Golden State Warriors

Na Galipedia, a Wikipedia en galego.
Golden State Warriors
Golden State Warriors logo
Conferencia Conferencia Oeste
División División Pacífico
Fundado en 1946
Historia Philadelphia Warriors
1946–1962
San Francisco Warriors
1962–1971
Golden State Warriors
1971-presente
Pavillón Oracle Arena
Cidade Oakland, California
Cores Azul, amarelo e branco
              
Propietario(s) Joe Lacob, Peter Guber
Mánager xeral Bob Myers
Adestrador Steve Kerr
Afiliado da D-League Santa Cruz Warriors
Campionatos BAA: 1 (1947)
NBA: 2 (1956, 1975)
Títulos de conferencia 6 (1947, 1948, 1956, 1964, 1967, 1975)
Títulos de división 3 (1975, 1976, 2015)
Dorsais retirados 7 (13, 14, 16, 17, 24, 42)
Web Oficial

Os Golden State Warriors son un equipo profesional de baloncesto estadounidense) con sede en Oakland, California. Forman parte da División Pacífico da Conferencia Oeste da National Basketball Association (NBA) e xogan os seus partidos como local no Oracle Arena, un pavillón con capacidade para 19.596 espectadores.

O equipo foi fundado foi en 1946 na cidade de Filadelfia, no estado Pensilvania, xa co nome de Warriors. Durante esa época o equipo gañou o campionato da tempada inaugural da Basketball Association of America (BAA), torneo que acabaría derivando na actual NBA. En 1962, a franquía trasladouse a San Francisco, en California, pasando o equipo a chamarse San Francisco Warriors. Finalmente, en 1971 cambia o seu nome foi polo actual de Golden State Warriors, en referencia ao alcume do Estado califoniano: o "Estado Dourado" (en inglés: Golden State).

Os Warriors xogan no Oracle Arena de Oakland desde 1966, con algunha excepción durante os primeiros anos e ininterrompidamente desde 1971. Porén, en abril de 2014, a franquía anuncia que se trasladará a un novo pavillón situado na cidade de San Francisco para a tempada 2018-19. Ademais do seu título na tempada inaugural da BAA, os Warriors acadaron o título de campións en outras dúas ocasións, na tempada 1955-1956 como Philadelphia Warriors, onde venceron na final aos Fort Wayne Pistons, e en 1974-1975, xa como Golden State Warriors, onde venceron aos Washington Bullets. Por mor disto son o sétimo equipo en canto a palmarés da NBA. Os Warriors retiraron o dorsal a algúns dos seus xogadores máis destacados ao longo da historia: Wilt Chamberlain, Tom Meschery, Al Attles, Chris Mullin, Rick Barry e Nate Thurmond.

Historia[editar | editar a fonte]

Os Philadelphia Warriors[editar | editar a fonte]

Os Warriors foron fundados en 1946 en Filadelfia, Pensilvania, co nome de Philadelphia Warriors, sendo un dos membros fundadores da Basketball Association of America (BAA). O seu primeiro propietario foi Peter A. Tyrrell, un empresario do entretemento que tamén era dono dos Philadelphia Rockets da American Hockey League. Para dirixir e adestrar ao equipo, Tyrell contratou a Eddie Gottlieb, un promotor de baloncesto da área de Filadelfia. O nome do equipo foi escollido debido a un antigo equipo profesional que xa existira na cidade. Liderados polo sensacional anotador Joe Fulks, os Warriors gañaron o campionato na tempada inaugural da competición, a 1946-47, batendo a Chicago Stags en cinco partidos. En 1949 a BAA convertese na National Basketball Association, e dous anos despois, en 1951, Gottlieb compra a franquía.

Os Warriors gañaron o seu outro campionato en Filadelfia na temporada 1955-56, derrotando aos Fort Wayne Pistons por catro partidos a un na final. As estrelas deses primeiros Warrios eran Paul Arizin e Neil Johnston. En 1959, o equipo elixe no Draft ao pivote Wilt Chamberlain. Coñecido como "Wilt the Stilt", Chamberlain liderou ao equipo en anotación seis veces e batiu incontábeis records da NBA, cambiando mesmo o rumo da liga para sempre. O 2 de marzo de 1962, nun partido no que os Warriors exercían como locais nun pavillón neutral en Hershey, Pensilvania, anotou 100 puntos ante New York Knicks, o que aínda hoxe supón a maior marca de puntos conseguidos nun só partido da historia da liga.

Os San Francisco Warriors[editar | editar a fonte]

En 1962, Franklin Mieuli adquiriu unha parte maioritaria das accións do equipo e trasladouno ao área da Baía de San Francisco, cambiando ao nome a "San Francisco Warriors". Os novos Warriors xogaron a maior parte dos seus partidos como local da temporada 1962–64 no Cow Palace en Daly City, xusto ao sur dos límites da cidade de San Francisco, e no San Francisco Civic Auditorium durante a temporada 1964–66. Con todo, ás veces xogaban os seus partidos en grandes cidades próximas como Oakland ou San José.

Antes da temporada 1963-64, os Warriors draftearon ao xigante Nate Thurmond para acompañar a Chamberlain. Os Warriors gañaron a coroa da División Oeste desa tempada, mais perderon as Finais ante os Boston Celtics por catro xogos a un. Na temporadada 1964-65, os Warriors traspasaron a Chamberlain aos Philadelphia 76ers a cambio de Connie Dierking, Lee Shaffer, Paul Neumann e 150.000 dólares, pasando a gañar tan só 17 partidos. En 1965, o equipo draftea a Rick Barry na primeira rolda. O xogador, que sería nomeado Rookie do Ano, lidera aos Warriors ás finais da NBA na tempada 1966-67, onde perderían outra vez. Esta vez a derrota sería por catro xogos a dous ante o novo equipo de Chamberlain, os 76ers.

Irado polo fracaso da xestión ao pagarlle certas bonificacións de incentivo que sentía que lle debían, Barry marcha do equipo na tempada 1967-68 e asina para a temporada seguinte cos Oakland Oaks da competición rival: a American Basketball Association. Porén, despois de catro tempadas na ABA voltaría aos Warriors en 1972. Durante a ausencia de Barry, a franquía non se voltou candidatar para o título, caendo o mando do equipo en Thurmond, Jeff Mullins e Rudy LaRusso. Coa apertura do Oakland Coliseum Arena en 1966, os Warriors comezaron a xogar un número crecente de partidos como local alí, sendo a temporada 1970-71 a última do equipo co nome de San Francisco Warriors.

Primeiro campionato en California[editar | editar a fonte]

Na te mporada 1971-72 o equipo cambia o seu nome ao actual "Golden State Warriors", en referencia ao alcume de California: o "Estado Dourado" (en inglés: Golden State), xogando a meirande parte dos seus encontros como local en Oakland. Alén diso, os Warriors xogan seis encontros como local en San Diego, aínda que xa non voltarían nin a San Francisco nin a Daly City. Despois deste cambio de nome, os Warriors convertéronse no único equipo da competición que non inclúe no seu nome o nome da súa cidade ou do Estado.

Entre 1971 e 1977, os Warriors conseguiron chegar aos Playoffs todos os anos menos en 1974, gañando o seu único campionato da NBA desde que están na costa oeste norteamericana na temporada 1974-75. No que moitos consideran a maior sorpresa da historia da NBA, os Golden State non só derrotaron aos Washington Bullets na final, claros favoritos ao título, senón que os varreron en tan só catro partidos. Ese equipo estaba adestrado polo ex-Warrior Al Attles, e liderado na pista por Rick Barry, Jamaal Wilkes e Phil Smith. Barry foi nomeado MVP das Finais.

A partir de 1978, debido á perda de xogadores clave como Barry, Wilkes e Thurmond por mor de traspasos e retiradas, os Warriors experimentaron unha profunda muda. Despois de ser un dos equipos dominantes da NBA na década de 1960 e da maior parte da década de 1970, tiveron que loitar para poder conseguir ter un equipo competitivo desde 1978 até 1987. A través do Draft da NBA adquiriron algúns xogadores como o ala-pivote anotador Purvis Short (1978) ou o pivote da Universidade de Purdue Joe Barry Carroll (1980). Este último chegou aos Warriors, tras traspasar en 1980 ao pivote Robert Parish (drafteado en 1976) aos Boston Celtics, e xunto cunha futura elección de Draft que lles depararía a Kevin McHale. Parish e McHale serían pezas crave nos Boston Celtics tetracampións da NBA.

En 1983, os Warriors igualan oferta dos New York Knicks para asinar ao axente libre Bernard King, mais, incapaces de pagar o seu alto salario, traspasárono rápidamente ao equipo neoiorquino a cambio do escolta Michael Ray Richardson, quen pronto sería enviado aos New Jersey Nets a cambio do base de Georgetown Eric "Sleepy" Floyd, e ao ala Mickey Johnson. Floyd chegaría a anotar 29 puntos para os Warriors no último cuarto dun partido de playoffs contra os Lakers, aínda que sería posteriormente traspasado aos Houston Rockets. A saída destes xogadores simbolizou por diversas razóns a vacuidade da franquía durante este período. Porva disto son os numerosos cambios de adestrador que fixo o equipo logo despois de que Attles deixase o posto para converterse no manager xeral en 1980 trasladou até a oficina principal como director xeneral en 1980. Os novos propietarios, Jim Fitzgerald e Dan Finane, finalmente lograron devolver o equipo ao seu antigo prestixio mediante a contratación de ex adestrador dos Cleveland Cavaliers George Karl en 1986, xunto coa selección no Draft do ala da Universidade de St. John Chris Mullin en 1985.

A era Run T-M-C[editar | editar a fonte]

Despois do mediocre período de finais de 1970 e principios de 1980, o equipo tivo un breve rexurdimento baixo o mando de George Karl, chegando ás semifinais da Conferencia Oeste de 1987 contra os Lakers de Earvin "Magic" Johnson e Kareem Abdul-Jabbar. O cuarto partido desta eliminatoria aínda é emitido na actualidade por televisión como un dos mellores encontros da historia da NBA. Neste partido destacou por riba de todo o rendemento do base All-Star Sleepy Floyd o segundo período, onde batiu os record dos Playoffs da NBA de puntos nun cuarto (29) e nun medio (39). As súas seis canatras consecutivas ao final do partido levárono a acadar a marca de 51 puntos para el e unha vitoria para os Warriors. Porén, a eliminatoría remataría cunha derrota por 4-1 para os Warriors.

O "partido de Sleepy Floyd" foi un catalizador para incrementar o interese pola NBA na área da Baía, impulsado ademais polo novo adestrador Don Nelson, quen chegara aos Warriors desde os Milwaukee Bucks dan man de Jim Fitzgerald, quen con Dan Finnane, foi o propietario do equipo entre 1986 and 1995. Co novo adestrador conseguiuse outra exitosa serie de vitorias entre finais da década 1980 e comezos de 1990. Na pista destacaba a aportación do trío de anotadores exteriores Tim Hardaway, Mitch Richmond e Chris Mullin, coñecidos colectivamente como "Run TMC" debido ao grupo de rap "Run-DMC". Con todo, os "Run TMC" duraron só dúas tempadas, nas que tan só conseguiron superar unha rolda dos playoffs. O motivo da disolución foi a tentativa do adestrador Nelson de conseguir unha nova promesa que xogase en posicións interiores, podendo así complementar o seu sistema "run-and-gun". Finalmente Richmond é enviado aos Sacramento Kings a cambio do ala-pivote novato Billy Owens. En 1993-94, grazas a Chris Webber, elección de primeira rolda do Draft e posteriormente Rookie do Ano, xunto co escolta Latrell Sprewell, os Warriors chegan de novo ás eliminatorias polo título.

Ao comezo da seguinte tempada, con todo, formouse un abismo entre Webber e Sprewell por unha banda e Nelson pola outra. Os tres pronto deixaron o equipo e a franquía foise a pique. A temporada 1994-95 foi a primeira baixo a rexencia do novo dono do equipo, Chris Cohan, que o comprara a Fitzgerald e Finnane. No Draft de 1995 os Warriors tiveron a súa primeira oportunidade na historia de ter unha primeira elección, a cal utilizaron para seleccionar a o ala-pivote Joe Smith. Alén diso, contratouse a Rick Adelman como o novo adestrador. A mediados de competición houbo máis movementos, ao enviar a Tim Hardaway e a Chris Gatling aos Miami Heat a cambio de Kevin Willis e Bimbo Coles. Finalmente o equipo acabaría cunha marca de 36-46, a tan só tres vitorias de entrar nos playoffs. Ao ano seguinte os Warriors remformarían o seu pavillón, o Oakland Coliseum Area, polo que ese ano xogaron os seus partidos como local no San Jose Arena. Finalmente o ano acabaría cun rexistro de 30-52.

Pavillóns[editar | editar a fonte]

Xogadores[editar | editar a fonte]

Cadro actual[editar | editar a fonte]

Golden State Warriors 2014-2015
Xogadores Adestradores
Pos. # Nac. Nome Altura Peso Orixe
B-E 19 Flag of Brazil.svg Barbosa, Leandro 1.91 m (6 ft 3 in) 88 kg (194 lb) Brasil
A-AP 40 Flag of the United States.svg Barnes, Harrison 2.03 m (6 ft 8 in) 95 kg (210 lb) North Carolina
P 12 Australia Bogut, Andrew 2.13 m (7 ft 0 in) 118 kg (260 lb) Utah
B-E 30 Flag of the United States.svg Curry, Stephen (C) 1.91 m (6 ft 3 in) 84 kg (185 lb) Davidson
P 31 Flag of Nigeria.svg Ezeli, Festus 2.11 m (6 ft 11 in) 116 kg (255 lb) Vanderbilt
A-AP 23 Flag of the United States.svg Green, Draymond 2.01 m (6 ft 7 in) 104 kg (230 lb) Michigan State
E-A 7 Flag of the United States.svg Holiday, Justin 1.98 m (6 ft 6 in) 84 kg (185 lb) Washington
E-A 9 Flag of the United States.svg Iguodala, Andre (C) 1.98 m (6 ft 6 in) 94 kg (207 lb) Arizona
P 1 Bosnia e Hercegovina Kuzmić, Ognjen 2.13 m (7 ft 0 in) 114 kg (251 lb) Bosnia e Hercegovina
AP-P 10 Flag of the United States.svg Lee, David 2.06 m (6 ft 9 in) 113 kg (250 lb) Florida
B-E 34 Flag of the United States.svg Livingston, Shaun 2.01 m (6 ft 7 in) 83 kg (182 lb) Peoria Central HS (IL)
A-AP 20 Flag of the United States.svg McAdoo, James Michael 2.06 m (6 ft 9 in) 104 kg (230 lb) North Carolina
E-A 4 Flag of the United States.svg Rush, Brandon 1.98 m (6 ft 6 in) 100 kg (220 lb) Kansas
AP-P 5 Flag of the United States.svg Speights, Marreese 2.08 m (6 ft 10 in) 116 kg (255 lb) Florida
E-A 11 Flag of the United States.svg Thompson, Klay 1.98 m (6 ft 6 in) 92 kg (202 lb) Washington State
Adestrador
Asistente(s)
Adestrador(es) atlético(s)
  • Flag of the United States.svg Chad Bergman (IUPUI)

Lenda
  • (C) Capitán
  • (DP) Drafteado sen asinar
  • (FA) Axente libre
  • (IN) Inactivo
  • (S) Suspendido
  • Injured Lesionado

CadroTransaccións
Actualizado: 07-03-2015

Dorsais retirados[editar | editar a fonte]

Dorsal Xogador Posición Anos
13 Wilt Chamberlain P 1959-1965
14 Tom Meschery AP 1961-1971
16 Al Attles B 1960-1971
17 Chris Mullin A 1985-1997 / 2000-2001
24 Rick Barry A 1965-1967 / 1972-1978
42 Nate Thurmond P 1963-1974

Membros do Hall of Fame[editar | editar a fonte]

Os seguintes xogadores, adestradores e contribuidores dos Golden State Warriors, e das súas anteriores denominacións Philadelphia Warriors e San Francisco Warriors, foron incluídos no Basketball Hall of Fame.

Dorsal Xogador Posición Anos
11 Paul Arizin E 1950-62
24 Rick Barry A 196667, 197278
13 Wilt Chamberlain P 1959-65
10 Joe Fulks A 1946-54
14 Tom Gola A 1955-62
6 Neil Johnston P 1951-59
30 Bernard King A 1980-82
16 Jerry Lucas AP 1969-71
32 Šarūnas Marčiulionis E 1989-94
17 Chris Mullin A 1985-97, 2000-01
00 Robert Parish P 1976-80
17 Andy Phillip E 1950-53
23 Mitch Richmond E 1988-91
25 Guy Rodgers B 1958-66
50 Ralph Sampson P 1987-89
42 Nate Thurmond AP 1963-74
41 Jamaal Wilkes A 1974-77
Pea Whistle.jpg Alex Hannum AD 1963-66
Pea Whistle.jpg Don Nelson AD 1988-95, 2006-10
Exquisite-kwrite.png Eddie Gottlieb CO 1960-02

Adestradores[editar | editar a fonte]

Entrenador Años
Edward Gottlieb 1946-1955
George Senesky 1955-1958
Al Cervi 1958-1959
Neil Johnston 1959-1961
Frank McGuire 1961-1962
Bob Feerick 1962-1963
Alex Hannum 1963-1966
Bill Sharman 1966-1968
George Lee 1968-1970
Al Attles 1970-1980
Johnny Bach 1980
Al Attles 1980-1983
Johnny Bach 1983-1986
George Karl 1986-1988
Ed Gregory 1988
Don Nelson 1988-1995
Bob Lanier 1995
Rick Adelman 1995-1997
P. J. Carlesimo 1997-1999
Garry St. Jean 1999-2000
Dave Cowens 2000-2001
Brian Winters 2001-2002
Eric Musselman 2002-2004
Mike Montgomery 2004-2006
Don Nelson 2006-2010
Keith Smart 2010-2011
Mark Jackson 2011-2014
Steve Kerr 2014-

Marcas e galardóns[editar | editar a fonte]

Líderes da franquía[editar | editar a fonte]

  • Adonal Foyle – Tapóns (1,140)
  • Chris Mullin – Partidos xogados (807), roubos (1,360), perdas (2,110)
  • Guy Rodgers – Asistencias (4,855)
  • Jason Richardson – Triplas intentadas (2,001)
  • Larry Smith – Rebotes defensivos (3,731), rebotes ofensivos (2,709)
  • Nate Thurmond – Minutos xogados (30,729), rebotes totais (12,771)
  • Paul Arizin – Tiros libres intentados (6,189), Tiros libres anotados (5,010), Faltas persoais (2,764)
  • Rick Barry – Tiros de campo intentados (14,392)
  • Wilt Chamberlain – Tiros de campos anotados (7,216), Puntos (17,783)

Galardóns individuais[editar | editar a fonte]

MVP da Tempada da NBA

MVP das Finais da NBA

MVP do All-Star Game da NBA

Seleccións All-Star

Máximo anotador da NBA

Rookie do Ano da NBA

Xogador Máis Mellorado da NBA

Executivo do Ano da NBA

Adestrador do Ano da NBA

Campión do Concurso de Mates

Primeiro Equipo All-NBA

Segundo Equipo All-NBA

Terceiro Equipo All-NBA

Primeiro Equipo Defensivo da NBA

Segundo Equipo Defensivo da NBA

Primeiro Equipo de Rookies da NBA

Segundo Equipo de Rookies da NBA

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]