Partido Socialista Galego-Esquerda Galega

Na Galipedia, a Wikipedia en galego.
Partido Socialista Galego-Esquerda Galega (PSG-EG)
Partido político de Galiza
Líder Camilo Nogueira
Fundación 1984
Disolución 1996
Ideoloxía Socialismo
Federalismo
Nacionalismo galego
Socialdemocracia

O Partido Socialista Galego-Esquerda Galega (PSG-EG) foi un partido nacionalista galego de esquerdas.

Traxectoria[editar | editar a fonte]

Celebrou o seu Congreso Constituínte o 24 de xuño de 1984 da fusión de Esquerda Galega e o Partido Socialista Galego, logo dun período de conversas que durou un ano. O seu principal dirixente foi Camilo Nogueira.

En 1993 formou con sectores galeguista de centro unha nova Unidade Galega, e nas eleccións xerais e autonómicas de 1993 concorreu na coalición UG-EU, diante o fracaso electoral unha parte da organización confluíu con EU formando Esquerda Unida-Esquerda Galega e a outra integrouse no BNG como Unidade Galega.

En 1993 tiña 1.130 militantes en 67 agrupacións locais, a máis numerosa era a de Vigo con 160 militantes.