División de Honra de Rugby 1952-1953
| División de Honra | |
|---|---|
| Fundación | 1952 |
| Rexión |  España |
| Equipos | 4 |
| Actual campión | - |
| Organizador | Federación Española de Rugby |
| Sitio web | www.ferugby.es |
A tempada 1952-1953 da Liga Nacional de rugby foi a edición inaugural da máxima categoría do rugby en España, creada pola Federación Española de Rugby. Até 1952 a principal competición nacional de rugby era o Campionato de España (actual Copa do Rei), pero en setembro de 1952[1] a FER considerou oportuno crear un novo campionato cun formato de liga no que se enfrontasen os equipos participantes todos contra todos. A iniciativa non estivo carente de polémica[2] posto que as federacións rexionais e os clubs non foron consultados, e o sistema de admisión de participantes era excluínte. A FER considerou que na súa edición inaugural a liga estaría composta por 4 equipos, que serían o campión e o subcampión dos pasados campionatos de Cataluña e Castela, é dicir, dous equipos cataláns e dous equipos madrileños. Os equipos do resto do país non tiveron, pois, ningunha posibilidade de participar na liga.
A liga contou con 4 equipos que disputaron 6 xornadas, enfrontándose entre si tódolos equipos a dúas voltas. O campionato celebrouse no outono de 1952, antes dos diversos campionatos rexionais. O primeiro encontro da historia da liga española de rugby levouse a cabo ás 12:00h do 12 de outubro de 1952 no Campo de La Bordeta, en Barcelona. Nese encontro inaugural enfrontáronse o FC Barcelona e a AD Plus Ultra de Madrid[3], que rematou co resultado final de 21-0 a prol do conxunto barcelonés[4].
A competición rematou coa vitoria final para o FC Barcelona, que deste xeito se converteu no primeiro campión de liga de rugby en España.[5]
Sistema de puntuación[editar | editar a fonte]
O sistema de puntuación foi o seguinte:
- 2 puntos por vitoria.
- 1 punto por empate.
- 0 puntos por derrota.
- 1 punto por encontro xogado.
Clasificación[editar | editar a fonte]
| |||||||||||||||
| Posto | Equipo | Puntos | Xogados | Gañ. | Emp. | Per. | PF | PC | |||||||
|---|---|---|---|---|---|---|---|---|---|---|---|---|---|---|---|
| 1 |  FC Barcelona
|
17 | 6 | 5 | 1 | 0 | 73 | 25 | |||||||
| 2 |  Atlético Madrid
|
14 | 6 | 4 | 0 | 2 | 33 | 24 | |||||||
| 3 | UE Santboiana
|
10 | 6 | 2 | 0 | 4 | 35 | 53 | |||||||
| 4 | AD Plus Ultra
|
7 | 6 | 0 | 1 | 5 | 18 | 57 | |||||||
|
<<<< Non houbo — Tempadas — 1953/54 >>>> En azul o campión de liga (1º). | |||||||||||||||
- O Futbol Club Barcelona acadou o campionato nacional de liga. Foi o 1º título de liga para o club catalán.
Resultados[editar | editar a fonte]
|
Notas[editar | editar a fonte]
- ↑ Novas sobre a creación da Liga Nacional de Rugby na hemeroteca de El Mundo Deportivo (8 de setembro) (en castelán)
- ↑ Novas sobre a creación da Liga Nacional de Rugby na hemeroteca de El Mundo Deportivo (8 de novembro) (en castelán)
- ↑ Previa á primeira xornada de liga na hemeroteca de El Mundo Deportivo
- ↑ Crónica do primeiro encontro da historia da liga española de rugby (en castelán)
- ↑ Crónica do último encontro da liga na hemeroteca de El Mundo Deportivo (en castelán)