Bruxelas

Bruxelas (en francés Bruxelles, en neerlandés Brussel, en alemán Brüssel) é a capital de Bélxica e funciona na práctica como capital da Unión Europea.

Bruxelas

Bandeira Escudo
Mapa
Información
País	Bélxica
Rexión	Bruxelas-Capital
Superficie	32.61 km2
Poboación	153.659 (2007)
Densidade	4.440 h/km²
Alcalde	Freddy Thielemans
www.bruxelles.be Páxina Oficial

Concello de Bruxelas

Bruxelas na actualidade

Bruxelas é a principal cidade do concello de Bruxelas, unha dos 19 municipios que compoñen a rexión da capital de Bélxica.

A capital é unha rexión da Bélxica de seu, xuntamente con Flandres e Valonia, mais é un enclave en Flandres. A primeiros de xaneiro de 2006 a cidade tiña unha poboación de 153.659 habitantes, a rexión tiña unha poboación de 1.067.162 habitantes, nunha área de 161 km², o que lle confire unha densidade poboacional de 6.601 habitantes por km². A aglomeración urbana, que se estende para alá das fronteiras da rexión, ten preto de 1.774 mil habitantes.

Linguas

Bruxelas é unha cidade oficialmente bilingüe; unha maioría dos habitantes teñen como lingua o francés (85-90 %), e unha minoría importante ten o neerlandés (10-15%). O holandés, na súa variedade brabanzoa, é a lingua histórica de Bruxelas . O francés foi durante séculos apenas falado pola alta-burguesía e a nobreza. Tornouse unha lingua popular durante o dominio de Francia, e despois de 1830, coa inmigración de moitos franceses (algúns deles revolucionarios) e moitos valóns, atraídos polas novas autoridades belgas.

Universidades

Bruxelas ten varias universidades, dúas das cales son a Université Libre de Bruxelles (ULB) e a Vrije Universiteit Brussel (VUB).

Véxase tamén

Estatua de Europa (xardín Van Maerlant)

Ligazóns externas

• Páxina oficial da cidade
• Galegos no Mundo, Bruxelas, programa da TVG.