Club de Rugby La Vila

Na Galipedia, a Wikipedia en galego.
Saltar ata a navegación Saltar á procura
C.R. La Vila
Nome completo Club de Rugby La Vila
Alcume(s)
Fundación 1983
Localización La Vila Joiosa
España
Estadio(s) Campo de El Pantano
Capacidade 1.350 asentos
Presidente David Jason Craig
Adestrador Hernán Quirelli
Capitán Paco Martínez
Máx. Anotador
Máis ensaios
Liga División de Honra
Tempada 2017-18
Posición 10º
Páxina web oficial
Na súa casa
Fóra

O Club de Rugby La Vila é un equipo de rugby da localidade de La Vila Joiosa, na provincia de Alacant, que compite na máxima categoría do rugby español, a División de Honra. As cores do club son o azul e o branco.

Fundado en 1983 por ex xogadores do Rugby Club Valencia[1], en 2008 culminou un ascenso meteórico dende a terceira categoría nacional á División de Honra, que tivo a súa continuidade co título de campións de liga na tempada 2010-11[2]. A realidade económica do club non estaba ó mesmo nivel que os éxitos deportivos, e en 2013 o equipo perdeu a máxima categoría, que tardou catro anos en recuperar.

En 2009 o club foi a base da franquía La Vila Mariners que participou na primeira e única edición da Liga Superibérica, o primeiro intento serio por crear unha liga profesional de rugby en España. En 2018 La Vila converteuse nun dos socios fundadores da nova Liga Nacional de Rugby que pretende dirixir e administrar profesionalmente a máxima competición do rugby nacional a partir do ano 2019.[3]

O club posúe unha das mellores instalacións de rugby do país, o Estadio de Rugby de Villajoyosa, coñecido popularmente como Campo del Pantano pola súa proximidade ó Encoro de Amadorio. Nel tivo lugar a final da Copa do Rei 2011[4] e un encontro da selección española en 2017 fronte a Brasil[5], entre outros eventos.

Historia[editar | editar a fonte]

O Club de Rugby La Vila fúndase en 1983 grazas á unión duns afeccionados ao rugby da localidade. Dende a tempada 2006-07, sufriu un crecemento espectacular conseguindo ascender dúas categorías ata acadar a máxima categoría do rugby español, a División de Honor tras un paso meteórico polas dúas categorías inmediatamente inferiores: División de Honra B e Primeira Nacional.

Tamén é destacable que varios xogadores formados neste club foron internacionais por España ao longo da súa historia.

Na tempada 2009-10, CR La Vila acadou o subcampionato nacional de liga, o cal foi tan só o comezo, xa que na tempada 2010-11, o equipo se proclamou por vez primeira campión, ó rematar 1º na clasificación final da liga.

O club acadou o título de liga na tempada 2010-11, converténdose no 16º club que saía campión na historia da máxima categoría do rugby nacional.

Na seguinte tempada o club participou por vez primeira en competicións europeas, xogando 6 encontros dentro da European Challenge Cup, caendo en todos eles. Na liga acadou o 4º posto, caendo ás primeiras na fase final de eliminatorias polo título.

Tempada actual[editar | editar a fonte]

POSTO EQUIPO PUNTOS XOG GAÑ EMP PER
1º. SEMIFINAIS Castela e León VRAC 66 16 14 0 2
2º. SEMIFINAIS Castela e León El Salvador 62 16 12 2 2
3º. CUARTOS FINAL Comunidade de Madrid Alcobendas 58 16 12 1 3
4º. CUARTOS FINAL Flag of the Basque Country.svg Ordizia 47 16 9 2 5
5º. CUARTOS FINAL Castela e León Aparejadores 44 16 8 0 8
6º. CUARTOS FINAL Cataluña Barcelona 42 16 8 1 7
7º. PERMANENCIA Cataluña Santboiana 40 16 7 0 8
8º. PERMANENCIA Cantabria Independiente 38 16 6 1 9
9º. PERMANENCIA Comunidade de Madrid Cisneros 27 15 4 1 10
10º. PERMANENCIA Flag of the Basque Country.svg Hernani 26 16 5 0 11
11º. PROMOCIÓN Flag of the Valencian Community (2x3).svg La Vila 24 16 4 0 12
12º. DESCENSO Flag of the Basque Country.svg Gernika 15 15 2 0 13

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Outros artigos[editar | editar a fonte]