Serra dos Ancares

Serra dos Ancares

Tipo	serra monumento
Situado na entidade xeográfica	Península Ibérica
Localización
División administrativa	provincia de León, España e provincia de Lugo, España
42°50′35″N 6°49′54″O
Cordilleira	Macizo Galaico
Características
Altitude	1.987 m
Dimensións	32 () × 95 () km
Punto máis alto	Pico Cuíña  (1.998 m )
Ben de Interese Cultural de España
Data	13 de agosto de 1971
Identificador	RI-54-0000035-00001

Vista do Val do río Ser no concello de Navia de Suarna.

A serra de Ancares é unha cordilleira administrativamente dividida entre Galicia e Castela e León, no extremo suroeste da cordilleira Cantábrica. Encóntrase situada na parte máis oriental da provincia de Lugo e na parte máis noroccidental da provincia de León.

Características

Constitúe o límite entre Galicia e Castela e León. De norte a sur, destacan nela os cumes de Miravales (1966 m), o Pico Cuíña (1992 m), Pena Longa (1896 m), O Mustallar (1935 m), Pico de Lagos (1867 m), Pico dos Tres Bispos (1794 m) e Penarrubia (1822 m). Esta serra presenta fracturas nas súas fallas, formando pequenos vales polos que discorren os afluentes do río Navia na vertente galega e os da conca do río Sil na vertente leonesa.

Predominan lousas, calcarias, filitas, areíscas e cuarcitas. O clima que presenta é o oceánico de montaña. Os mamíferos que podemos encontrar son o lobo, o corzo e ocasionalmente o oso pardo. Entre as aves, destacan a aguia cobreira e a pita do monte, case extinta na parte galega da serra. En canto á vexetación xunta aos ríos atópanse salgueiros e abeneiros, tamén son frecuentes os castiñeiros, freixos e abeleiras, carballos e acivros por riba dos 1600 metros medra o mato, as uceiras nos solos máis pobres e os piornos nas zonas máis ricas.

Recentemente, no 2006, foi declarada Reserva da Biosfera pola UNESCO.

Galería de imaxes

Artigo principal: Galería de imaxes da Serra dos Ancares.

• 
  Vista panorámica da serra dos Ancares
• 
  Pico Tres Bispos
• 
  Río Navia
• 
  Camiño de Piornedo ata O Mustallar.
• 
  Vista da serra.
• 
  Piornedo.
• 
  Vista do val.
• 
  Camiño a Tres Bispos.
• 
  Neve nos Ancares.
• 
  Vista xeral.
• 
  Castiñeiros cubertos de liques.

Véxase tamén

Bibliografía

• González Arias, Alejandro (1995). Guía e rutas dos Ancares. Vigo: Editorial Galaxia. ISBN 978-84-8288-021-1. 
• As montañas de Galiza. A Nosa Terra, 2006. ISBN 84-8341-126-1