Ampuero

Ampuero

Localización
43°20′41″N 3°24′52″O
Estado	España
Comunidade autónoma	Cantabria
Capital	Ampuero (en)
Poboación
Poboación	4.471 (2024) (138,25 hab./km²)
Xeografía
Parte de	Mancomunidade de Concellos Sustentables de Cantabria Q107553141 Mancomunidade de Concellos do Alto Asón
Superficie	32,34 km²
Altitude	11 m
Comparte fronteira con	Limpias Rasines Ruesga Guriezo Liendo Voto
Organización política
• Alcalde	Víctor Gutiérrez (pt)
Identificador descritivo
Código postal	39840
Fuso horario	UTC+01:00
Código INE	39002
Sitio web	ayuntamientodeampuero.es

Ampuero é un concello da comunidade autónoma de Cantabria (España). Limita cos municipios de Limpias, Liendo, Voto, Guriezo e Rasines.

A súa localización no centro da comarca de Asón-Agüera estableceuna de cabeceira comarcal, posuíndo importantes servizos e un polígono industrial nas súas proximidades. Este municipio ten varios atractivos como son a pesca de troita e salmón e a respectiva gastronomía, como tamén a festa da Virxe Nena, declarada de interese turístico rexional cos populares encerros taurinos. Ten unha superficie de 32,3 km², e está a unha distancia de 55 quilómetros de Santander, a capital cántabra.

Localidades

• Ahedo.
• Alisas.
• Ampuero (Capital).

Casa consistorial de Ampuero.

• La Aparecida.
• La Bárcena.
• Bernales.
• Bulco.
• El Camino.
• Cerbiago.
• Coterillo.
• Las Entradas.
• Las Garmillas.

Vista aérea de Ampuero.

• Hoz de Marrón.
• Marrón.
• El Perujo.
• Pieragullano.
• Rascón.
• Regada.
• Rocillo.
• Santisteban.
• Solamaza.
• Tabernilla.
• Udalla.
• Vear de Udalla.

Núcleo de poboación

Ampuero é á súa vez a capital do municipio. Localízase a 11 metros sobre o nivel do mar. No 2006 contaba cunha poboación de 1.946 habitantes (INE).

Da capital destaca a igrexa de Santa María (século XVI-XVII), que foi declarada Ben de Interese Local no 2002.

Atópase nas beiras do río Ason.

Demografía

No 2008, Ampuero contaba cunha poboación de 4.052 habitantes (INE) repartidos en 24 núcleos de poboación.

Evolución demográfica

1900	1910	1920	1930	1940	1950	1960	1970	1980	1990	2000	2005
3.006	3.624	3.547	3.846	4.159	4.117	3.581	3.382	3.162	3.404	3.491	3.682

Fonte: INE

Economía

O 7,7 % da poboación de Ampuero emprégase no sector primario, o 16,6 % na construción, o 31,7 % na industria e o 44 % no sector servizos.

Patrimonio

Neste municipio destacan os seguintes bens de interese cultural:

• A igrexa parroquial de Santa Mariña, en Udalla, con categoría de Monumento. Trátase dunha igrexa gótica dos séculos XIV e XV con dúas ábsidas semicirculares e dúas naves paralelas.
• A casona de Espina coa torre e a portalada, con categoría de Monumento. Está no barrio La Bárcena, de planta cadrada.
• O Santuario da Ben Aparecida, en Hoz de Marrón, con categoría de conxunto histórico, segundo declaración do ano 1983. Atópase nun monte e é a patroa da comunidade autónoma de Cantabria.

Ademais, hai un ben de interese local, que é a igrexa parroquial de Santa María, e dous bens inventariados: a ferrería preindustrial ou ferrería xunto ao río Vallino e o muíño-ferrería en Entrambosríos.

Por último, pode sinalarse a típica arquitectura popular serrana con casas con balconadas e miradoiros e rúas estreitas.

Administración

María de las Nieves Abascal Gómez (PSC-PSOE) é a actual alcaldesa do municipio. Nestas táboas móstranse os resultados das eleccións municipais celebradas no 2003 e no 2007.

Eleccións municipais, 25 de maio de 2003 Partido Votos % Concelleiros PSOE 1095 42,39 % 5 PP 933 36,12 % 5 IU 185 7,16 % 1 Alcaldesa electa: María de las Nieves Abascal Gómez (PSC-PSOE).

Eleccións municipais, 27 de maio de 2007 Partido Votos % Concelleiros PSOE 891 33,93 % 4 PP 809 30,81 % 4 PRC 474 18,05 % 2 IDA 260 9,90 % 1 Alcaldesa electa: María de las Nieves Abascal Gómez (PSC-PSOE).

Festas

• Durante a última noite do mes de febreiro, celébranse As Marzas. Esta festa conmemora a chegada da primavera.
• 29 de xuño, San Pedro (Hoz de Marrón).
• 18 de xullo, Santa Mariña (Udalla).
• 25 de xullo, Santiago (La Bárcena).
• 26 de xullo, Santa Ana (Marrón).
• 1 de agosto, San Pedruco (Rascón).
• 7 de agosto, San Mamés (Cerbiago).
• 16 de agosto, San Roque (Udalla).
• 22 de agosto, Virxe do Mar (Marrón).
• 8 de setembro, A Virxe Nena: Popular festa do municipio pola realización dos seus encerros de touros. A cerimonia celébrase na capital municipal Ampuero, e foi declarada Festa de Interese Turístico Rexional en 1993.
• 13 de decembro, Santa Lucía (Bernales).

Cidades irmandadas

• Eauze, Francia

Véxase tamén

Ligazóns externas

• Sitio web do concello Arquivado 21 de abril de 2012 en Wayback Machine. (en castelán)