Unidade Galega (coalición)
- Para o partido político formado en 1991, vexa Unidade Galega (partido)
| Unidade Galega (UG) | |
|---|---|
| Coalición do PSG, Partido Galeguista e o Partido Obreiro Galego (Galiza) | |
| Líder | Francisco Fernández del Riego, Camilo Nogueira e Avelino Pousa Antelo |
| Fundación | 1978 |
| Disolución | 1980 |
| Ideoloxía | Nacionalismo galego Socialismo Federalismo |
Unidade Galega (UG), foi unha coalición formada polo Partido Obreiro Galego, o Partido Socialista Galego e o Partido Galeguista en 1979.
A fin da coalición era a defensa dunha autonomía semellante á de Cataluña e o País Vasco e a consecución dun grupo nacionalista no Congreso dos Deputados para negociar o Estatuto de Autonomía de Galicia de 1981. Aínda que nas eleccións xerais de 1979 obtivo 58.391 votos (5'35 %) non conseguiu representación parlamentaria. Nas eleccións municipais de 1979 tivo 68.759 votos (6'35 %) e conseguiu 141 concelleiros e a alcaldía da Coruña para Domingos Merino.
As diferenzas no seo da Unidade Galega sobre a estratexia a seguir no proceso autonómico e a diferente postura dos partidos integrantes sobre a conveniencia de entrar na Comisión dos 16 (encargada de elaborar o proxecto de Estatuto) levaron á desaparición da coalición a finais de 1980.
