Ione Belarra
| Ione Belarra | |
|---|---|
 | |
| Nome completo | Ione Belarra |
| Nacemento | 25 de setembro de 1987 (35 anos) |
| Lugar de nacemento | Pamplona, Navarra |
| Nacionalidade | España |
| Alma máter | Universidade Autónoma de Madrid |
| Ocupación | Política e psicóloga |
| Na rede | |
     | |
| [ editar datos en Wikidata ] | |
Ione Belarra Urteaga, nada en Pamplona o 25 de setembro de 1987, é unha política e psicóloga navarra, membro do consello cidadán estatal de Podemos e ministra de Dereitos Sociais e Axenda 2030 do Goberno de España. Foi deputada por Navarra das lexislaturas XI, XII, XIII e XIV do Congreso dos Deputados e voceira adxunta do grupo confederal Unidos Podemos-EP-EM no Congreso dos Deputados.[1]
Traxectoria[editar | editar a fonte]
É graduada superior en integración social, licenciada en psicoloxía, máster en psicoloxía da educación e segundo ano de doutoramento en educación, desenvolvemento e aprendizaxe. Traballou en Cruz Vermella, na Comisión Española de Axuda ao Refuxiado, no Ministerio de Educación, Cultura e Deporte e na Universidade Autónoma de Madrid.[2]
Naceu e viviu en Pamplona até que comezou os seus estudos en psicoloxía na Universidade Autónoma de Madrid. Dende entón, traballou en investigación en cuestións relacionadas coa educación, as experiencias migratorias e os dereitos humanos. Durante estes anos foi activista en diferentes organizacións como SOS Racismo e en plataformas e campañas polo peche dos Centros de Internamento de Estranxeiros (CIEs) así como en diversas mobilizacións a prol dos dereitos humanos das persoas en situación de especial vulnerabilidade.
En novembro de 2014 accedeu ó Consello Cidadán Estatal de Podemos tras votación en primarias.[3] Foi nomeada responsable da área de Dereitos Humanos, Cidadanía e Diversidade.[4]
Ocupou o primeiro posto pola circunscrición electoral de Navarra de Podemos para as eleccións xerais do 20 de decembro de 2015[5] e logrou escano no Congreso dos Deputados sendo nomeada voceira suplente da Deputación Permanente e membro suplente da Delegación española na Asemblea da Unión Interparlamentaria (UIP).[6][7]
Nas eleccións xerais de 2016 volveu encabezar a lista de Podemos por Navarra e obtivo escano na XII lexislatura no Congreso dos Deputados.
O 12 de febreiro de 2017 volveu ser elixida en primarias conselleira cidadá estatal de Podemos.[8] O 18 de febreiro de 2017 foi nomeada voceira adxunta do grupo confederal Unidos Podemos-EP-EM no Congreso dos Deputados e pertence ó grupo de técnicos e expertos que conforman o "ensaio xeral do futuro goberno" ou "goberno na sombra" de Podemos.[9][10]
Tralo inicio do Goberno de coalición entre PSOE e Unidas Podemos, Ione Belarra foi nomeada secretaria de Estado para a Axenda 2030. Tomou posesión do cargo o 22 de xaneiro de 2020.[11] En marzo de 2021, e tralo anuncio da saída de Pablo Iglesias do Goberno de coalición para presentarse ás eleccións á Asemblea de Madrid de 2021, Belarra foi nomeada ministra de Dereitos Sociais e Axenda 2030.
Obras[editar | editar a fonte]
Publicacións e colaboracións:
- 2013 - Does Living with Mean Living Together? An in-Depth Analysis of Coexistence in Host Homes for sub-Saharan Population in the City of Madrid
- 2013 - Experiencia: Geografías de la adolescencia en el área de Madrid
- 2013 - Hacia la educación intercultural: Un largo camino de ida y vuelta.: En A. Manzanares (coord.) Temas educativos en el punto de mira (pp. 160-186). Madrid: Wolters Kluwer
- 2014 - Construcción de subjetividades en tiempos de emprendimiento
- 2014 - Repensando el proceso: propuestas críticas para la educación social desde la perspectiva socio-constructivista Revista Educación Social, Nº19
- 2014 - Modernisation of Higher Education in Europe : access, retention and employability. Bruxelas : EACEA.
- 2014 - Aprendizaje de la ciudadanía y participación Mata, P.; Ballesteros, B. e Gil Jaurena,I.
Notas[editar | editar a fonte]
- ↑ "Ione Belarra, de suplente a diputada revelación". La Vanguardia. 12 de xaneiro de 2019. Consultado o 31 de marzo de 2021.
- ↑ "Perfil de investigación". Universidad Autónoma de Madrid.
- ↑ "La navarra Ione Belarra, en la dirección de Podemos". El Diario de Navarra.
- ↑ "Esta es la lista de miembros de la nueva dirección de Podemos". Huffington Post.
- ↑ "Así es el equipo de Pablo Iglesias para ganar las elecciones generales". El Mundo.
- ↑ "Listado de los diputados electos en los comicios de hoy - Lunes, 21 de diciembre de 2015 (01:59)". El Confidencial. Arquivado dende o orixinal o 18 de xaneiro de 2016. Consultado o 21 de decembro de 2015.
- ↑ "Ione Belarra Congreso de los Diputados". Arquivado dende o orixinal o 24 de xuño de 2016. Consultado o 30 de agosto de 2021.
- ↑ "Resultados votaciones de Vistalegre II". Podemos.
- ↑ "La diputada navarra Ione Belarra, portavoz adjunta de Podemos en el Congreso". El Diario de Noticias de Navarra. Arquivado dende o orixinal o 18 de xuño de 2017. Consultado o 14 de xuño de 2017.
- ↑ "El ‘gobierno en la sombra’ de Podemos, uno a uno".
- ↑ "Unidas-Podemos toma posesión de la Agenda 2030".
Véxase tamén[editar | editar a fonte]
 |
Wikimedia Commons ten máis contidos multimedia na categoría: Ione Belarra  |
Ligazóns externas[editar | editar a fonte]
- Ficha Arquivado 24 de outubro de 2020 en Wayback Machine. na páxina do Congreso dos Deputados
.svg){kind=small}
- Nados en 1987
- Nados en Pamplona
- Políticos de Podemos
- Personalidades de Navarra
- Alumnos da Universidade Autónoma de Madrid
- Deputados no Congreso dos Deputados (XIV Lexislatura)
- Deputados no Congreso dos Deputados (XIII Lexislatura)
- Deputados no Congreso dos Deputados (XI Lexislatura)
- Deputados no Congreso dos Deputados (XII Lexislatura)
- Ministros do Goberno de España da XIV Lexislatura