Arnuero

Na Galipedia, a Wikipedia en galego.

Coordenadas: 43°28′23″N 03°33′47″O / 43.47306, -3.56306

Arnuero
Arnuero Spain.svg
Localización
Arnuero (Cantabria) Mapa.svg
País España
Comunidade Autónoma Cantabria
Comarca Trasmiera
Xeografía
Altitude 24 msnm
Superficie 24,66 km²
Demografía
Poboación 2.117 hab. (2010)
Densidade 85,85 hab./km²
Outros datos
Código postal 39195
Alcalde José Manuel Igual Ortiz (PP) (2007)
www.ayuntamientodearnuero.com

Arnuero é un concello costeiro da comunidade autónoma de Cantabria, que forma parte da histórica comarca de Trasmiera. Limita polo norte co mar Cantábrico, polo leste con Noja e Argoños, polo sur con Meruelo e Escalante, e polo oeste con Bareyo.

Localidades[editar | editar a fonte]

Arnuero é tamén localidade do municipio, e contaba no 2008 con 495 habitantes (INE). A localidade está situada a 43 quilómetros de Santander. En Arnuero atopamos a igrexa da Asunción, que posúe un retablo renacentista, e que foi declarada ben de interese cultural no ano 1993.

Economía[editar | editar a fonte]

Até non hai moito tempo, a súa base económica era a gandaría e a agricultura. Actualmente, a economía foise decantando polo turismo. Un 8,7 % da poboación do concello emprégase no sector primario, un 15,5 % na construción, un 20,9 % na industria e un 54,9 % no sector servizos.

Patrimonio[editar | editar a fonte]

Ten catro praias e é un lugar turístico importante da rexión. Ten como atractivo os seus areais, a súa gastronomía (baseada en produtos hortícolas cultivados nas súas terras) e os seus peixes e mariscos.

Dentro do seu patrimonio, destacan varios bens de interese cultural con categoría de monumento:

  • En Isla atópase o Palacio dos Condes de Isla-Fernández, a Torre de Cabrahigo, a Torre medieval e a Igrexa de San Xulián e Santa Basilisa.
  • En Castillo Siete Villas vemos a Torre de Venero.
  • Na capital municipal encontramos a igrexa da Nosa Señora da Asunción, do século XVI, que provén dun mosteiro medieval fundado polos visigodos arredor do ano 650; e o muíño de Castellanos.

Ademais, están protexidos Casco Histórico de Isla como lugar ou ruta cultural, e o Hospital de Peregrinos, tamén de Isla, que é ben inventariado.

Demografía[editar | editar a fonte]

Evolución demográfica
1900 1910 1920 1930 1940 1950 1960 1970 1980 1990 2000 2005
1.565 1.664 2.007 1.974 2.117 2.103 2.151 1.937 1.802 1.848 1.783 1.956

Fonte: INE

Administración[editar | editar a fonte]

Debido ao aumento demográfico, no 2007 a corporación municipal pasou de ter 9 edís a ter 11. Nas seguintes táboas móstranse os resultados das eleccións municipais celebradas en 2003 e 2007.

Eleccións municipais, 25 de maio de 2003
Partido Votos % Concelleiros
PP 988 71,65 % 7
PSOE 198 14,36 % 1
PRC 165 11,97 % 1
  • Alcalde electo: José Manuel Igual Ortiz (PP).
Eleccións municipais, 27 de maio de 2007
Partido Votos % Concelleiros
PP 963 64,11 % 8
PRC 224 14,91 % 2
PSOE 187 12,45 % 1
  • Alcalde electo: José Manuel Igual Ortiz (PP).

Personaxes ilustres[editar | editar a fonte]

Festas[editar | editar a fonte]

  • "La Cruz del Cincho": Consiste na colocación cada 50 anos dunha cruz sobre o cumio do Cincho. Esta tradición remóntase ao ano 1763 e a última vez que se celebrou foi no 2000.
  • Semana Santa: No pobo de Soano é tradición facer celebracións dende o venres Santo até o luns de Pascua.
  • San Isidro, o 15 de maio
  • Día da Rexión, primeiro domingo do mes de xuño, dedicada ao folclore de Cantabria.
  • San Pedro, o 29 de xuño, en Castillo Siete Villas.

Véxase tamén[editar | editar a fonte]