Naruto

Na Galipedia, a Wikipedia en galego.
Esta páxina trata sobre a serie, para o artigo sobre o protagonista véxase Naruto Uzumaki.
書.svg Esta páxina contén texto en xaponés.
Se o seu navegador non está axeitadamente configurado pode ver caracteres estraños.
Naruto
{{{caption}}}
ナルト
(Naruto)
Manga Naruto
Creado por Masashi Kishimoto
Editor Japan Shūeisha
Publicado en Weekly Shōnen Jump
Primeira edición 21 de setembro de 1999
Última edición 10 de novembro de 2014
Núm. de volumes 72[1] (700 capítulos, publicación semanal)
Anime Naruto
Dirixido por Hayato Date
Estudio Studio Pierrot
Canle televisiva Japan TV Tokyo
España Jetix
España Cuatro
España Cartoon Network
Flag of the United States.svg Cartoon Network
Flag of Canada.svg YTV
Francia GameOne
Alemaña RTL II
Flag of Mexico.svg Flag of Argentina.svg Flag of Uruguay.svg Flag of Brazil.svg Flag of Colombia.svg Flag of Peru.svg Flag of Chile.svgFlag of Venezuela.svg Flag of Paraguay.svg CórsegaFlag of Nicaragua.svgFlag of Honduras.svg Flag of Guatemala.svgFlag of Panama.svg Flag of Ecuador.svg
Primeira emisión Flag of Japan.svg 3 de outubro de 2002

España 4 de novembro de 2006
Flag of Mexico.svg Flag of Argentina.svgFlag of Brazil.svg Flag of Colombia.svgFlag of Peru.svg Flag of Chile.svg Flag of Venezuela.svg Flag of Paraguay.svg CórsegaFlag of Honduras.svg Flag of Guatemala.svgFlag of Panama.svg 1 de xaneiro de 2007
Flag of Nicaragua.svg 1 de setembro de 2007
Flag of Ecuador.svg 29 de outubro de 2007

Última emisión 8 de febrero de 2007
Núm. de capítulos 220
Anime Naruto: Shippūden
Dirixido por Hayato Date
Estudio Studio Pierrot
Canle televisiva Japan TV Tokyo
Primeira emisión 15 de febreiro de 2007
Última emisión Aínda en emisión
Núm. de capítulos 71 (ata o 14 de agosto de 2008)
Filmes
OVAS
  • Naruto: En busca do trebo carmesí de 4 follas (Jump Festa 2003)
  • Naruto: Batalla na fervenza oculta: eu son o heroe! (Jump Festa 2004)
  • Naruto: Torneo de Combates Mixtos!
  • O festival deportivo de Konoha

Naruto (ナルト?) é unha serie manga creada por Masashi Kishimoto, máis tarde levada ao anime, sobre un ninja adolescente chamado Naruto. O manga apareceu publicado por vez primeira por Shūeisha en 1999 no número 43 da revista Shōnen Jump no Xapón, e nela continúa a súa edición cun capítulo por semana, recompilados ata agora en 42 volumes.

O éxito do manga fixo que a súa trama fose adaptada a unha serie de anime orixinalmente transmitida por TV Tokyo que só empezou a ser traducida a outros idiomas cando levaba moito tempo emitíndose no Xapón. Tanto manga como anime acadaron unha distribución notable no estranxeiro, previa á exportación, debido aos numerosos fansubs que os traduciron ao redor do mundo. Na clasificación publicada por TV Asahi dos mellores 100 animes de 2006 (en base a unha enquisa online no Xapón), Naruto obtivo o posto 17[2].

Anime e manga[editar | editar a fonte]

O anime segue o argumento do manga con só algunhas modificacións menores, como suavizar as lesións e restar algo de forza aos combates, así como a extensión dalgunhas partes que no manga só se mencionan. A historia no anime foi dividida ata o momento en dúas partes, a primeira chamada simplemente Naruto, iniciada o 3 de outubro de 2002, e a segunda, que iniciou a súa emisión o 15 de febreiro de 2007, recibindo o nome de Naruto: Shippūden (Naruto: Crónicas do Furacán), que relata a segunda parte do manga. Así mesmo, conta cunhas sagas comunmente denominadas recheo, que relatan aventuras non aparecidas no manga, e que ocorren no tempo que separa ambas as partes da historia. O motivo disto foi dar tempo á historia do manga a avanzar para poder adaptala adecuadamente ao anime, contando con material abondo.

Argumento[editar | editar a fonte]

Aviso: Esta sección pode revelar detalles da trama e/ou do argumento.

Primeira parte[editar | editar a fonte]

A historia de Naruto vai aumentando en complexidade, evolucionando cara a situacións máis maduras conforme se vai desenvolvendo a trama. Na primeira parte, Naruto, o argumento limítase a expor un pouco como é o mundo en que se desenvolve a acción, e os temas e as situacións son simples.

Naruto, un aprendiz de ninja da Aldea Oculta de Konoha é un mozo traste que desexa chegar a ser o Hokage da aldea para demostrar a todos o que vale. O que descobre ao comezo da historia é que a xente o mira con desconfianza porque no seu interior está encerrado o demo Kyubi que unha vez destruíu a aldea, e que o anterior líder desta tivo que encerrar no seu corpo sendo aínda moi pícaro, a custo da súa vida. Aínda que os seus compañeiros non saben isto, tampouco lle teñen aprezo porque é un mal estudante e sempre anda a facer brincadeiras. Con todo, a forma de actuar e a determinación de Naruto demostran aos demais que pode chegar moi lonxe, e o receo dos outros mozos vaise disipando. Naruto e os seus compañeiros Sakura e Sasuke, xunto ao seu mestre Kakashi, terán que enfrontarse a unha serie de combates e misións ao longo da historia que lles permitirán mellorar e medrar.

Segunda parte[editar | editar a fonte]

Artigo principal: Naruto: Shippūden.

Na segunda tempada da historia, denominada no anime Naruto: Shippūden, os personaxes son tres anos maiores e actúan acorde a isto. As situacións revelan unha trama moito máis elaborada que non se entreviu na primeira parte. Entre ambas as partes pasaron tres anos nos que cada un dos personaxes da anterior etapa estivo adestrando polo camiño elixido: Naruto estivo con Jiraiya o ermitán, que lle ensina a controlar o chakra de Kyubi para usalo ao seu favor, Sakura con Tsunade, Hokage da aldea, estudando mediciña, e Sasuke co renegado Orochimaru grazas ao cal quere gañar a forza suficiente para derrotar ao seu irmán maior Itachi, que asasinou a todos os demais do seu clan. Á vez entran en escena os membros da misteriosa Organización Akatsuki que desexa capturar para fins revelados só moi avanzada a historia a todos os Bijū, monstros moi poderosos, un dos cales é o que está encerrado en Naruto.

Recheo e Gaiden[editar | editar a fonte]

No manga a separación entre ambas as partes é unha saga de cinco capítulos chamada Kakashi Gaiden (un gaiden é unha historia que serve de transfondo) que conta uns sucesos vividos por un dos personaxes na súa mocidade, e que non foi trasladada á pantalla de momento. No anime, dado que a historia avanzaba máis rápido que o manga (da orde de dous capítulos de manga por cada un de anime), lanzáronse unha serie de sagas de recheo para dar tempo a que este revelase unha certa cantidade do que estaba por pasar. Este recheo prolongouse durante un número de capítulos similar aos ocupados pola primeira parte, da orde de 80. A continua prolongación desta etapa, atrasando a chegada da segunda parte do manga á versión animada provocou que o anuncio da súa fin fose unha noticia de importancia para os que seguían a historia dentro e fóra do Xapón[3].

Aspectos da serie[editar | editar a fonte]

Personaxes[editar | editar a fonte]

A inmensa maioría dos personaxes que aparecen nesta serie son ninjas das distintas aldeas e faccións que hai na historia. Os protagonistas pertencen á Aldea Oculta de Konoha e a historia, aínda que non vira ao redor deles, nárrase maiormente en base ás súas aventuras. Estes personaxes son:

  • Naruto Uzumaki (うずまきナルト Uzumaki Naruto?): é o protagonista da historia, un mozo ninja que alberga no seu interior ao demo Kyubi e que desexa chegar a Hokage da súa aldea para demostrar a todos o seu poder e o seu valía. Os seus compañeiros de grupo, ao comezo da historia, son Sasuke, Sakura e o seu mestre Kakashi. Co avance da narración, este grupo cambia cando Sasuke decide abandonar a aldea para levar a cabo a súa vinganza persoal. Naruto convértese logo en aprendiz de Jiraiya.
  • Sasuke Uchiha (うちはサスケ Uchiha Sasuke?): é o último membro do clan Uchiha, un mozo serio e moi dotado para as artes ninja. O seu obxectivo é facerse o suficientemente forte como para derrotar ao seu irmán maior Itachi, que asasinou a todos os demais do seu clan. Acaba abandonando a aldea para adestrar con Orochimaru.
  • Sakura Haruno (春野サクラ Haruno Sakura?): é a única moza do equipo. Inicialmente está namorada de Sasuke e despreza a Naruto. Ao avanzar a historia ve que Sasuke non ten ningún interese nela e empeza a apreciar a Naruto. Convértese en aprendiz de Tsunade e aprende técnicas de medicamento ninja.
  • Kakashi Hatake (はたけカカシ Hatake Kakashi?): o primeiro mestre do equipo de Naruto, Sasuke e Sakura, un ninja severo e amante das novelas para adultos que se preocupa moito polo traballo en equipo. Posúe un sharingan no seu ollo esquerdo conseguido dun membro do clan Uchiha que era amigo seu e deullo nunha situación desesperada. Con este ollo copiou moitas técnicas doutros ninjas, o que lle valeu o alcume de Ninja copia.

Ademais destes personaxes principais, están os outros equipos de ninjas que compartiron clase con Naruto na academia ninja e os seus mestres. Destacan os grupos formados por Ino, Chōji, Shikamaru e a súa mestra Asuma, o de Hinata, Kiba, Shino e a súa mestra Kurenai, e o formado por Rock Lee, Tenten, Neji e o seu mestre Maito Gai (estes últimos son un ano maiores).

Outros personaxes importantes na historia son os sannin, tres ninjas lendarios da aldea, Tsunade, Jiraiya e Orochimaru, e máis adiante, os membros da Organización Akatsuki, ninjas renegados de diversas procedencias que están capturando aos demos Bijū por algún motivo que non se revela ata que avanza a historia.

Ninjas[editar | editar a fonte]

Artigo principal: Ninja (Naruto).

Os ninjas que se mostran na historia de Naruto non son simples especialistas en inflitración e asasinato, como os seus homólogos no mundo real. Estes loitadores poden usar unha serie de técnicas secretas grazas a unha enerxía interna denominada chakra, que lles fai moi distintos ás figuras orixinais do Xapón tradicional. Para usar estas técnicas, a maioría das veces utilízanse selos, que se fan pondo as mans en certas posicións. Estas técnicas divídense en tres, as propiamente ninja, (ninjutsu), as puramente físicas (taijutsu) e as ilusorias (genjutsu). Existen algunhas variedades especiais das técnicas ninjutsu que se herdan de xeración en xeración dun clan, as técnicas de liña sucesoria, entre as que destacan na historia as técnicas oculares (dōjutsu).

O mundo de Naruto[editar | editar a fonte]

Artigo principal: Xeografía de Naruto.

No universo ficticio da serie, o mundo mostrado está dividido nunha serie de países entre os que hai constantes guerras e rivalidades. A maior parte deles conta cunha aldea oculta de ninjas que representan o poderío militar do país en cuestión. Entre as cinco máis importantes atópase a Aldea Oculta de Konoha de onde son orixinarios os protagonistas. Os países funcionan como no Xapón medieval, con señores feudais. Con todo, á vez que este e outros elementos antigos, neste mundo móstranse moitas cousas comúns da actualidade, incluídos aparellos eléctricos.

Os detalles da trama e/ou do argumento rematan aquí.

Medios relacionados[editar | editar a fonte]

Banda sonora[editar | editar a fonte]

A banda sonora do anime de Naruto componse dunha serie de openings e endings que van aparecendo sucesivamente nos capítulos, así como de recompilacións dos temas que serven de fondo á historia, dos cales hai ata o momento tres.

Videoxogos[editar | editar a fonte]

A gran difusión que tivo a historia de Naruto, en especial a raíz do anime e a súa aparición fóra do Xapón, permitiu que numerosas empresas de videoxogos editen títulos para as distintas plataformas de xogo existentes, aínda que non todos eles foron comercializados aínda fora do Xapón.

Curiosidades e diferenzas[editar | editar a fonte]

Como moitas outras series, Naruto foi un manga antes que un anime. Trátase dunha adaptación bastante fiel aos sucesos que narra o manga. Con todo, trasladar isto ao ámbito do anime adoita levar unha serie de cambios, algúns estéticos, e outros simplemente para dar ao argumento da serie un aspecto máis atractivo. Doutra banda, a historia está chea de xogos de palabras, en especial nos nomes dos personaxes, e coa mitoloxía e folclore xaponeses[4], así como moitas outras curiosidades notables.

Distribución[editar | editar a fonte]

No Xapón, o manga se publica na Weekly Shōnen Jump, e ao chegar ao tomo 36, vendera máis de 71 millóns de copias alí[5]. En España é Glénat[6] a editorial que publica o manga, e en México o distribúe a editorial Vid[7]. Ademais, VIZ Media trasladou a versión en inglés á Shōnen Jump dos Estados Unidos.

O anime comezou a retransmitir en España en setembro de 2006 a través de Jetix, e en América Latina en xaneiro de 2007 a través de Cartoon Network, aínda que só os primeiros 52 episodios.

Dobraxe e críticas[editar | editar a fonte]

A versión española do anime é criticada nalgúns sitios de internet especializados no tema por varios motivos, entre os que están a censura de escenas con contido violento (na súa maioría aparicións de sangue), o cambio do opening orixinal xaponés por un rap americano, de varios nomes e a dobraxe elixida.

A censura débese a que a versión orixinal da serie (non recomendada para menores de 13 anos) non se atopa no mercado internacional, a diferenza da distribuída fóra do Xapón, apta para todos os públicos. Ademais, os dobradores foron elixidos pola distribuidora da serie e aprobados polos creadores de Naruto.

Non hai versión dobrada ao galego.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Naruto
Páxinas oficiais
Outras páxinas