José Manuel Liaño Flores
| José Manuel Liaño Flores | |
|---|---|
| Nacemento | 15 de novembro de 1921 |
| Lugar de nacemento | Monforte de Lemos |
| Falecemento | 5 de maio de 2022 |
| Lugar de falecemento | A Coruña |
| Nacionalidade | española |
| Ocupación | político e avogado |
| Fillos | Rosa Liaño |
| Lingua | castelán |
| Estudos | licenciado en Dereito, graduado social |
| Premios | Encomenda da Orde do Mérito Agrícola (1958) Membro da Real Academia Galega de Xurisprudencia e Lexislación desde a súa fundación en 1967 Cruz Distinguida da Orde de San Raimundo de Peñafort (1971) Medalla ao Mérito do Colexio de (2010) |
| Na rede | |
 | |
| [ editar datos en Wikidata ] | |
José Manuel Liaño Flores, nado en Monforte de Lemos o 15 de novembro de 1921 e finado na Coruña o 5 de maio de 2022, foi un avogado e político galego.
Traxectoria[editar | editar a fonte]
Liaño estudou o bacharelato no Instituto Eusebio da Guarda da Coruña de 1931 a 1938. Cursou a licenciatura en Dereito na Universidade de Santiago de Compostela de 1939 a 1942, na que tamén acadou o título de Graduado Social en 1951. Ingresou por oposición na carreira xudicial en 1946, desempeñando o cargo de xuíz en varios partidos xudiciais ata pedir a excedencia voluntaria en 1953. Desde o 10 de setembro de 1945, con apenas 24 anos de idade é avogado exercente do Colexio de Avogados da Coruña.[1][2]
Iniciou a súa carreira política en 1946 cando entrou como concelleiro da Corporación municipal da Coruña. Volveu ser nomeado concelleiro en 1964, permanecendo no cargo ata que foi nomeado alcalde da Coruña o 1 de febreiro de 1976. Cesou como alcalde o 30 de decembro de 1978. Como alcalde remodelou o parque de Santa Margarida, inaugurou a presa de Cecebre, iniciou as obras do cemiterio de Feáns, creou o Museo do Reloxo (con reloxos do seu propio tío político Antonio Ríos Mosquera), e o Plan parcial de Durmideiras.[3] Foi procurador en Cortes como representante da Familia (1967 e 1971).[1]
Foi elixido Académico de Número da Real Academia Galega de Xurisprudencia e Lexislación o 27 de marzo 1967, tomando posesión o 12 de xuño de 1987 ao pronunciar o discurso "Las presunciones en derecho privado".[4] Foi membro do Consello Social da Universidade da Coruña desde 2003 a 2011. Pertence ás Asociacións de Dereito do Traballo e de Dereito Agrario. Publicou artigos xurídicos e literarios en revistas especializadas e na prensa ordinaria. Acadou o Premio "Pérez Lugín" da Asociación da Prensa da Coruña. Pronunciou conferencias sobre distintas materias xurídicas e literarias,[1] así como o Premio "Iurisgama", da Asociación de Juristas Gallegos en Madrid.[2]
Foi colaborador habitual de Foro Galego e da revista Fonte Limpa, do Colexio de Avogados da Coruña,[2][5]
| Predecesor: Jaime Hervada Fernández España |
 Alcalde da Coruña 1976 – 1978 |
Sucesor: Berta Tapia
|
Notas[editar | editar a fonte]
- ↑ 1,0 1,1 1,2 José Manuel Liaño Flores na páxina web da Real Academia Galega de Xurisprudencia e Lexislación.
- ↑ 2,0 2,1 2,2 Abogacía Española (22 de decembro de 2020). "El Colegio de Abogados de A Coruña reconoce los 75 años de colegiación de José Manuel Liaño Flores". Consultado o 22 de marzo de 2021.
- ↑ Malvido, Gemma (2022-05-06). "Fallece Liaño Flores, el primer alcalde tras la dictadura franquista". La Opinión de A Coruña (en castelán). Consultado o 2022-05-07.
- ↑ "Excmo. Sr. D. JOSÉ MANUEL LIAÑO FLORES - Real Academia Galega de Xurisprudencia e Lexislación". Real Academia Galega de Xurisprudencia e Lexislación. Consultado o 2022-05-05.
- ↑ Fonte Limpa.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Alcalde Liaño Flores: El alcalde de la transición coruñesa
- Andrea Pintos (4 de febreiro de 2021). "José Manuel Liaño: "A los 99 años, espero todavía poder seguir trabajando como abogado"". Consultado o 22 de marzo de 2921. Entrevista.
