Selección de fútbol de Arxentina

Arxentina
Na súa casa Fóra
Asociación	Asociación del Fútbol Argentino — AFA
Confederación	CONMEBOL (Sudamérica)
Código FIFA	ARG
Alcume	La Albiceleste
Ranking FIFA	5 (14 de xullo de 2010)
Seleccionador	Sergio Batista
Máis partidos	Javier Zanetti (136)
Máximo goleador	Gabriel Batistuta (56)
Estrea internacional Uruguai 2 - 3 Arxentina Montevideo, Uruguai; 16 de maio de 1901
Maior vitoria Arxentina 12 - 0 Ecuador Montevideo, Uruguai; 22 de xaneiro de 1942
Maior derrota Checoslovaquia 6 - 1 Arxentina Helsingborg, Suecia; 15 de xuño de 1958 Uruguai 5 - 0 Arxentina Guayaquil, Ecuador; 16 de decembro de 1959 Arxentina 0 - 5 Colombia Bos Aires, Arxentina; 5 de setembro de 1993 Bolivia 6 - 1 Arxentina La Paz, Bolivia; 1 de abril de 2009
Campionato do Mundo
Participacións	15 (Uruguai 1930)
Mellor resultado	1º (2) (1978 e 1986)
Copa América
Participacións	38 (Arxentina 1916)
Mellor resultado	1º (14) (1921, 1925, 1927, 1929, 1937, 1941, 1945, 1946, 1947, 1955, 1957, 1959, 1991, 1993)

A Selección de fútbol de Arxentina é o equipo representativo do país nas competicións oficiais. A súa organización está a cargo da Asociación del Fútbol Argentino (AFA), pertencente á Conmebol. Xogou o primeiro partido internacional fóra de Arxentina, o 16 de maio de 1901 en Montevideo. Dende aquela a selección arxentina converteuse nun dos equipos máis exitosos do fútbol mundial, sendo campioa en dúas acasións da Copa Mundial de Fútbol (1978 e 1986) e finalista noutras dúas ocasións (1930 e 1990). En 1992, o equipo arxentino gañou a Copa FIFA Confederacións, en tanto que en 1995 como no 2005 disputou a final do devandito torneo, caendo ante Dinamarca e Brasil respectivamente.

Arxentina é xunto a Uruguai, a selección que máis veces gañou a Copa América, lográndoa en catorce ocasións. Ademais é a selección que máis subcampionatos logrou na competición, nunhas doce oportunidades. Nos Xogos Olímpicos a Selección Arxentina obtivo a medalla de ouro nos Xogos Olímpicos de 2004 e nos de 2008. Á súa vez, gañou a medalla de prata en 1928 e en 1996. O seleccionado xuvenil Sub-20 é o máximo campión da Copa Mundial da categoría, con 6 títulos en 1979, 1995, 1997, 2001, 2005 e 2007. Ademais foi finalista na edición de 1983. Arxentina e Francia son as únicas seleccións do mundo que gañaron a Copa Mundial, os Xogos Olímpicos e a Copa Confederacións.

Grandes xogadores da historia futbolística pasaron por esta selección, entre os cales destaca o volante Diego Armando Maradona, considerado como un dos mellores xogadores na historia, sendo elixido Mellor Xogador do Século nunha votación realizada no ano 2000 no sitio web da FIFA. En marzo de 2007 alcanzou por primeira vez o posto un no ranking FIFA. Aquela mención duroulle só ese mes, aínda que en outubro de 2007 volveu situarse ao tope da clasificación ata xullo de 2008.

Historia

A selección en 1964.

Arxentina é unha das seleccións de fútbol con máis éxito do mundo, vencedora da Copa do Mundo de 1978 e da Copa do Mundo de 1986, catorce Copa América, a Copa Confederacións 1992 e as dúas medallas de ouro, a primeira nas Xogos Olímpicos de 2004 e a segunda en 2008. Sumando tódolos seus títulos oficiais organizados pola CONMEBOL e pola FIFA, Arxentina é a selección que máis títulos ten do mundo xunto coa de Uruguai, aínda que considerando que noutras confederacións os títulos continentais xóganse en períodos moito máis amplos de tempo. Arxentina é unha das únicas seleccións do mundo a conquistar a "cuádruple coroa", xa que gañou a Copa do Mundo, a Copa das Confederacións, a Copa América e a medalla de ouro nos Xogos Olímpicos. A outra selección en conseguir tal feito ao longo da historia é Francia.

A albiceleste disputou catro finais de Copa do Mundo. Na súa primeira final, en 1930, perderon por 4 a 2 contra Uruguai. Os arxentinos non volverían a chegar a unha final até 1978 onde, esta vez si, conseguen o seu primeiro título ao vencer aos Países Baixos por 3 a 1. A curiosidade deste mundial foi o xeito de clasificarse á rolda eliminatoria final, Arxentina tiña que vencer por unha diferenza de catro goles para se clasificar, cando só metera dous até ese partido, e acabou vencendo por 6 a 0 con mérito para o pobre xogo que tivo nese partido Perú, acabando ademais coa participación no mundial de Brasil. A selección arxentina tamén gañou en 1986, nunha campaña con vitorias sobre tradicionais seleccións como Uruguai (oitavos de final), Inglaterra (cuartos de final, no partido no que Maradona anotou a o seu coñecido gol coa man), Bélxica en semifinais e Alemaña Occidental (final). A última final da cal tomou parte a Arxentina foi en 1990, cando perdeu por 1 a 0 nunha final de novo contra Alemaña Occidental. Dende aquela Arxentina volveu chegar lonxe na máxima competición mundial.

En canto a outras competicións internacionais, Arxetina é, cunto coa selección de Uruguai, a selección que máis veces gañou a Copas América na historia, vencéndoa por catorce veces, alén dos campionatos Suramericanos "extras" en 1941, 1945 e 1946. En canto aos Xogos Olímpicos, no ano 2004, Arxentina gañou súa primeira medalla dourada de súa historia: venceron tódolos partidos, tiveron o mellor ataque da competición e non rebiron nin un só un gol. Alén da medalla de ouro, aínda tiveron o máximo goleador do campionato, Carlos Tévez, con nove goles. Nos Xogos Olímpicos de Pequín 2008, a selección albiceleste volveu a conquistar a medalla de ouro de novo sen coñecer a derrota. En cuartos de final bateu aos Países Baixos (2 a 1), en semifinais gañou dun de seus clásicos rivais, Brasil (3 a 0) e na final derrotou a Nixeria por 1 a 0. A selección arxentina aínda ten dúas medallas de prata obtidas nos Xogos Olímpicos de 1928 e nos 1996.

Uniforme

O uniforme oficial da Selección Arxentina componse dunha camiseta de franxas brancas e celestes (de aí o alcume que recibe a selección: La Albiceleste), pantalón negro raias brancas e medias brancas con raias celestes. O uniforme oficial alternativo componse de camiseta e medias azul e pantalóns brancos.

Galería de camisetas

Mundial 1978 Mundial 1978 Mundial 1986 Mundial 1994 Mundial 1998 Eliminatorias 2002 Mundial 2002 Eliminatorias 2004/05-Juegos Olímpicos 2004 Mundial 2006 Mundial 2006 Eliminatorias 2008/09-Torneo Olímpico 2008 Mundial 2010

1901–1910 Dende 1911 1958 (Suplente) Período Marca 1973-1979 Adidas 1980-1988 Le Coq Sportif 1989-1998 Adidas 1999-2001 Reebok Dende 2001 Adidas Diego Armando Maradona coa camisola arxentina en 1979.

Resultados

Copa Mundial de Fútbol Ano Fase Posición PX PG PE PP GF GC Uruguai 1930 Subcampión 2° 5 4 0 1 18 9 Italia 1934 Primeira fase 9° 1 0 0 1 2 3 Francia 1938 Non participou Brasil 1950 Suíza 1954 Suecia 1958 Primeira fase 13° 3 1 0 2 5 10 Chile 1962 Primeira fase 10° 3 1 1 1 2 3 Inglaterra 1966 Cuartos de final 5° 4 2 1 1 4 2 México 1970 Non clasificado Alemaña 1974 Segunda fase 8° 6 1 2 3 9 12 Arxentina 1978 Campión 1° 7 5 1 1 15 4 España 1982 Segunda fase 11° 5 2 0 3 8 7 México 1986 Campión 1° 7 6 1 0 14 5 Italia 1990 Subcampión 2° 7 2 3 2 5 4 Estados Unidos 1994 Oitavos de final 10° 4 2 0 2 8 6 Francia 1998 Cuartos de final 10° 4 2 0 2 8 6 Corea/Xapón 2002 Primeira fase 18° 3 1 1 1 2 2 Alemaña 2006 Cuartos de final 6° 6 3 2 0 11 3 Sudáfrica 2010 Cuartos de final 5° 5 4 0 1 10 6 Total - 4° 70 37 13 20 123 80

Copa América Copa América 1916 Final - 2º lugar 1917 Final - 2º lugar 1919 3º lugar 1920 Final - 2º lugar 1921 Campión 1922 4º lugar 1923 Final - 2º lugar 1924 Final - 2º lugar 1925 Campión 1926 Final - 2º lugar 1927 Campión 1929 Campión 1935 Final - 2º lugar 1937 Campión 1939 Retirouse 1941 Campión 1942 Final - 2º lugar 1945 Campión 1946 Campión 1947 Campión 1949 Retirouse 1953 Retirouse 1955 Campión 1956 3º lugar 1957 Campión 1959 Campión 1959 Final - 2º lugar 1963 3º lugar 1967 Final - 2º lugar 1975 Primera Rolda 1979 Primera Rolda 1983 Primera Rolda 1987 4º lugar 1989 3º lugar 1991 Campión 1993 Campión 1995 Cuartos de final 1997 Cuartos de final 1999 Cuartos de final 2001 Retirouse 2004 2º lugar 2007 2º lugar  Táboa xeral: 2º posto Pts PX PG PE PP GF GC Dif Rend 364 173 111 31 31 422 166 +256 70,0%

Xogadores

Máis partidos disputados

Javier Zanetti.

Actualizado a 22 de xullo de 2010.

#	Nome	Período	Partidos	Goles
1	Javier Zanetti	1994-2009	136	5
2	Roberto Ayala	1994-2007	115	7
3	Diego Simeone	1988-2002	106	11
4	Oscar Ruggeri	1983-1994	97	7
5	Diego Maradona	1977-1994	91	34
6	Ariel Ortega	1993-2010	87	17
7	Javier Mascherano	2003-	87	2
8	Gabriel Batistuta	1991-2002	78	56
9	Lionel Messi	2005-	77	31
10	Juan Pablo Sorín	1995-2006	75	11
11	Américo Gallego	1975-1982	73	3
	Juan Sebastián Verón	1996-2010	73	9

Máximos goleadores da selección

Gabriel Batistuta.

Actualizado a 22 de xullo de 2010.

#	Xogador	Período	Goles	Partidos	Promedio
1	Gabriel Batistuta	1991-2002	56	78	0,72
2	Hernán Crespo	1995-2007	35	64	0,55
3	Diego Maradona	1977-1994	34	91	0,37
4	Lionel Messi	2005-	31	77	0,40
5	Luis Artime	1961-1967	24	64	0,38
6	Leopoldo Luque	1975-1981	22	45	0,49
	Daniel Passarella	1976-1986	22	70	0,31
7	Herminio Masantonio	1935-1942	21	19	1,11
	José Sanfilippo	1956-1962	21	28	0,75
8	Mario Kempes	1973-1982	20	43	0,47
9	René Pontoni	1942-1947	19	19	1
	Norberto Méndez	1945-1956	19	31	0,61
	José Manuel Moreno	1936-1950	19	34	0,56
10	Domingo Tarasconi	1922-1929	18	24	0,75
	Gonzalo Higuaín	2009-	18	31	0,58
	Orestes Corbatta	1956-1962	18	43	0,41

Adestradores

1. 1924–1925 Angel Vázquez 2. 1927–1928 José Lago Millán 3. 1928–1929 Francisco Olazar 4. 1929–1930 Olazar / Tramutola 5. 1934–1934 Felipe Pascucci 6. 1934–1937 Manuel Seoane 7. 1937–1939 Ángel Fernández Roca 8. 1939–1960 Guillermo Stábile 9. 1960–1961 Victorio Spinetto 10. 1961–1961 José D'Amico

11. 1962–1963 Juan Carlos Lorenzo 12. 1963–1963 Alejandro Galán 13. 1963–1964 Horacio Amable Torres 14. 1964–1968 José María Minella 15. 1968–1968 Renato Cesarini 16. 1968–1969 Humberto Dionisio Maschio 17. 1969–1969 Adolfo Pedernera 18. 1969–1972 Juan José Pizzuti 19. 1972–1974 Enrique Omar Sívori 20. 1974–1974 Cap / Varacka

21. 1974–1983 César Luis Menotti 22. 1983–1990 Carlos Bilardo 23. 1990–1994 Alfio Basile 24. 1994–1998 Daniel Passarella 25. 1998–2004 Marcelo Bielsa 26. 2004–2006 José Pekerman 27. 2006–2008 Alfio Basile 28. 2008-2010 Diego Maradona 29. 2010-2011 Sergio Batista 30. 2011- Alejandro Sabella

Véxase tamén

Outros artigos

• Asociación do Fútbol Arxentino
• Mundial de Fútbol Arxentina 1978
• Mundial de Fútbol México 1986

Ligazóns externas

• Sitio web oficial da Asociación do Fútbol Argentino
• Arquivo de resultados 1901-2002
• Arquivo de resultados dende 1999
• Máximos partidos xogados e goleadores da selección