Boloña - Bologna

Centro histórico de Bologna

Bologna (Bulåggna en boloñés) é unha cidade de Italia de 374.561 habitantes (2008), capital da provincia homónima, así como da rexión de Emilia-Romagna. Situada entre o río Reno e o río Sávena, cerca dos Apeninos, é unha das cidades históricas mellor conservadas e que posúe o segundo casco antigo medieval máis grande de Europa, despois do de Venecia.

Antiquísima cidade universitaria (oficialmente dende 1088), acolle numerosos estudantes que a enriquecen e animan a súa vida cultural e social. Coñecida polas súas torres e os longos pórticos, posúe un ben conservado centro histórico (entre os máis extensos de Italia), grazas a unha atenta política de conservación e restauración posta en práctica dende finais dos anos 60 do século pasado, establecida para solucionar os estragamentos urbanísticos de finais do século XIX e das destrucións bélicas.

Bologna é un importante nó de comunicacións rodoviario e ferroviario do norte de Italia, relevante polo feiral e área na que residen importantes industrias mecánicas, electrónicas e alimentares. É sede de importantes institución culturais, económicas e políticas.

Basílica de Santo Estefano

Evolución demográfica [editar]

Historia [editar]

A rexión está habitada desde o século IX a.C., os etruscos substituíron aos umbros a partir do século VI a.C. dándolle o nome de Velzna, latinizano como Felsina.