Frente Popular Galega
| Frente Popular Galega (FPG) | |
|---|---|
| Partido político de Galiza | |
| Líder | Mariano Abalo |
| Fundación | 1987 |
| Ideoloxía | Independentismo galego Socialismo |
| Filiación internacional | Non |
| Mocidades | Adiante |
| Publicación oficial | Espiral |
| Páxina web | frentepopular.gl |
A Frente Popular Galega é unha organización política galega situada ideoloxicamente no socialismo e no independentismo, que traballa pola consecución dunha República Galega[1].
A súa acción política guíase polos principios de: independencia nacional, socialismo, anticolonialismo, democracia popular, anti-imperialismo, solidariedade internacionalista e auto-organización[2].
Índice |
[editar] Historia
Cando en 1986 a UPG acepta a participación do BNG no Parlamento Galego, 13 membros do seu Comité Central, liderados por Mariano Abalo, secretario xeral, e Xan Carballo, secretario xeral da INTG, deixan o partido, constituíndo o Colectivo Comunista 22 de marzo, que o 25 de xullo de 1986 transfórmase no Partido Comunista de Liberación Nacional. A III Asemblea Nacional do BNG expulsa ao PCLN porque pedían o voto para HB nas eleccións europeas.
En 1987 o PCLN e Galiza Ceive-OLN xunto con outras organizacións menores de carácter local como os Colectivos Nacionalistas de Trasancos e Vigo, Grupos Independentistas Galegos de Compostela e o colectivo Iskeiro de Ferrol forman a FPG que celebrou a súa asemblea constituínte en xuño de 1988. A súa presentación pública prodúcese o 10 de marzo de 1988
En xuño de 1989 sufriu a escisión dos sectores nucleados en torno a Galiza Ceive-OLN que apoiaban a loita armada do EGPGC que constitúen a Assembleia do Povo Unido (APU). En 1992, o grupo editor da vella revista Espiral, liderado por Méndez Ferrín, incorpórase á FPG, que en 1994 abandona o seu carácter frontista converténdose en partido.
Nas eleccións ao Parlamento de Galicia de 2001 obtivo 3.176 votos (0'3%), nas eleccións xerais de 2004 tivo 2.257 votos (0'12%) e 1 concelleiro por Cangas nas eleccións municipais de 2003. Nas eleccións autonómicas de 2005 conseguiu 2.982 votos (0'2%).
Nas eleccións municipais de 2007 presentouse en Vigo, onde contou con 549 votos (0,36%) e en coalición con outras forzas de esquerda en Cangas na candidatura da Alternativa Canguesa de Esquerdas que contou con 1890 votos (13,1%) e 3 concelleiros, o que supuxo a entrada no goberno municipal, converténdose o líder da FPG, Mariano Abalo en concelleiro de urbanismo de Cangas.
Nas eleccións nacionais 2009 presentaron a Xosé Luís Méndez Ferrín como candidato a presidente da Xunta[3], mentres que para as eleccións europeas de 2009 integrouse na candidatura Iniciativa Internacionalista – A Solidariedade entre os Pobos, indo doutra volta Xosé Luís Méndez Ferrín no número 6 da mesma[4]. Porén, o Tribunal Supremo, a instancias do goberno do PSOE, ilegalizou esta candidatura por estar, na opinión deles, promovida pola esquerda abertzale (considerada pola xustiza española como "contorno" da banda terrorista ETA)[5]. Tras ser recorrida a sentenza, o Tribunal Constitucional volveu legaliza-la candidatura[6].
[editar] Evolución do voto
Dende as eleccións municipais do 2007preséntase coaligado con Esquerda Unidae co Partido Comunista do Povo Galego, no concello pontevedrésde Cangas do Morrazobaixo a denominación de Alternativa Canguesa de Esquerdas(ACE). Nos resultados que se mostran a continuación súmanse os votos de ACE cos de FPG noutros concellos. Nas eleccións municipais do 2011presentouse por primeira vez no concello pontevedrés de Redondela, obtendo 613 votos e moi preto de conseguir un concelleiro. Nestas eleccións presentouse por segunda vez na cidade de Vigo, mellorando os seus resultados anteriores.
| Eleccións | Votos | % | Deputado(s) |
|---|---|---|---|
| Eleccións ao Parlamento de Galicia 1997 | 3.395 | 0.22 | 0 |
| Eleccións ao Parlamento de Galicia 2001 | 3.176 | 0.21 | 0 |
| Eleccións ao Parlamento de Galicia 2005 | 2.982 | 0.18 | 0 |
| Eleccións ao Parlamento de Galicia 2009 | 2.903 | 0.17 | 0 |
| Eleccións | Votos | % (en Galiza) | Concelleiro(s) |
|---|---|---|---|
| Eleccións Municipais 1999 | 645 | 0.04 | 1 |
| Eleccións Municipais 2003 | 967 | 0.06 | 1 |
| Eleccións Municipais 2007 | 2.434 | 0.14 | 2 |
| Eleccións Municipais 2011.[7] | 2.924 | 0.19 | 2 |
[editar] Notas
- ↑ A FPG pide a unidade da esquerda para acadar a "República galega", nova no diario dixital Galicia Confidencial o 21 de xullo de 2010.
- ↑ A Frente Popular Galega.
- ↑ Méndez Ferrín será o candidato da FPG á presidencia da Xunta, Vieiros, 26 de xaneiro de 2009.
- ↑ Comunicado de prensa: Componentes de la candidatura, iniciativainternacionalista.org (en castelán).
- ↑ O Supremo anula a lista de Méndez Ferrín, A Nosa Terra.
- ↑ Auto íntegro do Tribunal Constitucional, PDF, en castelán.
- ↑ http://resultados.elpais.com/elecciones/2011/municipales/11/index.html
