A tempada 2019-2020 da División de Honra da liga nacional de rugby será a 53ª edición da principal competición entre clubs de rugby en España.
O torneo contará con doce equipos participantes: tres casteláns, dous vascos, dous cataláns, dous madrileños, dous cántabros e un sevillano. O Club de Rugby Santander (debutante) e o Club de Rugby Ciencias ocuparán as prazas que o ano anterior tiñan o Club de Rugby La Vila e o Gernika Rugby Taldea.
A fase de liga regular contará con 22 xornadas, comezando o 14 de setembro de 2019 e rematando o 10 de maio de 2020. Os seis primeiros equipos da táboa participarán na fase de eliminatorias polo título de liga, que comezará o 17 de maio de 2020 cos encontros de cuartos de final e rematará o 31 de maio de 2020 coa final do campionato. A final terá lugar no campo elixido polo finalista mellor clasificado na fase de liga regular.
O equipo que remate na derradeira posición perderá a máxima categoría. A súa praza será ocupada polo campión da segunda división do rugby español, a División de Honra B. O penúltimo clasificado disputará a promoción, unha eliminatoria a dobre partido contra o subcampión da segunda división.
Nesta tempada adoptouse o novo sistema de puntos bonus por ensaios. En anteriores edicións o bonus ofensivo acadábase anotando catro ensaios ou máis. Dende a tempada 2019-2020 o bonus ofensivo acádase gañando o encontro anotando tres ensaios ou máis que o equipo rival. Por outra banda os puntos bonus defensivos seguen acadándose cando se perde o encontro por unha diferenza de sete puntos ou inferior.
España
Santboiana
Ordizia
El Salvador
VRAC
Ciencias
Alcobendas
.png){kind=small}
Cisneros
Barcelona
.svg){kind=small}
Independiente
.svg){kind=small}
Santander
Hernani
Aparejadores
