José Luis Sanmartín Mato

Joselu
Joselu co Real Madrid en 2011
Información persoal
Nome	José Luís Sanmartín Mato
Nacemento	27 de marzo de 1990 (32 anos)
Lugar de nacemento	Stuttgart
Altura	1,91 m.
Posición	Dianteiro
Información de club
Club actual	Alavés
Número	9
Carreira xuvenil
1999–2002	Silleda
2002–2008	Celta de Vigo
Carreira sénior
Anos	Equipos	Aprs	(Gls)
2008–2009	Celta B	21	(3)
2009	Celta de Vigo	2	(0)
2009–2012	Real Madrid B	72	(40)
2009–2010	→ Celta (cedido)	24	(4)
2011	Real Madrid	1	(1)
2012–2014	Hoffenheim	25	(5)
2013–2014	→ Eintracht Frankfurt (cedido)	24	(9)
2014–2015	Hannover 96	30	(8)
2015–	Stoke City	22	(4)
2016–2017	→ Deportivo (cedido)	20	(5)
2017–2019	Newcastle United	46	(6)
2019–	Alavés	92	(32)
Selección nacional
2008–2009	España sub-19	11	(3)
2009	España sub-20	1	(0)
2009–2010	España sub-21	4	(1)
2016–	Galicia	1	(0)
Na rede
Partidos e goles só en liga doméstica. Club: actualizado a 2 de xaneiro de 2022. [ editar datos en Wikidata ]

José Luis Sanmartín Mato, coñecido como Joselu, nado en Stuttgart (Alemaña) o 27 de marzo de 1990, é un futbolista galego. Xoga de dianteiro e o seu equipo actual é o Deportivo Alavés, da Primeira División.

Traxectoria

Xogou os seus primeiros partidos profesionais durante a tempada 2008–09 co Celta de Vigo, na Segunda División. Durante esa campaña, Joselu combinou partidos co primeiro equipo e co filial.

O 31 de agosto de 2009 o Real Madrid fíxose coa fichaxe desta xove promesa por 1,5 millóns de euros, pero decidiu deixarlle cedido durante un ano no Celta de Vigo. Tras unha tempada na que só consiguiu anotar 4 goles en 24 encontros, volveu a Madrid para xogar no filial do equipo branco, o Real Madrid Castilla.

Na tempada 2010–11, Joselu xogou co filial branco, o Real Madrid Castilla, sendo o máximo goleador do equipo con 15 goles xunto a Álvaro Morata. Debutou co primeiro equipo o 21 de maio de 2011 ante o UD Almería, entrando no minuto 85 polo dianteiro Karim Benzema e marcando o oitavo gol do cadro merengue apenas un par de minutos despois. O 20 de decembro de 2011 Joselu disputou o seu segundo partido oficial co Real Madrid na Copa do Rei contra a SD Ponferradina. O ex do Celta, que levaba o dorsal 29, entrou no campo no minuto 76 de xogo en substitución novamente de Benzema e marcou o cuarto gol do seu equipo a pase de José Callejón. Finalmente os brancos gañaron o partido (5–1).

Deportivo

O 31 de agosto de 2016 firmou polo Deportivo da Coruña, cedido por unha temporada polo Stoke City F.C. O día do seu debut como branquiazul sufriu unha escordadura de xeonllo logo dunha dura entrada do xogador do Athletic Club Raúl García, que o manterá de baixa entre 6 e 8 semanas.

Véxase tamén

Ligazóns externas

• Conta de Twitter do xogador
• Datos do xogador en bdfutbol.com (en castelán)
• Joselu, canteirán do Celta que queren FC Barcelona e Real Madrid (en castelán)