Alfonso Molina
| Alfonso Molina Brandao | |
|---|---|
 | |
| Nacemento | 15 de maio de 1907 |
| Lugar de nacemento | A Coruña |
| Falecemento | 25 de novembro de 1958 e 1958 |
| Lugar de falecemento | Río de Xaneiro e Estado do Río de Xaneiro |
| Nacionalidade | España |
| Alma máter | Universidade Central |
| Ocupación | Enxeñeiro Político |
| Premios | Gran Cruz da Orde Civil de Beneficencia |
| [ editar datos en Wikidata ] | |
Alfonso Molina Brandao, nado na Coruña o 15 de maio de 1907 e finado en Río de Xaneiro o 25 de novembro de 1958, foi alcalde da Coruña entre 1947 e 1958.
Traxectoria[editar | editar a fonte]
Nado nunha das máis coñecidas familias coruñesas, o seu avó Alejandro Brandao fora alcalde e o seu pai (Raimundo Molina) un dos promotores do porto a comezos do século XX.
Enxeñeiro de camiños, canais e portos pola Universidade de Madrid especializouse en Urbanismo. En 1934 obtivo praza de enxeñeiro director de vías e obras da Deputación da Coruña. Iniciada a Guerra Civil foi nomeado presidente da Cámara da Propiedade da Coruña e no 1938 nomeado concelleiro ata 1944. En 1947 foi nomeado alcalde, posto que ocupou ata a súa morte con 51 anos.
No seu mandato como rexedor da Coruña proxectou unha avenida interior, que partise desde a ponte da Pasaxe, subise até Palavea e descendese cara ao río Monelos, e que na Ponte da Pedra se dirixise cara á antiga estación de ferrocarril para ao cabo chegar á praza do Espiño (hoxe praza de Madrid), que se inaugurou co nome de Avenida de Lavedra (deturpación castelanizante do topónimo galego A Vedra[1], correspondente a un antigo lugar polo que pasa a avenida).
A súa morte produciuse durante unha viaxe a Brasil. A chegada do seu cadaleito á cidade foi un acto multitudinario, 100.000 persoas acompañaron o cortexo fúnebre dende o Concello ata o cemiterio de Santo Amaro[2]. Inmediatamente despois da súa morte, foi homenaxeado a título póstumo coa Gran Cruz de Beneficencia e máis coa Medalla de Ouro da Coruña, foi nomeado Fillo Predilecto da cidade e a Avenida de Lavedra pasou a chamarse Avenida Alfonso Molina[3].
Notas[editar | editar a fonte]
- ↑ Alfonso García López (2009). "Alcalde Alfonso Molina (avenida)". En Espacio Cultura Editores. Calles con historia (en castelán).
Es conocida popularmente como Lavedra, resultado de la castellanización del lugar conocido como A Vedra, que se encontraba entre la Fábrica de Armas y el Barrio de Palavea.
- ↑ ""Avenida de Alfonso Molina: El más peculiar de los alcaldes. La Opinión"". Arquivado dende o orixinal o 01 de xullo de 2012. Consultado o 06 de outubro de 2012.
- ↑ "Llegan a Madrid los restos del alcalde de La Coruña". El Pueblo Gallego nº 11.534 (en castelán). 27 de novembro de 1958. p. 3. Arquivado dende o orixinal o 12 de marzo de 2014. Consultado o 12 de marzo de 2014.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Alfonso Molina  |
Ligazóns externas[editar | editar a fonte]
- Necrolóxica de Alfonso Molina en ABC (en PDF) Arquivado 25 de setembro de 2019 en Wayback Machine.
| Predecesor: Eduardo Ozores Arráiz |
 Alcalde da Coruña 1947 – 1958 |
Sucesor: Sergio Peñamaría de Llano |
