Val de San Vicente

Val de San Vicente

Localización
43°22′39″N 4°29′01″O
Estado	España
Comunidade autónoma	Cantabria
Capital	Pesués
Poboación
Poboación	2.775 (2025) (54,52 hab./km²)
Xeografía
Parte de	Mancomunidade dos Valles de San Vicente Q107553144 Mancomunidade Saja-Nansa
Superficie	50,9 km²
Bañado por	Mar Cantábrico
Altitude	50 m
Comparte fronteira con	San Vicente de la Barquera El Valle Baju de Peñamellera Herrerías Ribadeva
Organización política
• Alcalde	Roberto Escobedo Quintana (en)
Identificador descritivo
Código postal	39...
Fuso horario	UTC+01:00
Código INE	39095
Sitio web	aytovaldesanvicente.es

Val de San Vicente é un concello da comunidade autónoma de Cantabria, España. Limita polo norte co Mar Cantábrico, polo oeste co concello asturiano de Ribadedeva, polo sur con Herrerías e polo leste con San Vicente de la Barquera.

Val de San Vicente é o municipio máis occidental da costa cántabra e está situado na desembocadura dos ríos Deva e Nansa, que achegan as súas augas ao mar nas rías de Tina Mayor e Tina Menor respectivamente.

A súa actividade económica principal é o turismo. Tamén a industria alimentaria fíxose un oco na economía de Val de San Vicente coas corbatas como principal produto, típico da zona.

O territorio está atravesado pola Autovía do Cantábrico e pola liña de ferrocarril de FEVE Santander-Oviedo. De Unquera parte a principal estrada que comunica a comarca de Liébana coa costa e o resto de Cantabria.

Durante o Antigo Réxime este municipio pertencía como señorío aos Marqueses de Aguilar de Campoo.

Localidades

Os seus 2.670 habitantes (INE, 2006) distribúense por:

• Abanillas, 81 hab.
• Estrada, 22 hab.
• Helgueras, 74 hab.
• Luey, 179 hab.
• Molleda, 187 hab.
• Muñorrodero, 95 hab.
• Pechón, 215 hab.
• Pesués (capital), 376 hab.
• Portillo, 78 hab.
• Prellezo, 212 hab.
• Prío, 85 hab.
• San Pedro de las Baheras, 63 hab.
• Serdio, 184 hab.
• Unquera, 819 hab.

Demografía

Evolución demográfica

1900	1910	1920	1930	1940	1950	1960	1970	1980	1990	2000	2006
2.570	2.749	2.575	2.641	2.892	3.026	3.081	2.777	2.408	2.621	2.560	2.670

Fonte: INE

Administración

Eleccións municipais, 25 de maio de 2003 Partido Votos % Concelleiros PSOE 1001 54,91 % 6 PP 449 24,63 % 3 PRC 308 16,90 % 2 Alcalde electo: Miguel Ángel González Vega (PSC-PSOE).

Eleccións municipais, 27 de maio de 2007 Partido Votos % Concelleiros PSOE 1095 59,71 % 8 PP 397 21,65 % 2 PRC 180 9,81 % 1 Alcalde electo: Miguel Ángel González Vega (PSC-PSOE).

Patrimonio

Existen no municipio os seguintes bens de interese cultural:

• Torre de Estrada, en Estrada, monumento.
• Cova de La Fuente del Salín, en Muñorrodero, zona arqueolóxica.
• Castro de Castillo, en Prellezo, zona arqueolóxica.
• Ruta Lebaniega, que liga o Camiño de Santiago da costa co Camiño Francés – afectando, á parte deste municipio, aos de San Vicente de la Barquera, Herrerías, Lamasón, Cillorigo de Liébana, Potes, Cabezón de Liébana, Camaleño e Vega de Liébana.

Hai, ademais, un Ben de interese local, as Ruínas da antiga igrexa medieval do cemiterio de Portillo.

Concello irmán

• Mios Francia