José Crespo López-Mora

Na Galipedia, a Wikipedia en galego.

José Crespo López-Mora, nado na Coruña o 8 de xuño de 1895 e finado na mesma cidade o 28 de febreiro de 1964, foi un político galego. Foi alcalde da Coruña entre 1940 e 1942.

Traxectoria[editar | editar a fonte]

Fillo de Gerardo Virgilio Crespo González, avogado do Estado, estudou Enxeñería de Camiños. Prestou servizos no concello da Coruña, e en 1928 pasou á Delegación do Ministerio de Obras Públicas.

En 1936 foi destinado á Xefatura da IV Demarcación do Circuíto de Firmes Especiales e na guerra encargouse da inspección rexional da reconstrución das pontes da zona norte. En 1940 foi designado alcalde da Coruña por Diego Salas Pombo, gobernador civil e xefe provincial do Movemento. Tomou posesión o 19 de decembro de 1940, relevando a Pérez-Ardá, que volvería a substituílo ao remate do seu mandato, o 22 de outubro de 1942. Ao cesar como alcalde volveu ao seu posto como Xefe de Obras Públicas.

Casado con Carmela Pazos Feijoo, é pai de Gerardo Crespo Pazos.


Predecesor:
José Pérez-Ardá
 Escudo de A Coruña.svg
Alcalde da Coruña
 
1940 – 1942
Sucesor:
José Pérez-Ardá

Véxase tamén[editar | editar a fonte]

Ligazóns externas[editar | editar a fonte]