Luis Planas

Na Galipedia, a Wikipedia en galego.
Saltar ata a navegación Saltar á procura
Luis Planas
Luis Planas 2020 (cropped).jpg
Nacemento20 de novembro de 1952
 Valencia
NacionalidadeEspaña
Alma máterUniversidade de Valencia
Ocupaciónpolítico, diplomático e avogado
editar datos en Wikidata ]

Luis Planas Puchades, nado en Valencia o 20 de novembro de 1952, é un político español, membro do PSOE e actual ministro de Agricultura, Pesca e Alimentación do Goberno de España.

Traxectoria[editar | editar a fonte]

É licenciado en Dereito pola Universidade de Valencia e premio Extraordinario de Licenciatura. É Inspector de Traballo e da Seguridade Social. En 1980 ingresa por oposición á Inspección de Traballo e é destinado a Córdoba.

Entre 1982 e 1986 foi deputado por Córdoba no Congreso dos Deputados e entre 1986 e 1993, deputado no Parlamento Europeo. Foi tamén conselleiro de Agricultura e Pesca (1993-1994) e conselleiro de Presidencia (1994-1996) da Junta de Andalucía. En 1996 foi senador designado polo Parlamento de Andalucía.

Entre 2004 e 2010 foi embaixador de España en Marrocos, e entre 2010 e 2011, embaixador de España ante a Unión Europea. Posteriormente volveu a ocupar o posto de conselleiro de Agricultura, Pesca e Medio Ambiente da Junta de Andalucía (2012-2013). Entre 2014 e 2018 foi o secretario xeral do Comité Económico e Social da Unión Europea.

O 7 de xuño de 2018 tomou posesión como ministro de Agricultura, Pesca e Alimentación do goberno de Pedro Sánchez, despois de prosperar a moción de censura contra Mariano Rajoy.

Véxase tamén[editar | editar a fonte]

Ligazóns externas[editar | editar a fonte]