Satakunnansilta

Na Galipedia, a Wikipedia en galego.
Saltar ata a navegación Saltar á procura

Coordenadas: 61°29′53″N 23°45′39″L / 61.49806, -23.76083

Satakunnansilta
Satakunnansilta 2018.jpg
O Satakunnansilta dende a beira oriental do Tammerkoski.
Localización
RíoTammerkoski
ConcelloTampere
ProvinciaPirkanmaa
PaísFinlandia Finlandia
Características
Construción1900
Lonxitude127 m
Ancho12 m
TipoArco
MaterialPedra

O Satakunnansilta (en galego Ponte de Satakunta) é unha ponte situada no centro da cidade de Tampere (Finlandia), cruzando o Tammerkoski. A ponte forma parate da rúa Satakunnankatu e é empregada tanto como para tráfico rodado como para peóns.

A ponte de pedra conta con seis arcos de 17 metros. A ponte ten 11,75 metros de ancho e unha lonxitude de 112,6 metros.[1]

Historia[editar | editar a fonte]

Pequena ponte[editar | editar a fonte]

Antes da construción do Satakunnansilta existía no mesmo lugar outra ponte chamada Pikkusilta (en galego Pequena ponte) e construída en 1858. Era unha ponte de madeira estreita feita só para camiñar. A ponte foi construída para facilitar o paso ás persoas que traballaban na fábrica. Tiña dúas partes e pasaba por Konsulinsaari. A parte occidental da ponte comezaba no mesmo lugar que a ponte actual e descendía abruptamente ata Konsulinsaari. A parte oriental estaba próxima á superficie da auga e o seu punto final estaba próximo á factoría de Tampella. Estaba tan próximo á auga que cando o Tammerkoski medraba en primavera non se podía cruzar a ponte cos pés secos. Foi a segunda ponte sobre o Tammerkoski. Daquela a ponte que estaba situada no lugar que actualmente ocupa Hämeensilta era coñecida co nome de Isoksisillaksi.[2]

Construción de Satakunnansilta[editar | editar a fonte]

Entre 1870 e 1900 a área de Tampere triplicouse e a súa poboación multiplicouse por cinco. Ao mesmo tempo tamén se incrementou o volume de tráfico e a construción dunha nova vía de entrada converteuse nuun tema de interese e actualidade. A ponte foi deseñada polo enxeñeiro Karl Snellman.[3] Foi construída entre 1897 e 1900 e inaugurada o 9 de outubro de 1900.[2] Cando se finalizou a súa construción en 1900 a ponte cubriu unha gran parte da Konsulinsaari. Ao mesmo tempo bloqueouse o acceso á illa e as operacións do restaurante finalizaron.[2]

Renovación da ponte[editar | editar a fonte]

En 2013 as varandas da ponte renováronse ao deseño orixinal, e en 2014 as farolas reemprazáronse co deseño orixinal.[4][5]

Panorámica de Satakunnankatu.

Notas[editar | editar a fonte]

  1. Huura, Jorma (5 de decembro de 2011). "Suomen siltojen historia" (en finés). Tampereen suomalainen klubi. Arquivado dende o orixinal o 26 de outubro de 2016. Consultado o 1 de marzo de 2021. 
  2. 2,0 2,1 2,2 Rundgren, Essi (29 de setembro de 2016). "Kahvila väistyi Satakunnansillan tieltä, eikä palaa". Aamulehti, Moro (en finés). pp. 10–11. 
  3. Kellomäki, Pertti. "Satakunnansilta" (en inglés). A Glimpse to the History of Tampere. Arquivado dende o orixinal o 05 de marzo de 2016. Consultado o 1 de marzo de 2021. 
  4. "TILAUSTYÖT. Satakunnansillan kaiteet ja lamput" (en finés). Tammerkosken takomo. Consultado o 1 de marzo de 2021. 
  5. Vasara, Päivi (25 de setembro de 2014). "Satakunnansillasta tuli älyttömän komea". Aamulehti, Moro (en finés). Arquivado dende o orixinal o 27 de setembro de 2014. Consultado o 1 de marzo de 2021.