A liga ten doce clubs participantes, e o formato de competición é o mesmo das tres tempadas anteriores, dividíndose a liga en dúas etapas: a fase de liga regular e as eliminatorias polo título. A liga regular está composta por 22 xornadas, e os seis primeiros equipos da clasificación participarán nas eliminatorias polo título de campión.
Os oito primeiros equipos da táboa ó remate da primeira volta acadarán o dereito a participar na Copa do Rei, agás a UE Santboiana que terá que cumprir unha sanción dun ano.
O campión de liga acadará o dereito a participar en tres torneos na seguinte tempada:
Qualifying Competition, na que se enfrontará a varios campións de liga europeos por unha praza na Challenge Cup, a segunda competición continental de clubs.
O Club Alcobendas Rugby, herdeiro do M.A.R.U. que gañou o título de liga en 2001-02, ascendeu á máxima categoría da liga española de rugby na tempada 2014-15, e ocupa a praza do equipo descendido, o Vigo Rugby Club, que perdeu a categoría despois de catro anos na División de Honra. Os restantes participantes xa participaron na última edición.
A táboa clasificatoria da liga regular faise sumando os puntos por vitorias e empates, máis o puntos bonus acadados. O equipo que acada unha vitoria suma 4 puntos, e o que acada un empate suma 2. Os puntos bonus poden sumarse de dous xeitos. Aquel equipo que anota 4 ensaios ou máis, suma 1 punto bonus ofensivo na táboa clasificatoria, gañe, perda ou empate o encontro. Por outra banda, aquel equipo que perda un partido por 7 puntos ou menos, acadará 1 punto bonus defensivo.
Posicións que clasifican para semifinais (1º e 2º). Posicións que clasifican para cuartos de final (3º, 4º, 5º e 6º). Posición de promoción de permanencia (11º). Posición de descenso directo (12º).
PX - Partidos xogados PG - Partidos gañados PE - Partidos empatados PP - Partidos perdidos
PF - Puntos a favor PC - Puntos en contra BO - Bonus ofensivos BD - Bonus defensivos
Na fase final do campionato os dous mellores equipos da liga regular tiñan dereito a xogar como locais nas semifinais fronte ós gañadores dunha eliminatoria previa entre os equipos situados entre o terceiro e o sexto posto. Tódolos encontros desta fase se xogaron no campo elixido polo equipo mellor clasificado ó remate da fase de liga regular. Os cuartos de final tiveron lugar o 15 de maio, as semifinais o 22 de maio, e a final o 29 de maio de 2016. A final enfrontou ós dous primeiros clasificados da liga regular, ámbolos dous equipos de Valladolid, caendo a vitoria do lado do Club de Rugby El Salvador cun resultado axustado de 23 a 24, que supuxo o oitavo título de liga para o equipo "chamizo".
V.R.A.C.
Independiente R.C.
U.E. Santboiana
C.R. Cisneros
Getxo R.T.
A División de Honra regresou tres anos despois a Las Terrazas na segunda xornada.
