SIDA
SIDA é o acrónimo da Síndrome de Inmunodeficiencia Adquirida que afecta aos humanos infectados polo VIH (Virus da Inmunodeficiencia Humana). Dise que unha persoa padece a SIDA cando o seu organismo, debido á inmunodepresión provocada polo VIH, non é capaz de ofrecer unha resposta inmune adecuada contra as infeccións.
Cabe destacar a diferenza entre estar infectado polo VIH e padecer a SIDA. Unha persoa infectada polo VIH é seropositiva, e pasa a ter un cadro de SIDA cando o seu nivel de linfocitos T CD4 (que son o tipo de célula á que ataca o virus) descende por debaixo de 200 células por mililitro de sangue. O VIH transmítese a través dos fluídos corporais coma o sangue, seme, secrecións vaxinais e o leite materno.
O Día mundial contra a SIDA celébrase o 1 de decembro.
Índice |
[editar] Transmisión
As tres vías principais de transmisión son: a paternal, a sexual e a materno-filial. Nalgúns casos déronse casos de transmisión do VIH no medio sanitario e noutras circunstancias nas que pódense poñer en contacto, por medio de fluídos corporais ou sangue unha persoa infectada e outra sa; pero a importancia destes modos de transmisión do virus é escasa desde o punto de vista numérico.
[editar] Tratamento
A erradicación do VIH nos pacientes infectados non parece posible cos tratamentos actuais. Propiamente falando, hoxe, a SIDA é incurable. Non obstante, moitos dos procesos oportunistas que comprometen a vida dos pacientes con SIDA teñen tratamento eficaz. Ademais, a administración de fármacos antirretrovirais permitiu alongar considerablemente a supervivencia dos suxeitos seropositivos, de xeito que a enfermidade se converteu nun proceso crónico. Malia o amplo desenvolvemento que acadou a investigación desta enfermidade nos últimos anos, aínda non se ve preto a posibilidade de dispoñer dunha vacina eficaz.
[editar] A SIDA en cifras
Segundo o informe Onusida, publicado pola ONU en 2008, había uns 33 millóns de enfermos de SIDA no mundo, dos que as dúas terceiras partes se concentraban na África subsahariana (67%). Durante o ano 2007 producíronse uns dous millóns de mortes por SIDA en todo o mundo, das que o 75% ocorreron nesa mesma zona [1].
En Galicia, o primeiro caso diagnosticado foi un home de 24 anos que ingresou no Complexo Hospitalario Universitario A Coruña o 4 de decembro de 1984 e morreu no verán seguinte [2].
[editar] Notas
[editar] Véxase tamén
[editar] Ligazóns externas
- UNAIDS: The Joint United Nations Programme on HIV/AIDS (en inglés)
- AIDS: History of a Plague na revista Life. (en inglés)
- European Centre for Disease Prevention and Control: Annual Epidemiological Report 2011. Reporting on 2009 surveillance data and 2010 epidemic intelligence data. Stockholm 2011, 55-58.
