Stefan Heidemann
| Biografía | |
|---|---|
| Nacemento | 3 de abril de 1961 Versmold, Alemaña  |
| Datos persoais | |
| País de nacionalidade |  Alemán. |
| Educación |  Universidade Libre de Berlín |
| Coñecido por | Estudos orientalistas. |
| Actividade | |
| Campo de traballo | Orientalismo e numismática. |
| Ocupación | orientalista , profesor universitario , numismático |
| Empregador | Universidade de Hamburgo Universidade de Jena |
| Lingua | Lingua alemá |
| Premios | |
| 2005: Premio Samir Shamma, da RNS. | |
Stefan Heidemann, nado en Versmold, Renania do Norte-Westfalia, o 3 de abril de 1961, é un historiador, orientalista e numismático alemán.
Traxectoria[editar | editar a fonte]
Entre 1982 e 1991, Stefan Heidemann cursou estudos de Economía, Estudos Islámicos e Historia Moderna nas universidades de Ratisbona, Berlín, Damasco e O Cairo, e en 1993 acadou o seu doutoramento na Universidade Libre de Berlín cunha tese acerca do Califato de Aleppo.[1][2][3]
Entre 1994 e 2000 foi profesor axudante na Universidade de Jena, na que en 2001 accedeu á cualificación para a docencia. Nesta institución ocupou diversos postos entre 1994 e 2010, entre eles o de coordinador do Gabinete de Moeda Oriental de Jena,[2][3] fundado no século XIX nesa universidade.[1]
Posteriormente trasladouse aos Estados Unidos para exercer no curso 2010-2011 como profesor de Historia Islámica e de Cultura Artística e Material no Bard Graduate Center, en Nova York, ao tempo que traballaba como conservador asociado de Arte Islámica no Museo Metropolitano de Nova York.[1][2][3][4]
De volta a Europa, a partir de 2011 Heidemann pasou a ocupar a praza de profesor de Estudos Islámicos no Instituto de Asia e África da Universidade de Hamburgo,[2] traballo que compatibiliza con frecuentes viaxes a sitios arqueolóxicos, entre os que destacan a cidadela de Alepo, en Siria, e tamén outros diversos en Afganistán.[1][2]
Ao longo da súa traxectoria, Heidemann foi profesor visitante en distintas institucións académicas e bolseiro de investigación, como a American Numismatic Society (1993), a Universidade de Leipzig (2001-2003), o MIT (2007-2008) ou o Museo Fitzwilliam (2008).[2]
No ámbito editorial, Heidemann formou parte dos consellos editoriais dos xornais Der Islam e Studies in History and Culture of the Middle East. Ademais, é asesor de numismática do mundo musulmán na revista francesa Revue Numismatique.[1]
Recoñecementos[editar | editar a fonte]
- (2005): Premio Samir Shamma, da Royal Numismatic Society, de Londres.[2][5]
- (2015): Membro da Academia de Ciencias e Literatura de Maguncia.[1][2][3]
Publicacións[editar | editar a fonte]
Esta é unha escolma dos traballos monográficos máis salientables da traxectoria de Stefan Heidemann:[2][6][7][8]
- (1994). Das Aleppiner Kalifat (A.D. 1261). Vom Untergang des Kalifates in Bagdad über Aleppo zu den Restaurationen in Kairo. Brill, Leiden 1994. ISBN 978-9004100312
- (2000). Islamische Numismatik in Deutschland. Eine Bestandsaufnahme. Harrassowitz, Wiesbaden. ISBN 978-3447042697
- (2000).Transregional and Regional Elites: Connecting the Early Islamic Empire (con H-I. Hagemann). De Gruyter. ISBN 978-3110666489
- (2002). Die Renaissance Der Stadte in Nordsyrien Und Nordmesopotamien. Brill, Leiden. ISBN 978-9004122741
- (2005). Sylloge Der Munzen Des Kaukasus Und Osteuropas. Orientalischen Munzkabinett Jena (con T. Mayer et al.). Harrassowitz. ISBN 978-3447048934
- (2003). Die islamische Stadt (con A. Becker). Zabern, Maguncia. ISBN 9783805331531
- (2017). Regional History and Coin Finds from Assur / Regionale Geshichte und Munzfunde aus Assur (con Kevin Butcher). Otto Harrassowitz, Wiesbaden. ISBN 978-3447107617
- (2022). The Reach of Empire (con K. Mewes). De Gruyter. ISBN 978-3110678260
Notas[editar | editar a fonte]
- ↑ 1,0 1,1 1,2 1,3 1,4 1,5 "Heidemann, Stefan". En Coins Weekly. 2 de maio de 2019.
- ↑ 2,0 2,1 2,2 2,3 2,4 2,5 2,6 2,7 2,8 "Prof. Dr. Stefan Heidemann". Universität Hamburg.
- ↑ 3,0 3,1 3,2 3,3 "Prof. Dr. phil. StefanHeidemann". Akademie der Wissenschaften und der Literatur Mainz.
- ↑ "Stefan Heidemann". En Coins Weekly. 12 de outubro de 2010.
- ↑ "The Samir Shamma Prize for Islamic Numismatics". The Royal Numismatic Society.
- ↑ "Heidemann, Stefan 1961- Arquivado 19 de xullo de 2022 en Wayback Machine.". Digital Library Numis.
- ↑ "Heidemann, Stefan". WorldCat Identities.
- ↑ "Stefan Heidemann". Academia.edu
Véxase tamén[editar | editar a fonte]
Bibliografía[editar | editar a fonte]
- "Heidemann, Stefan. Historian and Islamic Studies Specialist". En Coins Weekly. 2 de maio de 2019.
- "Stefan Heidemann". En Coins Weekly. 12 de outubro de 2010.
