Pablo Bustinduy

Na Galipedia, a Wikipedia en galego.
Saltar ata a navegación Saltar á procura
Pablo Bustinduy
Pablo Bustinduy, durante una entrevista con eldiario.es (cropped).jpg
Nacemento19 de marzo de 1983
 Madrid
NacionalidadeEspaña
Alma máterUniversidade Complutense de Madrid
Ocupaciónpolítico
PaiJavier Bustinduy
NaiÁngeles Amador Millán
Firma de Pablo Bustinduy Amador.svg
editar datos en Wikidata ]

Pablo Bustinduy Amador, nado en Madrid en 1983, é un politicólogo e político español. Voceiro do Grupo Parlamentario de Unidos Podemos na Comisión de Asuntos Exteriores do Congreso e deputado de Podemos por Madrid. É, asemade, o coordinador da Secretaría Internacional de Podemos.[1]

Traxectoria[editar | editar a fonte]

Naceu en Madrid en 1983. É fillo de Ángeles Amador, ex-ministra de Sanidade entre 1993 e 1996; e de Javier Bustinduy.

Licenciouse en Ciencias Políticas e da Administración pola Universidade Complutense de Madrid. Ampliou os seus estudos en Francia, onde obtivo un máster en Historia e Pensamento Político no Instituto de Estudos Políticos de París, con mención Summa Cum Laude; e nos Estados Unidos, onde traballa na súa tese doutoral en filosofía política na New School for Social Research de Nova York.

Traballou como investigador e profesor de Filosofía en varias universidades de Estados Unidos (Universidade de Fairfield, Saint Francis College e CUNY University) e como articulista en varios medios. Moitos dos seus artigos quedaron recollidos no blog pourlafindutemps. Tamén traduciu, prologado e editado obras relacionadas coa economía, o pensamento político e a estética, como Cleptopía, de Matt Taibbi, El destino de las imágenes, de Jacques Rancière, a obra colectiva Lugares comunes, ou Estado de vixilancia: crítica da razón securitaria, de Michael Foessel, entre outras.

Implicado no proxecto de Podemos dende os seus comezos, traballou como coordinador da Delegación de Podemos no Parlamento Europeo despois das eleccións europeas de 2014. Dende marzo de 2015 é integrante do Consello de Coordinación, ocupando a carteira da Secretaría Internacional. Foi elixido deputado por Madrid nas eleccións de 2015 e reelixido nas de 2016. No Congreso dos Deputados é voceiro do Grupo Confederal Unidos Podemos-En Comú Podem-En Marea para as Comisións de Asuntos Exteriores e Unión Europea.[2]

Notas[editar | editar a fonte]

Véxase tamén[editar | editar a fonte]