CD Universidad de Sevilla

Na Galipedia, a Wikipedia en galego.
Saltar ata a navegación Saltar á procura
CD Universidad Sevilla
Nome completo CD Universidad Sevilla
Alcume(s) UNI
Fundación 1968
Localización Sevilla, España España
Estadio(s)
Capacidade
Presidente
Adestrador
Capitán
Máx. Anotador
Máis ensaios
Liga 2ª Rexional Andalucía
Tempada 2010-11
Posición
Páxina web oficial
Na súa casa


O CD Universidad de Sevilla é un club deportivo de Sevilla que se dedica ó rugby. O equipo ten participado durante 9 tempadas na División de Honra, a última delas en 2004-05, acadando un subcampionato de Liga na edición 2000-01. Actualmente milita en divisións rexionais andaluzas. É un dos equipos históricos do rugby sevillano, xunto a CR Ciencias e CAR.

Historia[editar | editar a fonte]

Foi fundado en 1968 co nome de Medicina Club de Rugby, sendo así un dos clubs mais antigos do rugby andaluz. Pasou en 1985 a chamarse Universitario de Sevilla Club de Rugby, nome co cal acadou varios campionatos universitarios, e despois de 1992, intégrase na estrutura do Club Deportivo Universidad de Sevilla.

Na tempada 1993-94 o Univ.Sevilla compite por vez primeira na División de Honra do rugby nacional, e remata na última posición da táboa, polo cal descende. Non obstante, na tempada 1996-97 estivo de volta na máxima categoría, e nesa ocasión logrou a permanencia cun 8º posto final. O club permaneceu 3 anos na Liga ata que descendeu de novo, pero só por un ano. Na tempada 2000-01 o Univ.Sevilla volveu á División de Honra, e no seu primeiro ano de volta na elite acadou o subcampionato nacional de liga, a mellor participación na súa historia. Nas vindeiras edicións da liga o equipo rematou tres veces sexto e na tempada 2004-05 noveno, o que lle valeu o descenso.

En 2006 rematou a colaboración coa Universidade de Sevilla, o club cedeu os seus dereitos deportivos ó CD Rugby Mairena, tamén de Sevilla, que se fusionou co Universitario de Sevilla para crear o Club de Rugby Unión Aljarafe Sevilla (nome actual do equipo). Como herdeiro directo da estrutura do CD Universidad de Sevilla, no CRU Aljarafe Sevilla traballan tódolos vellos socios e colaboradores do equipo. Ese club ten un acordo de colaboración co Club Amigos del Rugby para participar xuntos cun só equipo en categorías nacionais, co nome dun patrocinador. Este equipo é o Helvetia Rugby que compite na División de Honra B.

Trala cesión de tódolos seus dereitos deportivos, na actualidade o CD Universidad de Sevilla tan só ten un equipo competindo en categorías rexionais andaluzas.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]