División de Honra de Rugby 2022-2023

División de Honra de Rugby 2022-2023

Tipo	competición deportiva
Deporte	rugby a 15
Organizador	Federación Española de Rugby
Número de participantes	13
Localización  e  Datas
País	España
Período	tempada 2022-2023
Número de edición	56
Competición
Primeiro posto	Valladolid Rugby Asociación Club

A tempada 2022-2023 da División de Honra da liga nacional de rugby é a 56ª edición da principal competición entre clubs de rugby en España.

Formato de competición

A liga está formada por trece equipos en lugar dos doce habituais. Na pasada edición La Vila e Gernika remataron na penúltima e última posición, pero o Alcobendas foi condenado a descender por aliñar repetidamente a un xogador como seleccionable cando no o era. Esta circunstancia afectou a La Vila que quedou exento da promoción. Nun inicio o Gernika tiña que descender, pero reclamaron que a redución de puntos por sanción de Alcobendas significaba que pasaban a ocupar a última posición e, polo tanto, o Gernika debería ter dereito a defender a súa praza na máxima categoría nunha eliminatoria contra o subcampión da División de Honra B, o Belenos. O Belenos xa recibira a confirmación de que tiña unha praza na máxima categoría co descenso de Alcobendas, cando quedou exento da disputa da promoción contra La Vila. A Federación Española de Rugby decidiu que o máis xusto era conceder un lugar na máxima categoría tanto ó Gernika coma ó Belenos, pasando así a División de Honra de doce a trece equipos.

A primeira fase do torneo consiste nunha liga a unha volta na que cada equipo xoga doce encontros, un contra cada equipo rival. Esta fase consta de trece xornadas. En cada xornada se disputan seis encontros e hai un equipo que descansa. Cando remate esta primeira fase os seis primeiros equipos da táboa pasarán á segunda fase dentro do Grupo A, e os sete últimos equipos da táboa pasarán á segunda fase dentro do Grupo B.

Os seis equipos do Grupo A serán tamén os seis equipos que participarán na edición 2023 da Copa do Rei.

Sistema de puntuación

• Cada vitoria suma 4 puntos.
• Cada empate suma 2 puntos.
• O equipo que gaña o encontro anotando 3 ensaios ou máis que o rival acada un punto bonus.
• O equipo que perde o encontro por unha diferenza de 7 tantos ou menos acada un punto bonus.

Criterio de desempate

No caso de que dous ou máis equipos estean empatados a puntos cando remate a primeira fase, os criterios de desempate serán os seguintes:

• 1º - Maior número de partidos gañados
• 2º - Maior diferenza entre tantos anotados e tantos encaixados

Primeira fase

A primeira fase da División de Honra comezou o 1 de outubro de 2022 e rematará o 19 de febreiro de 2023. Contará con trece xornadas de competición nas que cada equipo xogará doce encontros e terá un día de descanso. Cando remate a primeira fase todos os equipos terán xogado unha vez contra os seus doce rivais. Esta primeira fase servirá para separar os seis equipos que disputarán a Copa do Rei dos sete equipos que competirán pola permanencia na segunda fase.

Táboa

	Equipo	Puntos	PX	PG	PE	PP
1	VRAC	53	12	11	0	1
2	CR Ciencias	49	12	10	0	2
3	CD Aparejadores	47	12	10	0	2
4	CR El Salvador	36	12	7	1	4
5	FC Barcelona	34	12	7	0	5
6	UE Santboiana	34	12	7	1	4
7	CR Cisneros	33	12	7	0	5
8	Ordizia RE	25	12	5	0	7
9	Pozuelo RU	23	12	5	0	7
10	Belenos RC	19	12	4	0	8
11	CP Les Abelles	18	12	3	0	9
12	Gernika RT	7	12	1	0	11
13	CR La Vila	0	12	0	0	12
Campión de inverno.      Os seis primeiros pasan ó Grupo A e á Copa do Rei.      Os sete últimos pasan ó Grupo B.

• Fonte: ferugby.es Arquivado 20 de novembro de 2022 en Wayback Machine.

Segunda fase

Nesta segunda fase da liga cada equipo xogará contra tódolos equipos do seu grupo, tendo os do Grupo A cinco partidos e os do Grupo B seis partidos. Nesta segunda fase da liga non se parte de cero puntos, mantéñense os puntos acadados por cada equipo durante a primeira fase.

Grupo A

	Equipo	Puntos	PX	PG	PE	PP
1	VRAC	70	17	14	1	2
2	CD Aparejadores	69	17	15	0	2
3	CR Ciencias	66	17	13	1	3
4	UE Santboiana	43	17	9	1	7
5	FC Barcelona	38	17	8	0	9
6	CR El Salvador	38	17	7	1	9
Clasificados para Cuartos de Final e para a Copa do Rei.

• Fonte: ferugby.es Arquivado 20 de novembro de 2022 en Wayback Machine.

Grupo B

	Equipo	Puntos	PX	PG	PE	PP
1	CR Cisneros	56	18	12	0	6
2	Ordizia RE	49	18	10	0	8
3	Belenos RC	37	18	8	0	10
4	CP Les Abelles	36	18	7	0	11
5	Pozuelo RU	31	18	6	0	12
6	Gernika RT	17	18	3	0	15
7	CR La Vila	0	18	0	0	18
Clasificados para Cuartos de Final.      Promoción.      Descenso.

• Fonte: ferugby.es Arquivado 20 de novembro de 2022 en Wayback Machine.

Eliminatorias polo título

	Cuartos de final				Semifinal				Final
	1. VRAC	28
	8. Ordizia RE	17
					1. VRAC	46
					4. UE Santboiana	11
	4. UE Santboiana	38
	5. FC Barcelona	31
									1. VRAC	40
									2. CD Aparejadores	34
	2. CD Aparejadores	32
	7. CR Cisneros	22
					2. CD Aparejadores	28
					3. CR Ciencias	21
	3. CR Ciencias	36
	6. CR El Salvador	12

Promoción

Gernika e La Vila remataron nas dúas últimas posición do campionato e perderon a categoría. Alcobendas acadou o ascenso directo despois de gañar a División de Honra B. A promoción foi disputada por Pozuelo, 11º na División de Honra, e Independiente, subcampión da División de Honra B. Nela o Pozuelo acadou a permanencia con claridade.

Ida

Independiente 25-73 Pozuelo

Volta

Pozuelo 93-19 Independiente

Véxase tamén

Ligazóns externas

• Páxina oficial da Federación Española de Rugby (en castelán)