Parlamento de Galicia

Na Galipedia, a Wikipedia en galego.
(Redirixido desde "Parlamento Galego")
Parlamento de Galicia
Flag of Galicia.svg
Parlamento galicia-Praza Publica.jpg
Tipo Parlamento autonómico
Presidenta Pilar Milagros Rojo Noguera, PPdeG
desde 2009
Membros 75
Grupos representados PP (41)
PSdeG-PSOE (18)
AGE (8)
BNG (7)
Grupo Mixto (1)
Últimas eleccións 21 de outubro de 2012
Sede Pazo do Hórreo, rúa do Hórreo (Santiago de Compostela)
Páxina web www.parlamentodegalicia.es

O Parlamento de Galicia é a institución na que reside o poder lexislativo da Comunidade Autónoma de Galicia e é o máximo órgano representativo do pobo galego. Instaurouse con anterioridade ás primeiras eleccións autonómicas de 1981 formado polos deputados elixidos para o Congreso dos Deputados de España polas circunscricións galegas. Actualmente está formado por 75 deputados que se elixen por sufraxio universal, igual, libre, directo e secreto por un prazo de catro anos. Destes 75, son elixidos 24 pola provincia da Coruña, 22 pola de Pontevedra, 15 pola de Lugo e 14 pola de Ourense.

Funcións[editar | editar a fonte]

  • Exercer a potestade lexislativa da Comunidade Autónoma.
  • Controlar a acción executiva da Xunta.
  • Aprobar os seus orzamentos.
  • Designar para cada lexislatura das Cortes Xerais os senadores representantes da Comunidade Autónoma galega.
  • Escoller de entre os seus membros ao presidente da Xunta de Galicia.
  • Esixirlles responsabilidade á Xunta de Galicia e ao seu presidente.
  • Solicitar do Goberno do Estado a adopción de proxectos de lei.
  • Presentar ante a Mesa do Congreso dos Deputados proposicións de lei.
  • Interpoñer recursos de inconstitucionalidade.
  • Presentarse perante o Tribunal Constitucional nos supostos e termos previstos nas leis.

O Parlamento representa ao pobo de Galicia e constitúe a primeira das institucións da Comunidade Autónoma da que derivan tódalas outras, e é inviolábel.

Sede[editar | editar a fonte]

Sede do Parlamento de Galicia, en Santiago de Compostela.

A sede do Parlamento de Galicia está situada na cidade de Santiago de Compostela, na actualidade na rúa do Hórreo, mais a primeira sede estivo no Pazo de Xelmírez, en 1981, e posteriormente no Pazo de Fonseca (1982).

O salón de sesións é o lugar habitual onde teñen lugar as sesións do Pleno do Parlamento de Galicia, e os deputados e deputadas ocupan os asentos arranxados en forma de hemiciclo ante a Mesa presidencial.

O presidente da Xunta de Galicia e o seu Goberno ocupan a primeira fila de escanos, e o resto de deputados, agrupados en grupos parlamentarios, ocupan os restantes, previamente asignados pola Mesa do Parlamento.

Parlamento de Galicia.jpg

No Parlamento de Galicia hai dous períodos de sesións, un que abrangue os meses de setembro a decembro e outro de febreiro a xuño. Durante estes períodos, o Parlamento pódese reunir en sesións ordinarias que, habitualmente, teñen lugar de martes a venres de cada semana.

Fóra destes períodos de sesións, pódense realizar sesións extraordinarias de se cumpriren determinados requisitos.

O presidente do Parlamento é quen fixa a orde do día dos plenos, de acordo coa Mesa e a Xunta de Portavoces e tendo en conta o calendario de actividades. A orde do día das comisións vén determinada pola respectiva Mesa, consonte o calendario establecido pola Mesa do Parlamento.

Composición[editar | editar a fonte]

75 escanos están ocupados polos representantes de Galicia no seu Parlamento.

Distribución de escanos no Parlamento de Galicia

Foron convocadas eleccións ó Parlamento de Galicia mediante o Decreto 174/2012[1]. Nas ditas eleccións do 21 de outubro de 2012 o resultado para a súa configuración durante a IX lexislatura foi:

Os deputados electos foron convocados á Sesión Constitutiva que se celebrou o día 16 de novembro do ano 2012, ás 11:00 h[2]. Na dita sesión foron elixidos os membros da Mesa[3]. A Sesión de apertura da IX Lexislatura tivo lugar o 4 de decembro de 2012.

Mesa do Parlamento

Grupos parlamentarios no Parlamento de Galicia

Nombre Partidos Portavoz Escanos
Grupo Parlamentario Popular PPdeG Pedro Puy 41
Grupo Parlamentario Socialista PSdeG Abel Losada 18
Grupo Parlamentario de Esquerda AGE Xosé Manuel Beiras Torrado 8
Grupo Parlamentario Nacionalista BNG Francisco Jorquera 7
Grupo mixto Grupo mixto Carmen Iglesias Sueiro 1

Actividade[editar | editar a fonte]

A actividade do Parlamento de Galicia desenvólvese en dous períodos de sesións: un que abrangue os meses de setembro a decembro e outro de febreiro a xuño. Durante estes períodos, os deputados pódense reunir en sesións ordinarias de Comisión que, habitualmente, teñen lugar de martes a venres cada semana.

Fóra destes períodos de sesións, pódense realizar sesións extraordinarias de cumprirse determinados requisitos.

Quen exerce a Presidencia do Parlamento fixa a Orde do día das Sesións Plenarias, de acordo coa Mesa e a Xunta de Voceiros e tendo en conta o calendario de actividades. A orde do día das Comisións vén determinada pola respectiva Mesa, de acordo co calendario establecido pola Mesa do Parlamento.

Notas[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: Parlamento de Galicia Modificar a ligazón no Wikidata

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]