Antonio López Díaz

Antonio López Díaz
	; (2023)
Biografía
Nacemento	1964 (59/60 anos); Cabarcos, España
Reitor da Universidade de Santiago de Compostela
	2018 – ; ← Juan Viaño
Datos persoais
Educación	Universidade de Santiago de Compostela
Actividade
Ocupación	xurista, profesor universitario
Membro de	Real Academia de Ciencias Económicas e Financeiras

Para outras páxinas con títulos homónimos véxase: Antonio López.

Antonio López Díaz, nado en Cabarcos (Barreiros) en 1964 é un xurista galego, especialista en dereito financeiro e reitor da Universidade de Santiago de Compostela dende 2018.

Traxectoria

Estudou no seminario de Mondoñedo e rematou o bacharelato no IES San Rosendo de Mondoñedo. Marchou estudar a Santiago de Compostela, onde se licenciou en dereito pola Universidade de Santiago de Compostela en 1986 e se doutorou en 1991. Como investigador e docente, desenvolveu a súa carreira na área do dereito financeiro.

Formou parte do equipo reitoral de Darío Villanueva entre 1998 e 2002, ocupándose das áreas de infraestruturas e de coordinación do campus de Santiago. En 2002 abandonou a dirección da USC e tres anos máis tarde, en 2005, foi elixido decano da Facultade de Dereito, cargo en que permaneceu durante tres anos. En 2007 foi elixido conselleiro de Contas polo Parlamento de Galicia e pasou a presidir a institución como conselleiro maior ata 2010, ano en que foi substituído por Luciano Fariña Busto.

En 2013 abandonou o Consello de Contas e reincorporouse á carreira universitaria. Meses despois presentou a súa candidatura a reitor da USC, pero foi derrotado en abril de 2014 polo matemático Juan Viaño por unha estreita marxe. Con todo, volvería postularse para o posto de reitor, obxectivo que logrou ao derrotar a Viaño nas elección universitarias de maio de 2018^[1].