Lata (instrumento)

Na Galipedia, a Wikipedia en galego.
Saltar ata a navegación Saltar á procura

A lata non é mais que o uso das latas de carburo ou pemento empregadas como instrumento idiófono de percusión. A súa incorporación a música tradicional galega é relativamente recente.[1]

Para tocar emprégase unha lata valeira e sen tapa, de xeito que todo o instrumento funciona como unha caixa de resonancia. A lata colocase no colo, apoiado nas pernas, e golpéase cós dedos relaxados, na parte frontal, de xeito similar ao pandeiro. O seu son é grave e de bastante intensidade, polo que non é común que se toquen moitas a un tempo. No caso de acompañar levando só a parte forte do ritmo golpéase na parte lateral con toda a man, producindo un son de menor intensidade. Tamén pode reducirse o volume do seu son introducindo na lata algún obxecto que reste volume a caixa de resonancia natural da lata. Tócase moitas veces en cantos acompañada de pandeiretas.

Inicialmente usábanse as latas nas que viña o carburo co que se alimentaban as lámpadas antigamente (tamén chamadas latas de gas). Coa aparición de novos sistemas de iluminación pasaron a usarse as latas de pemento, que se usaba para a preparación de chourizos e outros alimentos.

Notas[editar | editar a fonte]

  1. Albán Laxe, Calixto (2003). O saber do pobo. Enciclopedia do traxe, danza e música tradicionais. Vigo. Edicións Xerais de Galicia. ISBN 84-8302-235-4. 

Véxase tamén[editar | editar a fonte]

Ligazóns externas[editar | editar a fonte]