Mondariz Balneario

Para outras páxinas con títulos homónimos véxase: Mondariz Balneario.

Mondariz Balneario
Nome oficial Mondariz Balneario (gl) dende 2026  Mondariz-Balneario (gl) dende 1924 ata 2026
Instancia de concello de Galicia  Parte de comarca do Condado  Lista do elemento eleccións municipais en Mondariz Balneario
Implicados  Xefe do goberno Cargo: alcalde de Mondariz Balneario César Gil Bernárdez
Localización  Situado en  provincia de Pontevedra, Galicia, España  Capital Mondariz Balneario  Comparte fronteira con Ponteareas Mondariz  OpenStreetMap  Coordenadas 42°13′11″N 8°28′17″O
Cifras e dimensións  Poboación 659 (2001) rexistro civil 658 (2002) rexistro civil 704 (2004) rexistro civil 719 (2005) rexistro civil 740 (2006) rexistro civil 755 (2007) rexistro civil 736 (2008) rexistro civil 726 (2009) rexistro civil 734 (2010) rexistro civil 730 (2011) rexistro civil 690 (2012) rexistro civil 656 (2013) rexistro civil 682 (2014) rexistro civil 652 (2015) rexistro civil 614 (2016) rexistro civil 627 (2017) rexistro civil 618 (2018) rexistro civil 644 (2019) rexistro civil 637 (2020) rexistro civil 675 (2021) rexistro civil 680 (2022) rexistro civil 703 (2023) rexistro civil 711 (2024) rexistro civil 742 (2025) rexistro civil  Poboación feminina    317 (2019)  Poboación masculina    327 (2019)  Superficie    2,4 km²  Altitude    758 m
Códigos e identificadores Código postal 36890 Código INE 36031 OpenStreetMap 341737 Freebase /m/09k5c6
Fontes e ligazóns  Páxina WEB mondarizbalneario.gal
Wikidata G:Commons C:Commons

Mondariz Balneario é un concello da provincia de Pontevedra, pertencente á comarca do Condado. Segundo o INE en 2021 tiña 675 habitantes. Cunha superficie de 2,3 km² é o concello máis pequeno de Galicia. O seu xentilicio (véxase no Galizionario) é mondaricense ou troncosiño,-a.

Poboación

Censo total en 2014	682 habitantes
Menores de 15 anos	86 (12.61 %)
Entre 15 e 64 anos	436 (63.93 %)
Maiores de 65 anos	160 (23.46 %)

Historia

No termo municipal hai restos dun poboado castrexo no Coto de Cividade. Da época da romanización consérvanse os restos dunha calzada sobre o río Tea.

O concello está situado preto do castelo de Sobroso, polo que a fonte de Gándara adoitaba recibir a visita da nobreza. Segundo a tradición, en 1282 casaron na capela de San Pedro o rei Dinis de Portugal e a infanta Sabela de Portugal.^{[Cómpre referencia]}

Durante o Antigo Réxime esta zona pertencía á provincia de Tui, unha das sete do Reino de Galiza. Trala reforma administrativa, o 30 de novembro de 1833 a xurisdición de Sobroso pasou a ser dependente da provincia de Pontevedra. O lugar pertencía aínda á parroquia de Mondariz, até que en 1904 se creou a parroquia de Troncoso.

A comezos do século XX o empresario Enrique Peinador promoveu a recuperación da fonte de Gándara e a creación do balneario, que axiña se converteu nun centro de hospedaxe frecuentado pola burguesía.

Após se constituír como entidade local menor, o 30 de novembro de 1924, co nome da Nosa Señora de Lourdes, a parroquia pasou a formar un concello independente, facendo referencia o seu nome ao balneario de augas medicinais. O 17 de abril de 1925 o rei Afonso XIII concedeulle á vila o título de "Moi Hospitalaria".

Galería de imaxes

Artigo principal: Galería de imaxes de Mondariz Balneario.

• 
  Igrexa parroquial.
• 
  Balneario de Mondariz.
• 
  Mondariz Balneario dende o Castelo de Sobroso.
• 
  Capela de San Pedro.

Lugares de Mondariz Balneario

Para unha lista completa de todos os lugares do concello de Mondariz Balneario vexa: Lugares de Mondariz Balneario.

Véxase tamén

Bibliografía

• Díaz Martínez, C., Álvarez Limeses, G. e Bragado, M. (2003): A memoria de Mondariz Balneario. Álbum de Postais. Vigo, Edicións Xerais de Galicia. ISBN 978-84-9782-023-3
• Mondariz, publicación periódica, desde 1915.

Outros artigos

• Balneario de Mondariz
• Campo de Golf Balneario de Mondariz

Ligazóns externas

• balneariomondariz.es (en castelán).