Pyynikintori
| Pyynikintori | |
|---|---|
 | |
| Tipoloxía | praza |
| Dimensións | |
| Formato | Rectángulo |
| Localización | |
| Localidade | Tampere |
| Coordenadas | 61°29′51″N 23°44′30″L / 61.49750, -23.74167Coordenadas: 61°29′51″N 23°44′30″L / 61.49750, -23.74167 |
Pyynikintori (en galego Praza de Pyynikki), chamada familiarmente Plassi, coñecida entre 1897 e 1927 Aleksanterintori en honor ao emperador ruso Alexandre II,[1] e antes de 1897 Pyynikentori,[2] é unha antiga praza de mercado situada no barrio de Pyynikinrinne, na cidade de Tampere (Finlandia). Pyynikintori limita ao norte con Pirkankatu, ao sur coa rúa F. E. Sillanpää, e ao leste e oeste cunha rúa do mesmo nome que a praza. Na actualidade a praza funciona como estación de autobuses e aparcadoiro de coches. Rodeando Pyynikintori encóntranse o Tampereen lyseon lukio, o Tampereen konservatorio e o campo deportivo de Pyynikki. Pyynikintori está ao carón doutra praza máis pequena chamada Heinätori.
Na esquina de Pyynikintori con Pirkankatu encontrábase entre 1929 e 1938 a estación de autobuses de longa distancia occidental de Tampere, obra do arqiutecto Bertel Strömmer. A estación era o final das liñas que se dirixían a Tampere dende o oeste, Turku, Pori e Vaasa. En 1938 as liñas que operaban na estación foron transferidas a unha nova estación construída en Ratina e que entrou en funcionamento ese mesmo ano, mais posteriormente algunhas das liñas, principalmente locais, volveron a Pyynikintori. Existiu tamén unha gasoliñeira na praza que estivo en funcionamento ata a década de 1990. O edificio, que mudou a súa aparencia en numerosas ocasións, foi finalmente demolido a finais do ano 2000.[3][4]
Notas[editar | editar a fonte]
- ↑ Louhivaara, Maija (1999). Tampereen kadunnimet (en finés). Tampere: Tampereen museoiden julkaisuja. p. 72. ISBN 951-609-105-9.
- ↑ Mapa da cidade de 1879
- ↑ Vesterinen, Jukka (2009). Huoltoasemakirja (en finés). Helsinki: Alfamer Oy. p. 16. ISBN 978-952-472-086-1.
- ↑ Säpyskä, Ossi (1988). Pirkanmaan autoliikenteen vaiheet (en finés). Tampere: Pirkanmaan Autoalan Veteraanit ry. p. 202. ISBN 952-90019-3-2.
