Barro

Barro
Localización
	42°31′30″N 8°38′50″O / 42.525, -8.6472222222222Coordenadas: 42°31′30″N 8°38′50″O / 42.525, -8.6472222222222
Estado	España
Comunidade autónoma	Galicia
Provincia	Provincia de Pontevedra
Capital	Santo Antoniño
Poboación
Poboación	3.651 (2023) (96,84 hab./km²)
Xeografía
Parte de	Mancomunidade Terras de Pontevedra ; Comarca de Pontevedra
Superficie	37,7 km²
Comparte fronteira con	Pontevedra ; Moraña ; Campo Lameiro ; Portas ; Poio ; Meis
Organización política
• Alcalde	Xosé Manuel Fernández Abraldes
	Eleccións municipais en Barro
Identificador descritivo
Código postal	36194
Fuso horario	UTC+02:00; UTC+01:00
Código INE	36002
Páxina web	barro.es

Para outras páxinas con títulos homónimos véxase: Barro (homónimos).

Barro é un concello da provincia de Pontevedra, pertencente á comarca de Pontevedra. Segundo o IGE no ano 2016 tiña 3.746 habitantes (1.862 homes e 1.884 mulleres), o que representa un aumento respecto a 2005, cando contaba con 3.408 habitantes. O seu xentilicio (véxase no Galizionario) é barrés ou barroso.^[1]

Demografía[edit | edit source]

Censo total ²⁰¹⁵	3.726 habitantes
Menores de 15 anos	511 (13.71 %)
Entre 15 e 64 anos	2.378 (63.82 %)
Maiores de 65 anos	837 (22.46 %)

Evolución da poboación de Barro Fontes: INE e IGE.

1900

1930

1950

1981

2004

2009

2011

2012

2013

2014

2015

2016

2017

2018

2019

2020

2021

2022

2023

5.267

5.245

6.442

4.975

3.380

3.583

3.668

(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía[edit | edit source]

Os seus límites son, polo sur, os municipios de Poio e Pontevedra, polo leste, o de Moraña; ao norte, o de Portas e, polo oeste, Meis.

Historia[edit | edit source]

Os primeiros restos humanos datan da cultura castrexa, atopados no castro Bandufe e Monte da Chan(Agudelo). Coa romanización a zona comezou a cobrar importancia, ao estar atravesada de norte a sur pola vía XIX (Aquis celenis) do itinerario de Antonino. Dita vía é paralela ou similar á vía portuguesa do camiño de Santiago e á estrada N-550.

Segundo o censo de Floridablanca, durante o antigo réxime as parroquias do actual concello de Barro pertencían á xurisdición de Peñaflor, na provincia de Santiago. Trala constitución española de 1812 e a demarcación dos concellos, Barro pertenceu ao municipio de Trasumia e ao partido xudicial de Caldas de Reis. En 1822, cando Galiza pasou a ter 4 provincias, seguiu existindo o concello de Trasumia. Foi suprimido polo Decreto de Fernando VII do 1 de outubro de 1823, que retomaba a organización do Antigo Réxime.
O 23 de xullo de 1835 dispúxose por real Decreto a formación de novos concellos. O 23 de agosto de 1835 propúxose a creación do concello de Barro, con sete parroquias e 2.459 habitantes. Unha vez constituída a Deputación de Pontevedra, o 22 de xuño de 1836 propuxo que o concello de Barro tivese seis parroquias, pasando a de Romai ao concello de Portas. O concello quedou finalmente constituído no Boletín Oficial da Provincia do 3 de decembro de 1836.

A capital do concello estivo en Porráns até 1900, cando pasou a Santo Antoniño.

Patrimonio histórico-artístico[edit | edit source]

Petróglifos do monte Bazar, en Portela. Son tres conxuntos, denominados de Castro Loureiro, de Outeiro de Codeso e do Outeiro da Pedra Mirtada.
Castros de Barro e de Randulfe.
Vía romana XIX, Aquis Celenis.
Igrexa románica de San Martiño de Agudelo, da segunda metade do século XII, moi modificada posteriormente.
Igrexa de Santa María de Curro, de comezos do XVI en estilo oxival tardío.

Tamén existen pazos (como o da Crega, en Santo Antoniño, Perdecanai), cruceiros e muíños.

O Camiño Portugués cruza o concello de sur a norte, en paralelo á estrada N-550. Na parroquia de Portela existe un albergue de peregrinos adaptado sobre unha vella escola.

Neste concello ten a súa sede a Banda de música Xuvenil de Barro, formada no ano 1992.

A festa do patrón do concello, San Martiño, celébrase o 11 de novembro. O primeiro domingo de outubro celébrase a romaría de San Breixo, avogoso contra a reuma. O terceiro domingo de xuño celébrase a festa do viño de Barro, fundada a finais da década de 1970.

Patrimonio natural[edit | edit source]

Destaca o Parque da Natureza do Río Barosa, unha carballeira en desnivel pola que baixa a fervenza que forma o río Barosa, que se aproveitaba antigamente mediante dezasete muíños, algúns deles rehabilitados. O espazo tamén está axeitado para as visitas como zona de lecer.

Galería de imaxes[edit | edit source]

Artigo principal: Galería de imaxes de Barro.

Capela de San Antoniño
Fervenza e muíños no río Barosa
Muíños de auga
Fervenza e muíños no río Barosa

Parroquias[edit | edit source]

Galicia \| Provincia de Pontevedra \| Parroquias de Barro
Agudelo (San Martiño) \| Barro (San Breixo) \| Curro (Santa María) \| Perdecanai (Santa María) \| Portela (San Mamede) \| Valiñas (Santo André)

Lugares de Barro[edit | edit source]

Para unha lista completa de todos os lugares do concello de Barro vexa: Lugares de Barro.

Notas[edit | edit source]

↑ Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 42. ISBN 978-84-8158-706-7.

Véxase tamén[edit | edit source]

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 42. ISBN 978-84-8158-706-7.

[1]