Chía (deusa)

Na Galipedia, a Wikipedia en galego.
Chía
Deusa da Lúa.
Membro da Relixión muisca
Estatua da deusa Chía, en Chía.jpg
Estatua da deusa Chía en Chía.
Centro de cultoTemplo da Lúa, Chía
PlanetaLúa
XéneroFeminino
RexiónAltiplano Cundiboyacense
Flag of Colombia.svg Colombia
Grupo étnicoPobo muisca
Información persoal
ConsorteSué (Sol)
Equivalentes
Equivalente gregoSelene

Chía ou Chíe é a deidade muisca da Lúa, considerada a esposa de Sué (o Sol). Era o símbolo dos praceres, sendo a protectora da diversión, os bailes e as artes, representándoa con forma de muller. Noutra variante da mitoloxía da zona, Bachué, nai do pobo chibcha, foi convertida en Lúa para acompañar a Sué.[1][2]

Tanto o deus sol "Sué" como a deusa da Lúa "Chía", estaban relacionados cos gobernantes muiscas. O deus do sol estaba relacionado cos zaques do norte e o seu Templo de Sogamoso; mentres que a familia do zipa que gobernou o territorio que abrangue o que hoxe é Bogotá, estaba relacionada coa deusa da Lúa e o seu Templo de Chía. Segundo Juan de Castellanos: "os muiscas concibían o Sol e a Lúa como esposos, e pais da xente".[1]

Os "chyquys", ou sacerdotes do calendario sagrado, foron os encargados das cerimonias adicadas á deusa, que incluían ofrendas de ouro e utensilios de cerámica. [3]

A deusa Chía nas rúas da localidade de Chía.

Notas[editar | editar a fonte]

  1. 1,0 1,1 "Chía (mitología)". pueblosoriginarios.com/sur/caribe/muisca/chia (en castelán). Consultado o 14 de xaneiro de 2016. 
  2. "Cuanto conoces de Chía" (en castelán). Consultado o 14 de xaneiro de 2016. 
  3. "Dioses indígenas, Chía" (en castelán). Consultado o 14 de xaneiro de 2016. 

Véxase tamén[editar | editar a fonte]

Outros artigos[editar | editar a fonte]