Circuíto de Suzuka

Circuíto de Suzuka
Plano do Circuíto
Datos
Carreiras	FIA Fórmula 1 Gran Premio do Xapón FIM Endurance World Championship Suzuka 8 Hours Super GT 1000 km Suzuka
Localización	Xapón Suzuka, Xapón
Capacidade	155.000 espectadores
Coordenadas
	Circuíto (2003–presente)
Lonxitude km	5,807
Curvas	18
Volta rápida (2019)	1:30.983
Piloto récord	Lewis Hamilton
Escudería récord	Mercedes
Récord ano	2019
	Circuíto motociclismo (2004–presente)
Lonxitude km	5´821	-	Curvas	17
Volta rápida	2:07.110
Piloto récord	Kousuke Akiyoshi
Escudería récord	F.C.C. TSR Honda CBR1000RR
Ano Récord	2009
	Circuíto leste
Lonxitude km	2.243
Curvas	7
Volta rápida	0:53.885
Piloto récord	Alain Menu
Escudería récord	Chevrolet
Ano Récord	2012
	Circuíto oeste
Lonxitude km	3.466
Curvas	9
	Circuíto orixinal (1962-1982) (sen a chicana final)
Lonxitude km	6´004
Curvas	17
Volta rápida	1:34.247
Piloto récord	Aguri Suzuki
Escudería récord	Ralt Fórmula 3 car
Ano Récord	1982
Vista do Circuíto

O Circuíto de Suzuka (鈴鹿サーキット Suzuka Sākitto) é un autódromo localizado en Suzuka, na Prefectura de Mie, Xapón, sede do Gran Premio do Xapón de Fórmula 1. Utilizado tamén para outros eventos do deporte do motor, trátase dun dos circuítos máis antigos e famosos do Xapón. O Circuíto de Suzuka aparece de forma consecutiva no calendario da Fórmula 1 desde 1987 e pertence a Honda.

Características

Foi deseñado polo holandés John Hugenholtz en 1962, e desde entón é coñecido como un fantástico circuíto para probas debido á súa gran variedade de curvas. O trazado ten forma de oito. É o único circuíto do calendario da F1 que ten esa configuración (cruzándose no Degner Two/130R), creando un repartimento equitativo de xiros á dereita e esquerda.

• Capacidade espectadores: 155.000
• Lonxitude do circuíto: 5´807 quilómetros.
• Distancia da carreira de Fórmula 1: 53 voltas = 307´471 quilómetros. 18 curvas en total.
• Configuración aerodinámica: alta. Velocidade máxima estimada 324 km/h con DRS, 312 km/h sen DRS
• Aceleración a fondo:70 % do tempo de volta.
• Tempo de freado: 10% do tempo da volta.
• Total de combustible necesario para a distancia de carreira: 148 quilos
• Consumo de combustible: 2´73 kg por volta.
• Cambio de marchas por volta: 46
• Número de zonas de freado: 9
• Desgaste dos freos: baixo
• Desgaste dos pneumáticos:
• Distancia dos Boxes: 400 m. Aprox.
• Perda de tempo nunha parada en boxes: 16´8 segundos
• Tempo total necesario para a parada en boxes: 22 segundos (media)
• Efecto de combustible (custo en tempo por volta de 10 kg de combustible transportado): 0´385 segundos.
• Marca volta: Kimi Raikkonen McLaren, 1.31.540 en 2005

Historia

Deseñado como unha pista de probas de Honda en 1962 polo holandés John Hugenholtz, Suzuka é un dos poucos circuítos no mundo en ter un trazado deseñado en forma de "8". Naturalmente, non existe intersección algunha na pista, senón que unha sección da pista pasa por encima da outra por medio dunha ponte.

O circuíto modificouse tres veces:

En 1983 instalouse unha chicane na última curva para frear os coches na recta de boxes e a curva de Degner converteuse en dúas curvas en lugar dunha longa curva, o circuíto tamén se fixo moito máis seguros no ano 1983 mediante a adición de máis barreiras de seguridade, máis zonas de escape e a eliminación das pacas de palla;

En 2002, a chicane foi lixeiramente modificado, a curva 130R (marcado como 15 no diagrama) tamén foi modificada e algunhas das curvas en S (3, 4, 5, 6) fíxeronse un pouco máis rectas e máis rápidas;

En 2003, a chicane fíxose un pouco máis rápida e máis preto da 130R.

O circuíto pódese utilizar en tres configuracións, o circuíto completo, ou as configuracións "Suzuka leste" ou "Suzuka oeste". A parte "Leste" da pista consiste na recta de boxes e a primeira metade da curva Dunlop (curva 7), antes de dirixirse de novo á recta de boxes a través dunha estreita curva a dereitas. A pista "Oeste" componse da outra parte do circuíto, incluíndo a ponte do cruzamento.

A curva de Degner foi nomeada así en honra de Ernst Degner.

Suzuka ten unha longa historia de carreiras de F1 apaixonantes; sendo tradicionalmente a última ou antepenúltima carreira do campionato, moitos títulos de pilotos e construtores foron decididos neste circuíto. Grandes duelos e espectáculos vivíronse neste circuíto como os que protagonizaron Ayrton Senna e Alain Prost en 1989 e 1990, ou Satoru Nakajima en 1988.

A seguridade do circuíto foi seriamente cuestionada tras dous importantes accidentes en 2002 e 2003. No 2002, o piloto de Toyota F1 Allan McNish sufriu un accidente a altas velocidades na curva 130R, no cal atravesou unha cerca de metal. McNish resultou ileso, aínda que non volveu a competir na Fórmula 1 desde entón. En cambio, o accidente de 2003 tivo un saldo tráxico: o piloto de MotoGP Daijiro Kato perdeu a vida tras impactar contra un muro de formigón nunha chicane. Ambas as seccións da pista foron modificadas tras estes feitos.

A serie NASCAR pasou por este autódromo en 1996 e 1997. Na proba de 1996, produciuse un feito tráxico ao perder a vida do condutor do automóbil de seguridade, Elmo Langley, como consecuencia dun paro cardíaco.

Todos os gañadores de Fórmula 1, no circuíto de Suzuka

Nº	Ano	Piloto	Construtor	Motor	Pneus.	Tempo	lonxitude	Voltas	Ø-Tempo	Data	GP do
1	1987	Gerhard Berger	Ferrari	Ferrari	G	1:32:58,072 h	5,859 km	51	192,847 km/h	1. novembro	Xapón
2	1988	Ayrton Senna	McLaren	Honda	G	1:33:26,173 h	5,859 km	51	191,880 km/h	30. outubro
3	1989	Alessandro Nannini	Benetton	Ford	G	1:35:06,277 h	5,859 km	53	195,907 km/h	22. outubro
4	1990	Nelson Piquet	Benetton	Ford	G	1:34:36,824 h	5,859 km	53	196,923 km/h	21. outubro
5	1991	Gerhard Berger	McLaren	Honda	G	1:32:10,695 h	5,864 km	53	202,298 km/h	20. outubro
6	1992	Riccardo Patrese	Williams	Renault	G	1:33:09,553 h	5,864 km	53	200,168 km/h	25. outubro
7	1993	Ayrton Senna	McLaren	Ford	G	1:40:27,912 h	5,864 km	53	185,612 km/h	24. Oktober
8	1994	Damon Hill	Williams	Renault	G	1:55:53,532 h	5,864 km	50	151,796 km/h	6. novembro
9	1995	Michael Schumacher	Benetton	Renault	G	1:36:52,930 h	5,864 km	53	192,476 km/h	29. outubro
10	1996	Damon Hill}}	Williams	Renault	G	1:32:33,791 h	5,864 km	52	197,656 km/h	13. outubro
11	1997	Michael Schumacher	Ferrari	Ferrari	G	1:29:48,446 h	5,860 km	53	207,497 km/h	12. outubro
12	1998	Mika Häkkinen	McLaren	Mercedes	B	1:27:22,789 h	5,864 km	51	205,355 km/h	1. novembro
13	1999	Mika Häkkinen	McLaren	Mercedes	B	1:31:18,785 h	5,864 km	53	204,086 km/h	31. outubro
14	2000	Michael Schumacher	Ferrari	Ferrari	B	1:29:53,435 h	5,864 km	53	207,316 km/h	8. outubro
15	2001	Michael Schumacher	Ferrari	Ferrari	B	1:27:33,298 h	5,859 km	53	212,665 km/h	14. de outubro
16	2002	Michael Schumacher	Ferrari	Ferrari	B	1:26:59,698 h	5,821 km	53	212,645 km/h	13.outubro
17	2003	Rubens Barrichello	Ferrari	Ferrari	B	1:25:11,740 h	5,807 km	53	216,612 km/h	12. outubro
18	2004	Michael Schumacher	Ferrari	Ferrari	B	1:24:26,985 h	5,807 km	53	218,525 km/h	10. outubro
19	2005	Kimi Räikkönen	McLaren	Mercedes	M	1:29:02,212 h	5,807 km	53	207,267 km/h	9. outubro
20	2006	Fernando Alonso	Renault	Renault	M	1:23:53,413 h	5,807 km	53	219,983 km/h	8. outubro
Non celebrado
21	2009	Sebastian Vettel	Red Bull	Renault	B	1:28:20,443 h	5,807 km	53	208,900 km/h	4. outubro
22	2010	Sebastian Vettel	Red Bull	Renault	B	1:30:27,323 h	5,807 km	53	203,949 km/h	10. outubro
23	2011	Jenson Button	McLaren	Mercedes	P	1:30:53,427 h	5,807 km	53	203,171 km/h	9. outubro
24	2012]]	Sebastian Vettel	Red Bull	Renault	P	1:28:56,242 h	5,807 km	53	207,430 km/h	7. outubro
25	2013	Sebastian Vettel	Red Bull	Renault	P	1:26:49,301 h	5,807 km	53	212,123 km/h	13. outubro
26	2014	Lewis Hamilton	Mercedes	Mercedes	P	1:51:43,021 h	5,807 km	44	137,065 km/h	5. outubro
27	2015	Lewis Hamilton	Mercedes	Mercedes	P	1:28:06,508 h	5,807 km	53	209,381 km/h	27. setembro
28	2016	Nico Rosberg	Mercedes	Mercedes	P	1:26:43,333 h	5,807 km	53	216,655 km/h	9. outubro
29	2017	Lewis Hamilton	Mercedes	Mercedes	P	1:27:31,193 h	5,807 km	53	210,789 km/h	8. outubro
30	2018	Lewis Hamilton	Mercedes	Mercedes	P	1:27:17,062 h	5,807 km	53	211,358 km/h	7. outubro
31	2019	Valtteri Bottas	Mercedes	Mercedes	P	1:21:46,755 h	5,807 km	52	221,326 km/h	13. outubro
-	2020	Cancelados pola Pandemia de COVID-19
-	2021
32	2022	Max Verstappen	Red Bull	RBPT	P	3:01:44.004h	5,807 km	28	53´583 km/h	9. outubro
33	2023	Max Verstappen	Red Bull	Honda RBPT	P	1:30:58.421 h	5,807 km	53	202,787 km/h	24. setembro
34	2024	Max Verstappen	Red Bull	Honda RBPT	P	1:54:23.566 h	5,807 km	53	km/h	7. abril

Record: M.Schumacher (6 Veces)

Ligazóns externas

• Páxina oficial