Irene Montero

Na Galipedia, a Wikipedia en galego.
Saltar ata a navegación Saltar á procura
Irene Montero
Irene Montero, durante la entrevista con eldiario.es (cropped).jpg
Montero en 2016.
Nome completoIrene María Montero Gil
Nacemento13 de febreiro de 1988 (32 anos)
 Madrid
NacionalidadeEspaña
Alma máterUniversidade Autónoma de Madrid e Colegio Siglo XXI
OcupaciónPolítica e psicóloga
Firma de Irene Montero.svg
[ editar datos en Wikidata ]

Irene María Montero Gil, nada en Madrid o 13 de febreiro de 1988, é unha política e psicóloga española, membro da dirección de Podemos. Deputada por Madrid da lexislatura XII do Congreso dos Deputados. Actual Voceira do Grupo Confederal Unidos Podemos -En Comú Podem -En Marea no Congreso. É licenciada en Psicoloxía, ten un máster en Psicoloxía da Educación (2013) e é investigadora na Universidade Autónoma de Madrid.[1]

Traxectoria[editar | editar a fonte]

Estudou no colexio Siglo XXI do barrio de Moratalaz en Madrid. Afiliouse á Xuventude Comunista (UJCE) ós 16 anos.[2] É licenciada en Psicoloxía, ten un máster en Psicoloxía da Educación (2013) e é investigadora na Universidade Autónoma de Madrid.[3] Uniuse a Podemos xunto a Rafael Mayoral tras as eleccións ao Parlamento Europeo de 2014.

En novembro de 2014, tras ser candidata ó Consello Cidadán de Podemos, foi nomeada responsable de Movementos Sociais.[4][5] Ademais, comezou a dirixir o gabinete do líder de Podemos, Pablo Iglesias, a súa actual parella.[6]

Durante a campaña electoral previa ás eleccións do 20 de decembro de 2015, Pablo Iglesias afirmou que sería a vicepresidenta e ministra da Presidencia dun hipotético goberno de Podemos.[7]

É membro da Mesa de Coordinación de Podemos, secretaria de Acción no Congreso e xefa do gabinete de Pablo Iglesias, secretario xeral do partido.

Ministra de Igualdade[editar | editar a fonte]

En 2020, Pedro Sánchez resulta elixido de novo, tralas eleccións xerais de novembro de 2019. Tralo pacto entre PSOE e Podemos, acádase un acordo para formar goberno de coalición en España por primeira vez na súa historia moderna, trala experiencia da Fronte Popular durante a Segunda República. Irene Montero -con 31 anos- chega ó Goberno desta forma e é nomeada ministra, coa mesma idade que tiña a que foi a primeira ministra de Igualdade de España, a socialista Bibiana Aído, cando o presidente José Luis Rodríguez Zapatero a puxo á fronte desa nova carteira, e converteuna na ministra máis nova da historia de España. A dirixente de Podemos igualou este récord.[8]

Notas[editar | editar a fonte]

  1. ↑ "Consulta los currículos de la dirección de Podemos". Cinco Días. 
  2. ↑ "Irene Montero, la mujer que programa a Pablo Iglesias". La Vanguardia. 
  3. ↑ "Consulta los currículos de la dirección de Podemos". Cinco Días. 15 de novembro de 2014. Consultado o 11 de decembro de 2015. 
  4. ↑ "Irene Montero y Juan Manuel del Olmo, candidatos al Consejo Ciudadano de Podemos: "Un proyecto de construcción de voluntad popular para el cambio político"". Tercera Información. 
  5. ↑ "Esta es la lista de miembros de la nueva dirección de Podemos". Huffington Post. 
  6. ↑ "Irene Montero y Pablo Iglesias anuncian que serán padres de “dos criaturas”". El País (en castelán). 1 de abril de 2018. Consultado o 1 de abril de 2018. 
  7. ↑ "Irene Montero, la Soraya de Podemos". El Mundo. 
  8. ↑ Press, Europa (9 de xaneiro de 2020). "Irene Montero, ministra de Igualdad tras una carrera meteórica que empezó a los 16 años en la Juventud Comunista". www.europapress.es. Consultado o 11 de xaneiro de 2020. 

Véxase tamén[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Irene_Montero&oldid=5353993"