Cuatro

Na Galipedia, a Wikipedia en galego.
Cuatro
Logo de Cuatro.
Inicio das emisións 7 de novembro de 2005
Fundado por Grupo PRISA
Propiedade de Mediaset España
Formato da imaxe 1080i HDTV
Datos de audiencia 6% (xullo de 2013, FormulaTV)
Slogan Practica Cuatro
¡Te queremos! Tenía que ser Cuatro
País España España
Lingua Castelán
Área de emisión Escala nacional
Sede central Fuencarral, Madrid (antiga sede Tres Cantos)
Canle/s irmá(s) Telecinco
Factoría de Ficción
Divinity
Energy
Boing
Telecinco HD
Cuatro HD
Dispoñibilidade
Terrestre
TDT 67
Satélite
Digital + Dial 14
Cable
ONO Dial 4
R Dial 114
Euskaltel Dial 4
Telecable Dial 4
IPTV
Imagenio Dial 4
Orange TV Dial 4
Jazztelia TV Dial 4
Televisión por internet
Directo cuatro.com
Directo mitele.es
Á carta mitele.es

Na rede
Páxina web de Cuatro
Facebook: cuatro Twitter: cuatro Editar o valor em Wikidata

Cuatro é unha canle de televisión privada española propiedade de Mediaset España que emite a través da TDT e nas plataformas de televisión de pago Movistar+ e Vodafone TV, Orange TV e R en España. Empezou a emitir o día 7 de novembro de 2005 por reconversión da concesión da canle analóxica nacional pola que emitiu desde 1990 a canle de pago do grupo, Canal+. Desde a mesma data, a emisión de Cuatro tamén está dispoñible con ámbito nacional a través de TDT.

Historia[editar | editar a fonte]

En febreiro de 2005, o consello de administración de Sogecable (empresa propietaria de Canal+ e Digital+) solicita ó Consello de Ministros a modificación das condicións subscritas en 1989 co Goberno, para eliminar as restricións da licenza de televisión analóxica coa que opera Canal+, que só permiten emitir en aberto durante seis horas, e poder así facelo 24 horas diarias.

O goberno de José Luis Rodríguez Zapatero decidiu pospoñer varios meses o troco de licenza de Canal+ ata obter un informe do Consello de Estado a petición de Sogecable e, o máis importante, chegar a un acordo cos outros grupos. O acordo cos grupos dos medios chegou tras concederlles un multiplex completo (4 canles) a cada un deles tralo apagamento analóxico de 2010.

Finalmente, o Consello de Ministros, tras recibir o informe favorable do cambio de licenza a Canal+, decidiu en sesión do 29 de xullo de 2005, cambiar as condicións da licenza de Canal+. Tamén se decidiu iniciar un concurso para adxudicar unha nova licenza analóxica de televisión, que finalmente acabou concedéndose á canle laSexta.

Tralo visto e prace do Consello de Ministros, Sogecable fixo público un comunicado no que especificaba que en outono Sogecable lanzaría a súa nova canle de televisión en aberto a través da frecuencia analóxica pola que emitía Canal+. Dito comunicado tamén aclaraba que Canal+ pasaría a emitirse unicamente pola plataforma Digital+.

Gravación dunha entrevista por reporteiros de Cuatro.

O 30 de agosto de 2005 Sogecable a través da Cadena SER anuncia que Iñaki Gabilondo, a súa principal estrela, director e presentador do programa Hoy por Hoy durante os dezanove anos anteriores, deixaba a dirección deste programa para ser o presentador do informativo nocturno da nova canle.

Cuatro fíxose cos dereitos do Mundial de Alemaña 2006 despois de comprarllos a laSexta. Os partidos emitidos deste campionato proporcionáronlle un enorme éxito de audiencia.

Ademais é unha das canles que máis aposta pola ficción: tivo en antena máis de 31 series estranxeiras á vez (de aí o seu slogan "Las series eligen Cuatro"). Nos Globos de Ouro de 2007, nunha cerimonia celebrada na cidade dos Ánxeles (EUA) o día 15 de xaneiro de 2007, todas as series premiadas eran emitidas por Cuatro. House, The Closer e Anatomía de Grey, esta última considerada a mellor serie do ano, emitíanse nese momento, e a cuarta, Ugly Betty proximamente.

Xunto con Telecinco e Energy creou a marca Mediaset Sport, adicada á xestión dos dereitos deportivos do grupo Mediaset España Comunicación como son MotoGP, UEFA Europa League a Eurocopa de Fútbol Polonia/Ucraína 2012...

Fusión entre Cuatro e Telecinco[editar | editar a fonte]

O 18 de decembro de 2009, Mediaset, accionista maioritario de Mediaset España Comunicación, e PRISA, dona da totalidade de Prisa TV, presentaron un acordo de fusión das súas canles de televisión en aberto, Telecinco e Cuatro. Tras o acordo de fusión, Cuatro e a súa licenza de emisión separáronse de Prisa TV, e esta empresa foi adquirida na súa totalidade por Mediaset España Comunicación. Xunto con este acto, PRISA obtivo accións de nova emisión de Mediaset España Comunicación, do 18% do capital social desta empresa.

Previamente a este acordo, formalizouse a entrada de Mediaset no accionariado de Digital+, co 22% das accións.

Programas[editar | editar a fonte]

Series[editar | editar a fonte]

Debuxos animados[editar | editar a fonte]

Telerrealidade-concursos[editar | editar a fonte]

Docu Shows[editar | editar a fonte]

  • Callejeros.
  • Campeonísimos.
  • Hipódromo.
  • Hospital.
  • 1 Equipo.
  • Naturistas.

Prime time[editar | editar a fonte]

Audiencias[editar | editar a fonte]

Evolución da cota de pantalla mensual, segundo as medicións de audiencia elaboradas en España por TNS.[1][2] Están en letra grosa e vermello os meses en que foi líder de audiencia.

Ano Xaneiro Febreiro Marzo Abril Maio Xuño Xullo Agosto Setembro Outubro Novembro Decembro Media anual
2005 - - - - - - - - - - 4,2%** 4,9% 0,8%[3]
2006 5,0% 5,3% 5,6% 5,8% 6,2% 7,5% 7,1% 6,8% 6,5% 6,7% 7,0% 7,2% 6,4%[3]
2007 7,5% 7,5% 7,7% 7,8% 8,1% 8,1% 7,8% 7,3% 7,2% 7,4% 7,8% 7,8% 7,7%[3]
2008 8,3% 8,6% 8,7% 9,1% 7,8% 13,1%* 8,0% 7,6% 7,7% 7,5% 8,2% 8,4% 8,6%[3]
2009 8,5% 9,0% 9,0% 9,0% 8,6% 8,9% 7,5% 7,5% 7,4% 7,9% 7,8% 7,6% 8,3%[3]
2010 7,3% 6,3% 6,7% 6,9% 6,5% 8,6% 7,7% 7,2% 7,5% 7,0% 6,6% 6,5% 7,0%[3]
2011 6,3% 6,5% 6,5% 6,4% 6,3% 6,4% 6,1% 5,9% 5,7% 6,0% 5,5% 5,8% 6,1%[3]
2012 6,0% 6,3% 6,4% 5,9% 5,5% 6,8% 5,7% 5,5% 5,9% 5,6% 5,7% 6,2% 6,0%[3]
2013 5,8% 6,2% 5,9% 5,6% 5,8% 6,4% 6,0% 6,1% 6,4% 5,9% 5,8% 5,7% 6,0%[3]
2014 6,2% -

1. Comezou a súa primeira emisión o 7 de novembro | * Máximo histórico | ** Mínimo histórico

Notas[editar | editar a fonte]

  1. FormulaTV - Audiencias
  2. "Videorating - Informe de audiencias". Arquivado dende o orixinal o 07 de setembro de 2009. Consultado o 10 de xullo de 2011. 
  3. 3,0 3,1 3,2 3,3 3,4 3,5 3,6 3,7 3,8 Redacción (3 de enero de 2014). FormulaTV, ed. "Telecinco gana 2013 con un 13,5%, frente al 13,4% de Antena 3". Barlovento Comunicación. Madrid: Noxvo Editorial. Consultado o 5 de xaneiro de 2014. Evolución anual de cadenas desde 2000 en adelante 

Véxase tamén[editar | editar a fonte]

Ligazóns externas[editar | editar a fonte]