San Felices de Buelna

San Felices de Buelna
Situación xeográfica
País	España
Comunidade Autónoma	Cantabria
Comarca	Besaya
Xeografía
Altitude	78 msnm
Superficie	36,24 km²
Poboación
Poboación	2.314 hab. (2007)
Densidade	63,85 hab./km²
Información
Código postal	39409
Alcalde	José González-Linares Gutiérrez (PRC) (2007)
Páxina web

San Felices de Buelna é un concello da comunidade autónoma de Cantabria, España. Limita polo norte con Torrelavega e Cartes, polo sur con Anievas, polo leste con Corvera de Toranzo e Puente Viesgo e polo oeste con Los Corrales de Buelna.

O municipio áchase na comarca do Besaya e polo seu termo discorre o río Besaya. A influencia do desenvolvemento industrial da comarca repercutiu tamén neste municipio, aínda que en menor medida.

Localidades

Os seus 2.309 habitantes (INE, 2008) viven en:

• La Bárcena, 3 hab.
• Jaín, 197 hab.
• Llano, 229 hab.
• Mata, 543 hab.
• Posajo Penías, 73 hab.
• Rivero (Capital), 403 hab.
• Sopenilla, 185 hab.
• Sovilla, 257 hab.
• Tarriba, 419 hab.

Demografía

Evolución demográfica

1900	1910	1920	1930	1940	1950	1960	1970	1980	1990	2000	2005
1.404	1.538	1.597	2.143	2.503	2.719	3.362	2.854	2.497	2.385	2.168	2.241

Fonte: INE

Administración

Eleccións municipais, 25 de maio de 2003 Partido Votos % Concelleiros PRC 1372 78,04 % 10 PSOE 196 11,15 % 1 Alcalde electo: José Antonio González-Linares Gutiérrez (PRC).

Eleccións municipais, 27 de maio de 2007 Partido Votos % Concelleiros PRC 1414 81,97 % 10 PSOE 162 9,39 % 1 Alcalde electo: José Antonio González-Linares Gutiérrez (PRC).

Patrimonio

Torre de Pero Niño.

Posúe cinco bens de interese cultural:

• Torre de Pero Niño, en Llano, con categoría de monumento. É unha torre medieval que se converteu en museo que presenta unha recreación da biografía de Pero Niño e que evoca a vida na Baixa Idade Media, a organización social de tipo estamental, as prácticas da cabalería, o armamento da época e as xestas de Pero Niño.
• Cova de Hornos de la Peña, en Tarriba, con categoría de zona arqueolóxica. Forma parte do lugar Patrimonio da Humanidade chamado "Cova de Altamira e arte rupestre do norte de España".
• Cova de Sovilla, zona arqueolóxica.
• Forma parte da zona arqueolóxica chamada "Conxunto Arqueolóxico formado polos xacementos de La Espina del Gallego, Cildá, El Cantón e Campo de Las Cercas"; outros municipios relacionados con este ben de interese cultural son: Corvera de Toranzo, Anievas, Molledo, Arenas de Iguña e Puente Viesgo.
• Os Castros do Monte Dobra, zona arqueolóxica.
  

Ademais, a Igrexa de San Félix en Rivero é Ben de interese local con categoría de inmoble.