Liga Galega de Rugby

Na Galipedia, a Wikipedia en galego.
Saltar ata a navegación Saltar á procura

A liga galega de rugby e a competición que enfronta ós clubs de rugby galegos, divididos en dúas divisións, a LGR1 e a LGR2. A liga está organizada pola FGR, que tamén organiza a Copa Xunta de Rugby. Tódolos clubs galegos participan na liga galega, mesmo os que compiten nas dúas competicións nacionais (a División de Honra A e División de Honra B), xa que os clubs que compiten en competicións nacionais teñen a obriga de ter equipos filiais nas súas ligas rexionais.

Campións[editar | editar a fonte]

A actual liga galega de rugby naceu na tempada 1983/1984 con cinco equipos participantes, dous da Coruña (Zalaeta e CRAT), un de Santiago (Universitario), un de Ferrol (Marina) e un de Vigo (Bocoi), sendo o primeiro equipo campión o equipo de Santiago de Compostela. O cadro de campións é o seguinte:

Títulos por club
  • 6 Títulos: Xabarín
  • 3 Títulos: CRAT, Lalín, Mareantes, Ourense, Zalaeta, Muralla, Ingleses, Ferrol
  • 2 Títulos: Marina, Vigo
  • 1 Títulos: CDU Santiago, Compostela

Tempada actual[editar | editar a fonte]

Artigo principal: Liga Galega de Rugby 2019-20.

A primeira fase de liga regular comezou o 5 de outubro de 2019. Os trece equipos disputarán unha liga regular a unha volta na que tódolos equipos se enfrontarán entre eles unha vez, completando doce encontros. Tralo remate da primeira fase os oito mellores equipos da táboa pasarán a disputar as eliminatorias polo campionato, partindo dos cuartos de final do seguinte xeito: 1º contra 8º, 2º contra 7º, 3º contra 6º e 4º contra 5º; xogando na casa do equipo que xogou de visitante na primeira fase. As semifinais tamén se xogarán no campo do equipo que xogou de visitante na fase de liga regular. A final terá lugar na casa do equipo que rematou a primeira fase mellor clasificado. Por outra banda os equipos clasificados entre o 9º e o 12º posto tamén disputarán entre eles unhas eliminatorias que definirán a súa posición definitiva na competición: 9º contra 10º e 11º contra 12º.

O campión e subcampión terán dereito a participar na fase de ascenso á División de Honra B, a segunda división do rugby español.

Táboa da LGR 2019-2020
Posición Equipo Puntos Encontros Bonus
Xogados Gañados Empates Derrotas Ofensivos Defensivos
1 Ferrol 0 0 0 0 0 0 0
2 Ingleses 0 0 0 0 0 0 0
3 CRAT 0 0 0 0 0 0 0
4 Lalín 0 0 0 0 0 0 0
5 Pontevedra 0 0 0 0 0 0 0
6 Fendetestas 0 0 0 0 0 0 0
7 Zalaeta 0 0 0 0 0 0 0
8 Muralla 0 0 0 0 0 0 0
9 Vigo B 0 0 0 0 0 0 0
10 Mareantes 0 0 0 0 0 0 0
11 Santiago 0 0 0 0 0 0 0
12 Ourense B 0 0 0 0 0 0 0
13 Barbanza 0 0 0 0 0 0 0

Liga feminina[editar | editar a fonte]

A liga galega feminina de rugby é de nova creación. A maioría de clubs de rugby galegos non teñen sección de rugby feminino, de xeito que a liga galega é de pequeno tamaño. Na tempada 2017-18 e 2018/19 houbo cinco equipos disputando o torneo, sendo algúns deles reforzados por xogadoras doutros clubs que non participan:

  • Tempada 2018/19
Táboa da LGR feminina 2018-2019
Posición Equipo Puntos Encontros Bonus
Xogados Gañados Empates Derrotas Ofensivos Defensivos
1 CRAT 38 8 8 0 0 6 0
2 Muralla RC 31 8 6 0 2 6 1
3 Santiago RC 15 8 3 0 5 2 1
4 CR Lalín 15 8 3 0 5 2 1
5 Vigo RC 0 8 0 0 8 0 0
Final:
CAMPIOAS
  • 2018-19 - CRAT
  • 2017-18 - Muralla RC
  • 2016-17 - CR Lalín
  • 2015-16 - Muralla RC

Véxase tamén[editar | editar a fonte]

Ligazóns externas[editar | editar a fonte]