Juan Domínguez

Juan Domínguez
Juan Domínguez xogando para o Deportivo
Información persoal
Nome	Juan Domínguez Lamas
Nacemento	8 de xaneiro de 1990 (31 anos)
Lugar de nacemento	Pontedeume
Altura	1,81 m.
Posición	Mediocentro
Información de club
Club actual	PAS Giannina
Número	10
Carreira xuvenil
2001–2004	Narón
2004–2008	Deportivo da Coruña
Carreira sénior
Anos	Equipos	Aprs	(Gls)
2008–2010	Deportivo B	31	(3)
2009–2017	Deportivo da Coruña	158	(10)
2016–2017	→ Mallorca (cedido)	30	(1)
2017–2019	Reus	50	(3)
2019–2020	Sturm Graz	40	(4)
2020–	PAS Giannina	9	(0)
Selección nacional
2016	Galicia	1	(0)
Partidos e goles só en liga doméstica. Club: actualizado a 29 de novembro de 2020 Selección: actualizado a 9 de xullo de 2017[ editar datos en Wikidata ]

Juan Domínguez Lamas, nado en Pontedeume o 8 de xaneiro de 1990, é un futbolista galego. Xoga de mediocentro e o seu equipo actual é o PAS Giannina grego.

Traxectoria

Tivo o seu primeiro contacto co fútbol aos seis anos no equipo de fútbol sala de Narón O Freixo. En 1999 pasou a formar parte do Narón Balompé Piñeiros, participando en competicións de fútbol sala e fútbol-7. Foi convocado para formar parte da selección benxamín galega de fútbol sala na que coincidiu co barcelonista Thiago Alcántara, e coa que se proclamou campión de España. No 2001 pasou a xogar nos equipos de fútbol-11 do Narón Balompé ata que no 2004 fichou polo Deportivo da Coruña á idade de 14 anos.

Continuou a súa formación nas categorías inferiores do Deportivo, xogando na posición de mediocentro. Iniciou a súa andaina no Deportivo na categoría cadete, pasando logo aos xuvenís. Nesta etapa foi convocado coa selección galega sub-15 e a selección española sub-16. Na tempada 2006/2007 foi chamado por Joaquín Caparrós para facer a pretempada co primeiro equipo.

Comezou a xogar no segundo equipo do Deportivo, o Fabril, na tempada 2007/08, permanecendo nel tres tempadas. Na última tempada no Fabril xa foi convocado por Miguel Ángel Lotina co primeiro equipo. O seu debut en Primeira produciuse o 13 de decembro de 2009 no Estadio de los Juegos Mediterráneos de Almería, nun partido contra o Almería (1-1). Asinou o seu primeiro contrato profesional o 16 de abril de 2010. O 15 de decembro de 2011, asinou a ampliación do seu contrato co Deportivo da Coruña ata xuño do 2015.

O 22 de agosto de 2017 anunciou en rolda de prensa a súa rescisión de contrato co Deportivo, logo de 13 anos como xogador nas distintas categorías da entidade. Un día despois anunciouse a súa fichaxe polo CF Reus de Segunda División, cun contrato por tres temporadas.

Selección galega

Foi convocado pola selección galega para o partido contra Venezuela disputado no estadio de Riazor o 20 de maio de 2016, que finalizou con empate (1–1).

Estatísticas

Actualizado a 12 de xaneiro de 2016.

Club	Tempada	Liga		Copa do Rei		Comp. Europea		Total
		Part.	Goles	Part.	Goles	Part.	Goles	Part.	Goles
Deportivo da Coruña	2015–16	5	0	4	1	–	–	9	1
	2014–15	22	1	2	0	–	–	24	1
	2013–14	39	4	0	0	–	–	39	4
	2012–13	24	1	2	0	–	–	26	1
	2011–12	35	4	2	1	–	–	37	5
	2010–11	20	0	1	0	–	–	21	0
	2009–10	13	0	2	0	–	–	15	0
Deportivo B	2009–10	9	2	–	–	–	–	9	2
	2008–09	18	1	–	–	–	–	18	1
	2007–08	4	0	–	–	–	–	4	0

Palmarés

Deportivo

• Segunda División: 2011–12

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en Soccerway (en castelán)
• Ficha de Juan Domínguez (en castelán)