifra superior ás 100 vitorias na División de Honra

Tiers-Point suisse vide.svg Clubs Tempadas na D.Honra Encontros Xogados Encontros Gañados Encontros Empatados Encontros Perdidos Títulos Liga trophy (adjusted).png
Cataluña Unió Esportiva Santboiana 47 835 518 26 291 7
Castela e León Club de Rugby El Salvador 32 618 425 15 178 8
Comunidade de Madrid Club de Rugby CRC Pozuelo 36 657 357 21 279 5
Comunidade de Madrid Club Deportivo Arquitectura 29 510 338 14 158 9
Castela e León Valladolid Rugby Asociación Club 28 532 312 15 205 6
Comunidade de Madrid Club de Rugby Cisneros 33 597 299 24 274 2
Flag of the Basque Country.svg Getxo Rugby Taldea 32 586 270 16 300 1
Andalucía Club de Rugby Ciencias 27 509 263 13 233 2
Flag of the Valencian Community (2x3).svg Rugby Club Valencia 22 390 163 14 213 1
Flag of the Basque Country.svg Club Atlético San Sebastián 17 250 139 11 100 3
Cataluña Futbol Club Barcelona 19 286 127 13 146 2
Comunidade de Madrid CAU Metropolitano Rugby Club 15 235 125 10 100 2
Comunidade de Madrid Club de Rugby Liceo Francés 14 270 124 10 136 -
Flag of the Basque Country.svg Ordizia Rugby Elkartea 13 246 114 6 126 -
Cataluña Rugby Club Cornellà 15 246 102 10 134 1
  • Táboa feita sumando as cifras dos artigos de cada tempada, debidamente referenciados. Actualizada ó remate da tempada 2015-16.

Clubs participantes na División de Honra[editar | editar a fonte]

A seguinte táboa recolle os resultado finais de tódolos equipos participantes na liga española de rugby dende a súa primeira edición na tempada 1952/53. Os equipos están colocados segundo o maior número de tempadas disputando a División de Honra. No caso de igualdade, a orde vai determinada pola cantidade de títulos de liga acadados, e no caso de haber igualdade outra vez, pola presenza máis recente na máxima categoría do rugby nacional:[6]

Equipo Tempadas Títulos 2017 16 15 14 13 12 11 10 09 08 07 06 05 04 03 02 01 00 99 98 97 96 95 94 93 92 91 90 89 88 87 86 85 84 83 82 81 80 79 78 77 76 75 74 73 72 71 70 - 54 53
Cataluña UE Santboiana 48 7 Disputándose 4 2 8 2 3 7 6 5 8 3 1 1 4 5 4 8 3 2 2 1 1 5 7 5 2 5 5 1 2 1 2 7 1 3 x x x x 7 6 4 6 7 4 3 4 3
Comunidade de Madrid CRC / Canoe 36 5 12 8 5 6 5 1 3 2 5 2 4 3 6 1 4 3 6 5 12 10 10 4 7 x x x x 8 7 5 4 3 1 1 1 3
Comunidade de Madrid CR Cisneros 34 2 Disputándose 5 3 3 7 10 10 8 10 7 4 7 10 4 7 6 8 2 4 5 3 1 6 x x x x 5 3 1 2 5 7 5
Castela e León CR El Salvador 33 8 Disputándose 2 5 2 4 7 3 1 2 1 1 2 2 1 1 2 7 2 5 1 9 6 3 7 6 1 2 5 3 8 3 2 2
Flag of the Basque Country.svg Getxo RT 33 1 Disputándose 8 9 7 8 5 10 5 8 5 7 8 10 9 8 8 8 2 3 2 2 1 5 3 4 9 4 4 9 5 x x x
Comunidade de Madrid CD Arquitectura 29 9 10 10 11 3 6 1 5 6 4 4 1 3 1 2 1 3 7 4 1 1 x x 2 1 2 1 1 2 4
Castela e León VRAC / Lourdes 29 6 Disputándose 1 1 1 1 1 5 4 4 4 4 6 4 3 3 5 1 5 1 4 4 7 3 4 10 10 x x x
Andalucía CR Ciencias 28 2 Disputándose 12 9 8 6 3 3 2 10 6 9 4 6 3 7 5 2 4 1 3 1 9 3 6 4 4 x x
Flag of the Valencian Community (2x3).svg RC Valencia 22 1 10 7 12 9 9 8 11 11 8 6 9 5 3 8 5 6 1 x 3 3 x 6
Cataluña FC Barcelona 20 2 Disputándose 7 11 10 6 7 4 5 3 x x x 10 9 6 8 3 2 1 1
Flag of the Basque Country.svg At.San Sebastián 17 3 10 2 4 2 x x x 1 1 8 8 7 4 8 6 5 1
Comunidade de Madrid CAU Madrid 15 2 9 8 3 x x 1 1 3 2 3 3 6 7 8 4
Cataluña RC Cornellà 15 1 10 12 8 9 8 7 x x x 1 4 5 6 10 9
Comunidade de Madrid Alcobendas / MARU 14 1 Disputándose 6 10 8 9 9 8 7 2 1 5 12 x x
Flag of the Basque Country.svg Ordizia RE 14 - Disputándose 9 7 6 5 2 2 7 7 6 7 7 x x
Comunidade de Madrid CR Liceo Francés 14 - 9 8 3 4 7 5 9 8 2 3 2 7 9 x
Castela e León CDU Valladolid 14 - 12 10 7 5 6 x x x x 10 4 9 8 8
Flag of the Basque Country.svg Gernika RT 12 - Disputándose 11 6 9 3 6 4 8 12 8 7 x
Flag of the Basque Country.svg Hernani CRE 12 - Disputándose 10 10 10 11 10 10 2 2 2 2 x
Flag of the Basque Country.svg Bera Bera RT 12 - 9 9 6 7 5 4 3 5 10 11 9 8
Cataluña CN Barcelona 11 - x x x x 9 10 5 2 5 7 3
Cataluña BUC 10 - 3 10 8 6 9 11 10 6 x x
Andalucía CDU Sevilla 9 - 9 6 6 6 2 10 6 8 12
Andalucía CAR / RACA 7 1 x x 4 1 9 7 9
Cataluña CN Montjuic 7 - 11 10 11 9 x x x
Cantabria Independiente RC 6 - Disputándose 3 4 4 x x
Comunidade de Madrid Olímpico RC 6 - 11 9 7 x x 10
Flag of the Valencian Community (2x3).svg CR La Vila 5 1 12 4 1 2 8
Andalucía CDU Granada 5 - 9 6 x x x
Galicia Vigo RC 4 - 12 11 10 9
Flag of the Valencian Community (2x3).svg CR Les Abelles 4 - 10 9 8 x
Asturias Oviedo RC 4 - 10 7 9 12
Comunidade de Madrid Filosofía y Letras RC 4 - 11 8 6 6
Flag of the Basque Country.svg Irún RT 4 - x x x x
Flag of the Basque Country.svg Zaharrean RT 4 - x x x x
Andalucía Sevilla FC 4 - x x x x
Andalucía CR Divina Pastora 4 - x x x x
Cataluña CEU Barcelona 4 - 10 5 6 6
Flag of the Valencian Community (2x3).svg CAU Valencia 3 - 10 9 7
Andalucía CR At.Portuense 3 - x x x
Flag of the Basque Country.svg CDU Bilbao 3 - x x x
Cataluña GEiEG 3 - x x x
Comunidade de Madrid Juventud Karmen RC 3 - x x x
Flag of the Basque Country.svg Bilbao RC 3 - x x x
Cataluña RC L'Hospitalet 2 - 9 8
Flag of the Valencian Community (2x3).svg Tatami RC 2 - 10 x
Cataluña CN Poble Nou 2 - x x
Andalucía Hípica RC 2 - x x
Comunidade de Madrid Atlético Madrid 2 - 2 2
Andalucía CDU Córdoba 1 - x
Asturias Sporting Gijón 1 - x
Castela e León CDC San José 1 - x
Andalucía CM Isabel la Católica 1 - x
Andalucía Arquitectos Granada 1 - x
Andalucía Arquitectura Sevilla 1 - x
Comunidade de Madrid SEU Madrid 1 - 4
Comunidade de Madrid AD Plus Ultra 1 - 4

Nas tempadas 1978/79, 1979/80, 1980/81 e 1981/82, o formato do torneo deixou de ser o habitual dunha liga regular, pasando o formato a constar de 4 grupos de ata 8 equipos cada un, cuxos campións se disputaban o campionato ó remate da tempada nunha liguiña de 4 equipos.

Na tempada 1978/79 non se chegou a disputar o título entre os 4 equipos campións dos seus grupos, por iso a Federación Española de Rugby acabou concedendo o título compartido entre Atlético San Sebastián, Cornellà RC, CAU Madrid e Amigos del Rugby.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Outros artigos[editar | editar a fonte]