Manuel Vicente García
 | |
| Biografía | |
|---|---|
| Nacemento | 1973  (50/51 anos)Galicia, España |
| Datos persoais | |
| País de nacionalidade | España |
| Educación | Universidade de Santiago de Compostela Universidade Pompeu Fabra |
| Actividade | |
| Ocupación | químico , divulgador científico , xornalista |
| Lingua | Lingua castelá |
 | |
Manuel Vicente García, é un químico e divulgador científico galego.[1]
Traxectoria[editar | editar a fonte]
En 1996 licenciouse en Ciencias Químicas pola Universidade de Santiago de Compostela.[2] Doutorouse pola mesma universidade en setembro de 2004 coa tese Macrociclos [1+1] derivados da tren e os seus complexos metálicos, dirixida por Rufina Bastida de la Calle e Alejandro Alberto Macías Luaces.[2][3][4] Desde 2005 é máster en Comunicación Científica, Médica e Medioambiental pola Universidade Pompeu Fabra[5].
Desde outubro de 2006 é o director e presentador do programa de divulgación científica Efervesciencia da Radio Galega[6]. O primeiro programa foi emitido o 22 de outubro de 2006, titulouse Hipótese e nel falouse sobre se é posíbel comunicar ciencia na radio.[7] Durante 2017 o programa superara as 50 000 descargas en liña.[8]
En 2010 e 2011 Manuel Vicente participou no asesoramento científico e na guionización do programa Conexións da Televisión de Galicia, presentado pola xornalista Iolanda Vázquez.[1][9] O programa duraba arredor de trinta minutos e constaba dunha entrevista a un científico e de seccións de diferentes temáticas presentadas polo biólogo e divulgador científico Xurxo Mariño, o actor Vicente de Souza, o informático e blogueiro Javier Pedreira «Wicho» e o director do Museo Nacional de Ciencia e Tecnoloxía da Coruña Ramón Núñez Centella.[1]
Entre decembro de 2015 e xaneiro de 2016 participou como presentador no programa da Televisión de Galicia Éche Así. O programa ía dirixido a un público familiar, achegando conceptos de ciencia e tecnoloxía a aspectos da vida cotiá, empregando para iso o humor, a maxia e outros elementos discursivos semellantes.[1][10]
É membro da Asociación Galega de Comunicación de Cultura Científica e Tecnolóxica (DivulgACCIÓN) desde a súa fundación en abril do 2011 e foi o seu primeiro presidente.[11][12][1] É un dos creadores e organizadores das charlas de divulgación científica e pensamento crítico Escépticos no Pub Compostela.[13][14][15] É un dos creadores e organizadores do proxecto Regueifas de Ciencia, unha actividade de debates na Universidade de Santiago de Compostela na que se busca expor e dar a coñecer os argumentos das distintas posicións ao redor de temas como a eutanasia, a enerxía nuclear ou as modificacións xenéticas en humanos.[16][15]
Premios[editar | editar a fonte]
O seu traballo en Efervesciencia recibiu en dúas ocasións o Premio de Xornalismo Científico Galicia Innovación da Xunta de Galicia (segundo premio na edición de 2008, e o primeiro en 2009), e o Prisma da Casa das Ciencias de divulgación científica en 2013[6]. Participou no proxecto “Efervesciencia na Praia” que mereceu o premio Ciencia en Acción 2009.
En 2018 gañou o III Premio Galicia de Xornalismo Científico da Real Academia Galega de Ciencias e a Axencia Galega de Innovación pola reportaxe “Ondas gravitacionais que soan en galego”, publicada o 12 de marzo de 2018 no Diario Cultural[17].
Foi xurado dos Premios Prisma da Casa das Ciencias da Coruña en 2015[18] e dos Premios da Crítica de Galicia en 2017.[19]
Notas[editar | editar a fonte]
- ↑ 1,0 1,1 1,2 1,3 1,4 Mariño Alfonso, Xurxo, ed. (2016-04-19). "Informe sobre a divulgación da ciencia en Galicia" (PDF). doi:10.17075/isdcg.2016.
- ↑ 2,0 2,1 Química organometálica: ciclometalación, na páxina web da USC.
- ↑ "Teses - Química organometálica: ciclometalación - USC". www.usc.es. Consultado o 2019-06-18.
- ↑ García, Manuel Vicente (2004). "Macrociclos [1+1] derivados da tren e os seus complexos metálicos" (en castelán). Universidade de Santiago de Compostela.
- ↑ "Manuel Vicente". DivulgACCIÓN - AGCCCT. Consultado o 2018-12-16.
- ↑ 6,0 6,1 "Nós". Efervesciencia. 2015-04-28. Arquivado dende o orixinal o 17 de decembro de 2018. Consultado o 2018-12-16.
- ↑ "Programa 1: Hipótese (22-10-06)". Efervesciencia. 2006-10-30. Arquivado dende o orixinal o 14 de maio de 2018. Consultado o 2019-06-18.
- ↑ "O persoal investigador debe entender que comunicar forma tamén parte do seu traballo". praza.gal.
- ↑ "Conexións, nuevo programa de divulgación científica en la Televisión de Galicia". Microsiervos (en castelán). Consultado o 2019-06-18.
- ↑ "O Proxecto". Arquivado dende o orixinal o 14 de agosto de 2018. Consultado o 2019-06-18.
- ↑ Fernández, Marcus. "Nace a Asociación Galega de Comunicación de Cultura Científica e Tecnolóxica". Código Cero - Diario Tecnolóxico de Galicia. Consultado o 2019-06-18.
- ↑ Fernández, Marcus. "Xunta directiva". DivulgACCIÓN - AGCCCT. Consultado o 2018-12-16.
- ↑ "Premio Prismas de Ciencia a nuestro escéptico Manuel Vicente". Consultado o 2019-06-18.
- ↑ "Santiago de Compostela". ARP Sociedad para el Avance del Pensamiento Crítico. Consultado o 2019-06-18.
- ↑ 15,0 15,1 "Manuel Vicente". Diario Cultural. Consultado o 2019-06-18.
- ↑ "Sobre Regueifas". Regueifas de Ciencia (en castelán). Consultado o 2019-06-18.
- ↑ "Manuel Vicente García III Premio Galicia de Xornalismo Científico" Arquivado 17 de decembro de 2018 en Wayback Machine., na páxina web da RAGC, 26 de xullo de 2018.
- ↑ "El jurado de los premios Prismas de la Casa de las Ciencias reconoce la labor de los y de las profesionales que divulgan la cultura científica". Concello da Coruña (en castelán). 17 de outubro de 2015. Consultado o 2018-12-16.
- ↑ "Vigo acolle a entrega dos Premios da Crítica de Galicia". Vigo é. 4 de novembro de 2017. Arquivado dende o orixinal o 17 de decembro de 2018. Consultado o 17 de decembro de 2018.
