División de Honra de Rugby 1996-1997

División de Honra de Rugby 1996-1997

Localización  e  Datas
País	España
Período de tempo	tempada 1996-1997

A tempada 1996-1997 da Liga Española de rugby (División de Honor de Rugby) foi a edición número 30 da máxima categoría do rugby en España. A tempada rematou coa vitoria final no campionato para UE Santboiana por quinta vez na súa historia.

A UE Santboiana era o defensor do título logrado na anterior tempada. Os dous novos equipos na categoría foron o Bera Bera Rugby Taldea e o CD Universidad de Sevilla, que ocuparon os lugares de El Salvador e BUC, descendidos o ano anterior.

Clasificación

División de Honra — Tempada 1996/97
Posto	Equipo	Puntos	Xogados	Gañ.	Emp.	Per.	PF	PC
1	UE Santboiana	30	18	15	0	3	537	292
2	Getxo RT	30	18	15	0	3	536	315
3	CD Arquitectura	26	18	13	0	5	490	328
4	VRAC	20	18	10	0	8	358	386
5	CR Ciencias	18	18	9	0	9	333	379
6	Real Canoe	16	18	8	0	10	431	351
7	CR Cisneros	14	18	7	0	11	412	482
8	U.Sevilla	12	18	6	0	12	436	454
9	RC Valencia	12	18	6	0	12	429	522
10	Bera Bera RT	2	18	1	0	17	263	716
<<<< 1995/96 — Tempadas — 1997/98 >>>> En azul      o campión de liga (1º). En vermello      as posicións de promoción (9º e 10º).

Datos finais do campionato

• UE Santboiana conseguiu o campionato nacional de liga, con 30 puntos en 18 xornadas. Foi o 5º título de liga para o club.
• Getxo RT rematou empatado a puntos e a vitorias con UE Santboiana. O título de campión decidiuse pola suma dos puntos acadados por cada equipo nos seus dous enfrontamentos cara a cara (20-16 en Sant Boi e 34-33 en Getxo).
• O último clasificado, Bera Bera Rugby Taldea, descendeu de categoría ó remate da tempada caendo na promoción fronte ó CN Montjuic. O Valencia non tivo que disputar a súa eliminatoria de promoción por renuncia do RC L'Hospitalet.
• Os xogadores da UE Santboiana Alberto Malo e Albert Torras, lideraron a táboa de ensaiadores da liga, con 14 ensaios cada ún; mentres que o apertura ucraíno nacionalizado español Andrei Kovalenco, do Real Canoe, liderou a táboa de anotadores con 150 puntos.
• Club de Rugby El Salvador, Club Natació Montjuic e Club de Rugby Liceo Francés acadaron o ascenso para competir na tempada 1997-98 na División de Honra, cuxo formato ía pasar de 10 a 12 equipos.

Véxase tamén

Outros artigos

• Heineken Cup 1996-97

Ligazóns externas

• Resultados finais da liga publicados pola Federación Española de Rugby en Ferugby.com Arquivado 13 de abril de 2020 en Wayback Machine. (en castelán)