Children of Men

Na Galipedia, a Wikipedia en galego.
Children of Men
Título orixinal Children of Men
[[Ficheiro:|200px| ]]
Ficha técnica
Director Alfonso Cuarón
Produtor Hilary Shor
Marc Abraham
Tony Smith
Eric Newman
Iain Smith
Guión Alfonso Cuarón
Timothy J. Sexton
David Arata
Mark Fergus
Hawk Ostby
Baseado en The Children of Men de P. D. James
Intérpretes Clive Owen
Julianne Moore
Michael Caine
Chiwetel Ejiofor
Charlie Hunnam
Música John Tavener
Fotografía Emmanuel Lubezki
Montaxe Alfonso Cuarón
Alex Rodríguez
Estudio Strike Entertainment
Hit and Run Productions
Distribuidor Universal Pictures
Ano 2006
Duración 109 minutos[1]
País Estados Unidos de América Estados Unidos
Reino Unido Reino Unido[2]
Xénero Ficción científica
Orzamento $76.000.000[3]
Recadación $69.959.751[3]
Filme anterior
Filme seguinte
Ficha en IMDb

Children of Men é un filme de ficción científica co-escrito, co-producido e dirixido por Alfonso Cuarón que foi estreado no 2006. Está baseado na novela The Children of Men de P. D. James (1992). No 2027, dúas décadas de infertilidade humana deixaron á sociedade a piques de colapsar. Os inmigrantes ilegais buscan asilo no Reino Unido, onde o goberno impón leis de inmigración opresivas contra os refuxiados. Clive Owen interpreta a ó civil Theo Faron, que debe axudar a unha refuxiada africana que está embarazada, Clare-Hope Ashitey, a escapar do caos. Outros actores do reparto de Children of Men son Julianne Moore, Michael Caine, Pam Ferris e Chiwetel Ejiofor.

O filme foi estreado o 22 de setembro de 2006 no Reino Unido e o 25 de decembro nos Estados Unidos. Malia a distribución limitada e a recadación limitada en comparación co seu orzamento, Children of Men recibiu louvanzas da crítica e foi recoñecida polos seu guión, fotografía, dirección de arte e os innovadores planos secuencias de acción. Foi nomeado a tres Premios Oscar: mellor guión adaptado, mellor fotografía e mellor montaxe. Tamén foi nomeado a tres premios BAFTA, gañando mellor fotografía e mellor deseño de produción, e a tres Premios Saturn, gañando na categoría de mellor filme de ciencia ficción.

Argumento[editar | editar a fonte]

Ano 2027: o ser humano está ó borde da extinción: os homes perderon a capacidade de procrear e descoñécese a razón pola que tódalas mulleres do planeta se volveron estériles. Ó mesmo tempo, o mundo estremece cando morre un rapaz de 18 anos, a persoa máis nova da Terra. A humanidade vive unha situación de caos en aumento. En tales circunstancias, Theo (Clive Owen), un desilusionado ex-activista radical de Londres convertido en burócrata, é contratado por Julian (Julianne Moore) para que protexa á persoa máis buscada da Terra, unha inmigrante africana que está embarazada.

Personaxes[editar | editar a fonte]

  • Clive Owen como Theo Faron, un activista que quedou desfeito cando o seu fillo morreu durante unha epidemia de gripe.[4] Theo é o "arquetipo do home común" que as circustancias converten nun salvador.[5] Seleccionado para o papel no 2005,[6] Owen pasou varias semanas traballando con Cuarón e Sexton para definir a súa personaxe. Impresionados polo talento creativo de Owen, Cuarón e Sexton incorporárono como guionista.[7] "Clive foi unha gran axuda", dixo Cuarón para a revista Variety.
  • Julianne Moore como Julian Taylor. Para interpretar a Julian, Cuarón quería unha actriz que tivese a "credibilidade do liderado, intelixencia e independencia".[7] Moore foi seleccionada en xuño de 2005, nun principio para interpretar o papel da primeira muller en quedar embarazada en 20 anos.[8]
  • Michael Caine como Jasper Palmer, amigo de Theo. Caine baseou a personaxe de Jasper na experiencia co seu amigo John Lennon.[9] Cuarón explicou que "Unha vez que se puxo as roupas e se puxo diante do espello para ollarse a si mesmo, a súa linguaxe corporal comezou a mudar. Michael amábao. El cría que era ese tío".[9]
  • Chiwetel Ejiofor como Luke
  • Charlie Hunnam como Patric
  • Clare-Hope Ashitey como Kee, unha inmigrante ilegal e a primeira muller en quedar embarazada despois de 18 anos. Esta personaxe non aparece no libro, pero foi escrita para o filme polo interese de Cuarón en representar a orixe recente africana dos humanos modernos, e tamén o estado das persoas desposuídas.[10] "O feito de que o neno sexa o dunha muller africana ten que ver con que a humanidade comezou en África. Puxemos o futuro da humanidade en mans dos desposuídos e creamos a primavera dunha nova humanidade."[11]
  • Pam Ferris como Miriam
  • Peter Mullan como Syd
  • Danny Huston como Nigel, curmán de Theo e alto responsable do goberno. Nigel leva o programa do "Ministerio das Artes" coñecido como a "Arca das Artes", que "rescata" obras de arte como o David de Michelangelo (que perdeu unha perna), o Guernica de Pablo Picasso e British Cops Kissing de Banksy.
  • Oana Pellea como Marichka
  • Paul Sharma como Ian
  • Jacek Koman como Tomasz

Galardóns e nomeamentos[editar | editar a fonte]

  • 2006: 3 nomeamentos ó Oscar: Mellor guión adaptado, fotografía, montaxe.
  • 2006: BAFTA: Mellor deseño de produción, fotografía. 3 nomeamentos.

Notas[editar | editar a fonte]

  1. "CHILDREN OF MEN (15)". Universal Studios. British Board of Film Classification. 15 de setembro de 2006. http://www.bbfc.co.uk/releases/children-men-1. Consultado o 30 de maio de 2014.
  2. "Children of Men (BFI)". British Film Institute. http://explore.bfi.org.uk/4ce2b8b6cfc9d.
  3. 3,0 3,1 "Children of Men (2006)". Box Office Mojo. http://boxofficemojo.com/movies/?id=childrenofmen.htm. Consultado o 6 de abril de 2014.
  4. "Rumors of a birth". The Christian Century 124 (3). 6 de febreiro de 2007.
  5. "Children of Men". Sacramento Bee. 3 de xaneiro de 2007.
  6. "Owen having U's children". Variety. 27 de abril de 2005. http://www.variety.com/article/VR1117921775.html?categoryid=1236&cs=1&p=0. Consultado o 2 de febreiro de 2007.
  7. 7,0 7,1 "Interview: Children of Men Director Alfonso Cuarón". Moviefone. 25 de decembro de 2006. http://news.moviefone.com/2006/12/25/Interview-children-ofmen-director-alfonso-cuaron/. Consultado o 23 de xaneiro de 2007.
  8. "Moore makes way to U's Children". Variety. 15 de xuño de 2005. http://www.variety.com/article/VR1117924547.html. Consultado o 2 de febreiro de 2007.
  9. 9,0 9,1 "Interview: Alfonso Cuaron". Moviehole. Arquivado do orixinal o 12 de outubro de 2007. http://web.archive.org/web/20071012160129/http://www.moviehole.net/interviews/20061021_interview_alfonso_cuaron.html. Consultado o 10 de febreiro de 2007.
  10. "Politics, Bible Stories and Hope. An Interview with Alfonso Cuarón". The Stranger. 28 de decembro de 2006. http://www.thestranger.com/seattle/Content?oid=128363. Consultado o 26 de febreiro de 2007.
  11. "Brave new world. Clive Owen embarks on a mission to ensure humanity's survival". Los Angeles Daily News. 19 de decembro de 2006. http://www.dailynews.com/entertainment/ci_4866854. Consultado o 26 de febreiro de 2007.

Véxase tamén[editar | editar a fonte]

Ligazóns externas[editar | editar a fonte]