Ben falado!
| Ben falado! | |
|---|---|
| |
| Duración | 4 minutos |
| Presentado por | Xesús Ferro Ruibal |
| Cadea | TVG |
Na rede
| |
| http://www.crtvg.es/tvg/programas/ben-falado | |
 
| |
Ben falado! é un microespazo divulgativo de cinco minutos diarios dedicados á lingua galega patrocinado pola Secretaría Xeral de Política Lingüística, dirixido e presentado polo académico e secretario do Centro Ramón Piñeiro para a Investigación en Humanidades, Xesús Ferro Ruibal. Emítese na Televisión de Galicia. A primeira entrega constou de 250 programas durante 2008-2009 e despois emitiunos Correo TV, e a segunda entrega consta de 230 programas que comezaron a emitirse o 7 de xuño de 2010.[1] Tamén se editou un DVD con 82 capítulos da primeira entrega.[2]
Obxectivos
[editar | editar a fonte]O programa Ben falado! permite ao telespectador acceder a diversas cuestións lingüísticas:
- Explicacións de apelidos e topónimos.
- Curiosidades léxicas, gramaticais e ortográficas.
- Sentido de ditos e refráns.
- A lingua na actualidade: nas escolas, nos institutos, nos movementos xuvenís, nas empresas ou na propia Internet.
- Evolución histórica da lingua.
- A lingua de hoxe nun contexto internacional: novas tecnoloxías como a tradución automática, a síntese de voz, o mundo dos blogs, o Puntogal, as televisións escolares en galego etc.